2 Samweli 2:26 - Kinyarwanda Bibiliya Ntagatifu

²⁶ Abuneri ahamagara Yowabu aramubaza ati «Mbese inkota izakomeza ubudatuza kubaga abantu? Ntuzi se ko amaherezo ibyo bizarangira mu mubabaro? Uzabwira ryari abantu bawe kureka gukurikirana abavandimwe babo?»

Bibiliya Yera

²⁶ Abuneri ahamagara Yowabu aravuga ati “Mbese inkota izahora ibaga iteka? Ntuzi ko amaherezo yabyo azaba umubabaro usharira? Ariko uzageza he kudategeka abantu ngo barekere aho gukurikirana bene wabo?”

Bibiliya Ijambo ry'imana D

²⁶ Abuneri ahamagara Yowabu aramubaza ati: “Tuzageza he kwicana? Mbese ibyo ntibizatuzanira ingaruka mbi? Utegereje iki kugira ngo ubwire abantu bawe be gukomeza gukurikirana abavandimwe babo?”

Bibiliya Ijambo ry'imana

²⁶ Abuneri ahamagara Yowabu aramubaza ati: “Tuzageza he kwicana? Mbese ibyo ntibizatuzanira ingaruka mbi? Utegereje iki kugira ngo ubwire abantu bawe be gukomeza gukurikirana abavandimwe babo?”

2 Samweli 2:26 Iomraidhean Croise

2 Samweli 11:25

Dawudi abwira iyo ntumwa, ati «Ubwire Yowabu uti ’Ibyo ntibikubabaze. Inkota yica ku buryo bwinshi. Gusa, komeza gukaza umurego wawe ku mugi, maze uwurimbure.’ Numubwira utyo, uzaba umukomeje.»

2 Samweli 2:14

Abuneri abwira Yowabu, ati «Ndagusabye ngo abasore bahaguruke, maze barwanire imbere yacu!» Yowabu aramusubiza ati «Ngaho nibahaguruke!»

2 Samweli 2:16

Buri muntu asumirana n’uwo bashyamiranye, amusogota inkota mu mbavu, nuko bose bacurangukira icyarimwe. Kubera iyo mpamvu aho hantu bahise «Umurima w’imbavu»; ukaba uri i Gibewoni.

2 Samweli 2:25

Ababenyamini barakorana bakikije Abuneri, biremamo itsinda rimwe, maze bahagarara mu mpinga y’umusozi,

2 Samweli 2:27

Yowabu aramusubiza ati «Ndahiye Imana ko iyo utajya kuba ubivuze, abantu batari kurorera gukurikirana abavandimwe babo, kugeza ko bucya.»

Yobu 18:2

«Muzizimba mu magambo mugeze ryari? Mwitonde mutekereze, hanyuma tuganire.

Yobu 19:2

«Muzahereza he kunshengura umutima, munsukiranyaho ayo magambo yanyu?

Zaburi 4:2

Igihe ntabaje, jya unsubiza, Mana indenganura; mu magorwa ni wowe unkura ahaga. Gira ibambe, wumve isengesho ryanjye!

Imigani 17:14

Gushoza amahane ni nko kugomorora amazi, ujye wigendera intonganya zitaravuka.

Yesaya 1:20

Naho niba mubyanze, mugakomeza kuganda, inkota ubwayo ni yo izabarya. Uwo ni Uhoraho ubivuze.

Yeremiya 12:12

Mu mpinga zose z’imisozi yo mu butayu, haturutse abasahuzi. Inkota ibanguwe n’Uhoraho ihinguranyije isi, irayitsemba: nta n’umwe ukiranganwa amahoro.

Yeremiya 2:30

Abana banyu narabahannye, ariko biba iby’ubusa ntibumva. Inkota yanyu yatsembye abahanuzi, boshye intare kirimbuzi.

Yeremiya 4:21

Nzahereza he kureba ibendera ry’intambara, nzumva impuruza y’ihembe ngeze ryari? (Uhoraho:)

Yeremiya 46:10

Ariko uwo munsi uzabera Uhoraho, Imana Umugaba w’ingabo, umunsi wo kwihorera no kwihimura abanzi be. Inkota izagotomera, ihage kandi isinde amaraso yabo. Ibyo bizabera Uhoraho, Imana Umugaba w’ingabo, igitambo mu gihugu cy’amajyaruguru, ku nkombe ya Efurati!

Yeremiya 46:14

Ubitangaze mu Misiri, ubyamamaze i Migidoli, ubigeze i Memfisi n’i Tafune, ugira uti «Urarye uri menge, inkota yabiciye impande zawe.

Hoseya 11:6

Inkota izibasira imigi yayo, isenye inzugi zayo, ibarimbure bazize imigambi yabo mibi.

Ibyakozwe 7:26

Bukeye asanga barwana ubwabo, agerageza kubunga agira ati ’Yemwe bagabo, ko muri abavandimwe; igituma mugirirana nabi ni iki?’