Abalewi 14:4 - Kinyarwanda Bibiliya Ntagatifu

⁴ umuherezabitambo azamutegeka kuzana inyoni ebyiri nzima zisukuye, umwenda w’umuhemba hamwe n’amashami ya sederi na hisopo.

Bibiliya Yera

⁴ ategeke ko bashakira ugiye guhumanurwa inyoni ebyiri zitazira nzima, n'ingiga y'umwerezi, n'agatambaro k'umuhemba, n'agati kitwa ezobu.

Bibiliya Ijambo ry'imana D

⁴ umutambyi ategeke ko bashakira ugiye guhumanurwa inyoni ebyiri nzima zidahumanye, n'ishami ry'isederi n'urudodo rutukura n'umushandiko w'utwatsi twitwa hisopo.

Bibiliya Ijambo ry'imana

⁴ umutambyi ategeke ko bashakira ugiye guhumanurwa inyoni ebyiri nzima zidahumanye, n'ishami ry'isederi n'urudodo rutukura n'umushandiko w'utwatsi twitwa hisopo.

Abalewi 14:4 Iomraidhean Croise

Zaburi 51:7

Dore jyeweho navutse ndi umunyabyaha, kandi mama yansamanye igicumuro.

Iyimukamisiri 12:22

Muzende umushandiko w’icyuhagiro, mwinike mu maraso azaba ari ku ibesani; ayo maraso azaba ari ku ibesani muyasige ku mutambiko w’urugi no ku nkomanizo zombi. Naho mwebwe, ntihazagire umuntu urenga umuryango w’inzu ye, kugeza mu gitondo.

Abalewi 1:14

Niba ashaka gutura Uhoraho igitambo gitwikwa cy’inyoni, azazane intungura cyangwa inuma.

Abalewi 12:8

«Niba uwo mubyeyi adashobora kubona umwana w’intama, azafate inuma ebyiri cyangwa intungura ebyiri; imwe iturweho igitambo gitwikwa, indi ayitureho igitambo cy’impongano y’icyaha. Iyo umuherezabitambo amaze kumukoreraho umuhango wo kumusukura, ubwo nyine aba asukuwe.»

Abalewi 14:5

Umuherezabitambo azategeka kwicira inyoni ya mbere hejuru y’urwabya rw’ibumba rurimo amazi yo mu iriba.

Abalewi 14:6

Azafata inyoni nzima isigaye hamwe n’umwenda w’umuhemba, ishami rya sederi n’irya hisopo; abyinike mu maraso ya ya nyoni biciye hejuru y’amazi yo mu iriba.

Abalewi 5:7

Niba umuntu afite amikoro make, akaba adashobora kubona rimwe mu matungo magufi, nashaka gutura igitambo cy’impongano y’icyaha, azazanire Uhoraho intungura ebyiri cyangwa inuma ebyiri, imwe izaturweho igitambo cy’impongano y’icyaha, indi ibe iy’igitambo gitwikwa.

Kubara 19:18

Umuntu usukuye azafata ishami ry’igiti cya hisopo, arikoze muri ya mazi, maze aminjagire ihema n’ibikoresho byose, hamwe n’abantu bazaba baririmo. Azaminjagira kandi na wa wundi uzaba yarakoze uwishwe n’inkota, intumbi cyangwa amagufa y’umuntu, cyangwa imva.

Kubara 19:6

Umuherezabitambo azafata inkwi z’ibiti bya sederi na hisopo hamwe n’agatambaro k’umuhemba, abirohe muri wa muriro inka izaba ikongokeramo.

Abeheburayo 9:19

Koko rero, igihe Musa yari amaze gutangariza imbaga amabwiriza yose uko yanditswe mu Mategeko, yafashe amaraso y’ibimasa n’aya za ruhaya, hamwe n’amazi, abimisha ku gitabo no ku mbaga yose akoresheje ubwoya bw’intama butukura n’icyuhagiro,