Abafilipi 3:21 - Kinyarwanda Bibiliya Ntagatifu

²¹ We uzahindura ukundi umubiri wacu wa gitindi, ugasa n’umubiri we wakirana ikuzo, akoresheje ububasha afite bwo kwigarurira byose.

Bibiliya Yera

²¹ uzahindura uyu mubiri wo gucishwa bugufi kwacu akawushushanya n'umubiri w'ubwiza bwe, kuko afite imbaraga zo kumubashisha kwigandurira byose.

Bibiliya Ijambo ry'imana D

²¹ Azahindura iyi mibiri yacu yoroheje ayigire nk'uwe ufite ikuzo, akoresheje ububasha butuma ashobora kwigarurira ibintu byose.

Bibiliya Ijambo ry'imana

²¹ Azahindura iyi mibiri yacu yoroheje ayigire nk'uwe ufite ikuzo, akoresheje ububasha butuma ashobora kwigarurira ibintu byose.

Abafilipi 3:21 Iomraidhean Croise

Indirimbo ihebuje 1:11

Turagutungira inigi za zahabu, duharagemo amabara ya feza.

Yesaya 25:8

Azatsemba burundu icyitwa urupfu, Uhoraho Imana, ahanagure amarira ku maso yose, avaneho ikimwaro cy’umuryango we, mu gihugu cyose. Ibyo ni Uhoraho ubwe wabivuze.

Yesaya 26:19

Abawe bapfuye bazongera kubaho, imirambo yabo izazuka. Mwebwe abari mu mukungugu, nimukanguke, nimusabwe n’ibyishimo! Kuko ikime cy’Uhoraho ari urumuri rutonyanga ku isi, bityo abari barapfuye bazagaruke imusozi.

Hoseya 13:14

Nanjye se, murabona ndi uwabakura ikuzimu, nkabavana mu nzara z’Urupfu? Ni ko se Rupfu, ibyago watezaga biri hehe? Kuzimu se wowe, icyorezo cyawe kiri ahagana he? Nta kundi rero, amaso yanjye ntakigize impuhwe.

Matayo 17:2

Nuko yihindurira ukundi mu maso yabo: uruhanga rwe rubengerana nk’izuba, imyambaro ye yererana nk’urumuri.

Matayo 22:29

Yezu arabasubiza ati «Murayoba kuko mutazi Ibyanditswe, ntimumenye n’ububasha bw’Imana.

Matayo 28:18

Yezu arabegera, arababwira ati «Nahawe ububasha bwose mu ijuru no ku isi.

Abaroma 8:29

Abo yamenye kuva kera, yanabageneye guhabwa isura y’Umwana wayo ngo abe umuvukambere mu bavandimwe benshi.

Abakolosayi 3:4

Aho Kristu azigaragariza, We bugingo bwanyu, icyo gihe namwe muzagaragara muri kumwe na We, mu ikuzo ryisesuye.

1 Yohana 3:2

Nkoramutima zanjye, ubu turi abana b’Imana, ariko uko tuzamera ntibiragaragazwa. Gusa tuzi ko igihe Kristu azigaragariza, tuzaba dusa na We, kuko tuzamureba uko ari mu by’ukuri.

Ibyahisuwe 1:8

Ni jyewe Alufa na Omega, Intangiriro n’Iherezo, — uwo ni Nyagasani Imana ubivuga — Uriho, Uwahozeho kandi Ugiye kuza, Umushoborabyose.