2 Samweli 3:21 - Kinyarwanda Bibiliya Ntagatifu

²¹ Abuneri abwira Dawudi, ati «Ngiye gukoranyiriza Israheli yose imbere y’umwami, umutegetsi wanjye. Bazagirana nawe isezerano, maze utegeke aho wifuza hose.» Dawudi areka Abuneri, yigendera mu mahoro.

Bibiliya Yera

²¹ Maze Abuneri abwira Dawidi ati “Nzahaguruka ngende nteranirize Abisirayeli bose ku mwami databuja, kugira ngo basezerane nawe isezerano, ubone gutegeka abo umutima wawe ushaka bose.” Hanyuma Dawidi asezerera Abuneri agenda amahoro.

Bibiliya Ijambo ry'imana D

²¹ Abuneri aramubwira ati: “Nyagasani, reka ngende nkoranyirize hamwe Abisiraheli bose bagirane nawe amasezerano, bityo uzategeke igihugu cyose nk'uko ubyifuza.” Dawidi aramusezerera, Abuneri agenda amahoro.

Bibiliya Ijambo ry'imana

²¹ Abuneri aramubwira ati: “Nyagasani, reka ngende nkoranyirize hamwe Abisiraheli bose bagirane nawe amasezerano, bityo uzategeke igihugu cyose nk'uko ubyifuza.” Dawidi aramusezerera, Abuneri agenda amahoro.

2 Samweli 3:21 Iomraidhean Croise

2 Samweli 2:9

Nuko aramwimika ngo abe umwami wa Gilihadi, Asheri na Yizireyeli, kimwe na Efurayimu, Benyamini na Israheli yose.

2 Samweli 3:10

kuvana ubwami mu nzu ya Sawuli no gushinga ingoma ya Dawudi kuri Israheli no kuri Yuda, uhereye i Dani, ukageza i Berisheba.»

2 Samweli 3:12

Abuneri yohereza intumwa kwa Dawudi mu izina rye, avuga ati «Mbese iki gihugu ni icya nde?» Arongera kandi ati «Tugirane isezerano, maze nzagufashe kwigarurira Israheli yose.»

2 Samweli 3:20

Nuko Abuneri n’abantu makumyabiri bamuherekeje, ajya kureba Dawudi i Heburoni. Dawudi azimanira Abuneri na bagenzi be.

2 Samweli 5:3

Nuko abakuru b’imiryango ya Israheli bose basanga umwami i Heburoni, maze umwami Dawudi agirana na bo isezerano i Heburoni imbere y’Uhoraho, nuko basiga Dawudi amavuta, aba umwami wa Israheli yose.

1 Abami 11:37

Wowe ubwawe, nzagufata nkujyane utegeke aho ushaka kandi uzaba umwami wa Israheli.

Zaburi 20:4

Aribuke amaturo yawe yose, ashime igitambo cyawe gitwikwa!

Abafilipi 2:21

kuko abandi bose bakurikira ibiri ibyabo, aho gukurikira ibya Yezu Kristu.