2 Samweli 18:9 - Kinyarwanda Bibiliya Ntagatifu

⁹ Hanyuma Abusalomu aza guhubirana n’abagaragu ba Dawudi. Ubwo Abusalomu akaba ku nyumbu ye, maze inyumbu yinjira mu nsi y’ingara z’amashami y’igiti cy’umushishi. Umutwe wa Abusalomu ufatirwa mu mashami y’umushishi, asigara anagana mu kirere hagati y’isi n’ijuru; naho inyumbu yari imuhetse irikomereza.

Bibiliya Yera

⁹ Hanyuma Abusalomu ahubirana n'abagaragu ba Dawidi, kandi yari ku nyumbu ye. Maze inyumbu ye imunyurana munsi y'amashami y'impatanwa y'umwela w'ingāra, umutwe we ufatwa n'amashami yawo, ahera mu kirere hagati y'ijuru n'isi, inyumbu ye yari imuhetse irakomeza iragenda.

Bibiliya Ijambo ry'imana D

⁹ Abusalomu ahubirana n'ingabo za Dawidi ari ku nyumbu ye, arayirukansa ica munsi y'igiti kinini gifite amashami menshi, maze umutwe we ufatwa mu mashami yacyo, inyumbu irakomeza Abusalomu asigara anagana.

Bibiliya Ijambo ry'imana

⁹ Abusalomu ahubirana n'ingabo za Dawidi ari ku nyumbu ye, arayirukansa ica munsi y'igiti kinini gifite amashami menshi, maze umutwe we ufatwa mu mashami yacyo, inyumbu irakomeza Abusalomu asigara anagana.

2 Samweli 18:9 Iomraidhean Croise

2 Samweli 13:29

Abagaragu ba Abusalomu bagenzereza Aminoni uko Abusalomu yabibategetse. Nuko abahungu bose b’umwami baherako barahaguruka, buri wese yurira inyumbu ye, maze barahunga.

2 Samweli 14:26

Uko umwaka utashye yariyogosheshaga, igihe umusatsi wabaga umaze kuba mwinshi. Uko yiyogosheshaga, umusatsi we barawupimaga: ukaba amasikeli magana abiri ku gipimo cy’umwami.

2 Samweli 17:23

Ahitofeli ngo abone ko batakurikije inama ze, afata indogobe ye, arahaguruka ajya mu mudugudu we. Amaze guha amategeko umuryango we, yimanika mu mugozi. Amaze gupfa bamuhamba mu mva ya se.

2 Samweli 18:10

Umuntu aramubona, araza abwira Yowabu, ati «Nabonye Abusalomu anagana mu giti.»

2 Samweli 18:14

Yowabu aravuga ati «Wikomeza kuntesha igihe.» Nuko afata mu kiganza cye ibihosho bitatu, maze abitera mu mutima wa Abusalomu, wari ukiri muzima yafashwe n’amashami y’igiti cy’umushishi.

2 Samweli 18:8

Intambara ikwira mu gihugu cyose, uwo munsi n’ishyamba ubwaryo rihitana benshi kuruta abishwe n’inkota.

Yobu 31:3

Aho none si amakuba abahemu bagabana, n’inkozi z’ibibi si akaga zigenewe?

Imigani 20:20

Uvuma se na nyina, urumuri rwe ruzamuzimiraho mu ijoro ry’icuraburindi.

Imigani 30:17

Ijisho ry’umuntu useka se, akannyega ubukecuru bwa nyina, ibikona byo mu gasozi bizaritobagura, maze ibyana bya kagoma biriyongobeze.

Yeremiya 48:44

Uzahunga iterabwoba azagwa mu rwobo, uvuye mu cyobo, agwe mu mutego. Ni koko, igihe kizaza, maze Mowabu iryozwe ibyo yakoze, — uwo ni Uhoraho ubivuze.

Matayo 27:5

Nuko bya biceri abijugunya imbere y’Ingoro, ava aho, ajya kwimanika.

Mariko 7:10

Dore Musa yaravuze ati ’Jya wubaha so na nyoko’, kandi ati ’Uzatuka se cyangwa nyina, azacirwa urwo gupfa.’

Abagalatiya 3:13

Kristu yadukijije umuvumo w’amategeko, yihindura umuvumo ari we, ari twe agirira, kuko byanditswe ngo «Umanitse ku giti wese ni umuvumo.»

Ivugururamategeko 21:23

intumbi ye ntizarare imanitse ku giti; ugomba kumuhamba uwo munsi, kuko umuntu umanitse ku giti ari umuvumo w’Imana. Bityo, ntuzahumanye ubutaka bwawe Uhoraho Imana yawe aguhayeho ubukonde.

Ivugururamategeko 27:16

«Arabe ikivume uzasuzugura se cyangwa nyina!» Nuko imbaga yose izasubize iti «Amen».

Ivugururamategeko 27:20

«Arabe ikivume uzasambana na muka se, kuko azaba amworosoyeho umwenda yoroshwe na se!» Nuko imbaga yose izasubize iti «Amen».