2 Samweli 1:10 - Kinyarwanda Bibiliya Ntagatifu

¹⁰ Ni ko kumuguma iruhande maze ndamwica, kuko nari nzi neza ko namara gutsindwa atazaba akibayeho. Nuko mfata ikamba yari afite mu mutwe n’igitare yari yambaye ku kaboko, none mbizaniye umutegetsi wanjye hano.»

Bibiliya Yera

¹⁰ Nuko ndamwegera, ndamusonga kuko nari menye neza ko atakiri uwo gukira, namara kugwa. Mperako mucuza ikamba ryari ku mutwe n'umuringa wari ku kuboko, none mbizaniye databuja.”

Bibiliya Ijambo ry'imana D

¹⁰ Nuko ndamwegera ndamusonga, kuko nabonaga ko n'ubundi ari bupfe. Hanyuma mfata ikamba rye n'umuringa yari yambaye ku kuboko, ndabikuzanira nyakubahwa.”

Bibiliya Ijambo ry'imana

¹⁰ Nuko ndamwegera ndamusonga, kuko nabonaga ko n'ubundi ari bupfe. Hanyuma mfata ikamba rye n'umuringa yari yambaye ku kuboko, ndabikuzanira nyakubahwa.”

2 Samweli 1:10 Iomraidhean Croise

2 Samweli 1:16

Dawudi aravuga ati «Amaraso yawe abe ari wowe ahama, kuko wowe ubwawe wabyihamije uvuga ngo ’Ni jye wishe uwo Uhoraho yasize amavuta y’ubwami.’»

2 Samweli 1:9

Nuko arambwira ati ’Guma iruhande rwanjye ndabigusabye kandi unyice, kuko merewe nabi n’ubwo ngitera akuka bwose.’

2 Samweli 12:30

Milikomu, ikigirwamana cyabo acyambura ikamba ku mutwe; ryari rifite uburemere nk’ubwa talenta imwe ya zahabu kandi ritatswe n’ibuye ry’agaciro, maze iryo buye Dawudi aritakisha ikamba rye. Maze muri uwo mugi, ahakura iminyago myinshi cyane.

2 Abami 11:12

Nuko Yehoyada asohora umwana w’umwami, amwambika ikamba ry’ubwami, amuha n’ibindi biranga ubwami. Bamwimikisha amavuta, hanyuma abantu bose bakoma amashyi biyamirira, bavuga bati «Umwami aragahoraho!»

Amaganya 5:16

Ikamba ryo ku mutwe wacu riraguye. Mbega ishyano! Turagowe kuko twahemutse!

Matayo 7:2

kuko, uko muzaba mwaziciye, ni ko muzazicirwa, n’igipimisho muzageresha, ni cyo namwe muzagererwamo.

Abacamanza 1:7

Adoni‐Bezeki aravuga ati «Abami mirongo irindwi bari baraciwe ibikumwe by’ibiganza n’iby’ibirenge, batoraguraga ibisigazwa byo mu nsi y’ameza yanjye. Ibyo nabakoreye, Imana irabinyituye.» Bamuzana i Yeruzalemu, ari na ho yaguye.

Abacamanza 9:54

Ako kanya Abimeleki ahamagara umutwaje intwaro, aramubwira ati «Kura inkota yawe maze unsonge, hato bataza kunnyega bavuga ngo ’Yishwe n’umugore!’» Nuko umutwaje inkota aramusogota, arapfa.

1 Samweli 22:18

Nuko umwami abwira Dowegi, ati «Wowe hindukira, maze wice abo baherezabitambo.» Dowegi Umunyedomu arahindukira arabica. Uwo munsi hapfa abantu mirongo inani na batanu, bose bambaye umusanganyagihimba, uboshye muri hariri.