1 Samweli 8:7 - Kinyarwanda Bibiliya Ntagatifu

⁷ Uhoraho abwira Samweli, ati «Tega amatwi abo bantu n’ibyo bakubwira byose. Si wowe banze, ahubwo ni jye. Ntibashaka ko mba umwami wabo.

Bibiliya Yera

⁷ Maze Uwiteka abwira Samweli ati “Emerera abo bantu ibyo bagusabye byose kuko atari wowe banze, ahubwo ni jye banze ngo ntaba umwami wabo.

Bibiliya Ijambo ry'imana D

⁷ Uhoraho aramusubiza ati: “Tega amatwi Abisiraheli, wumve ibyo bagusaba byose. Mu by'ukuri si wowe banze, ahubwo ni jyewe. Ntibashaka ko nkomeza kubabera umwami.

Bibiliya Ijambo ry'imana

⁷ Uhoraho aramusubiza ati: “Tega amatwi Abisiraheli, wumve ibyo bagusaba byose. Mu by'ukuri si wowe banze, ahubwo ni jyewe. Ntibashaka ko nkomeza kubabera umwami.

1 Samweli 8:7 Iomraidhean Croise

Iyimukamisiri 16:8

Musa arongera ati «Iki kigoroba Uhoraho araza kubaha inyama zo kurya, n’ejo mu gitondo azabahe imigati ibahagije; kuko Uhoraho yumvise umwijujuto wanyu mumwijujutira! Naho se twebwe turi iki? Si twebwe mwijujutira, ahubwo ni Uhoraho ubwe.»

Yesaya 66:4

Nanjye nzashimishwa n’ingaruka mbi z’ibikorwa byabo, nzabateze ibibatera ubwoba, kuko nahamagaye, ntihagire unyumva. Bakoreye ikibi mu maso yanjye, bahitamo ibitanshimisha.

Yeremiya 34:14

’Nyuma y’imyaka irindwi, buri muntu muri mwe azarekura umuvandimwe we w’Umuhebureyi uzaba yarishyize mu maboko ye; azakubera umugaragu imyaka itandatu, hanyuma umurekure.’ Ariko abasokuruza banyu ntibabyumvise, nta bwo banteze amatwi.

Ezekiyeli 2:3

Arambwira ati «Mwana w’umuntu, ngutumye ku Bayisraheli, kuri ibyo birara byanyigometseho. Bo n’abasekuruza babo banyigometseho kugeza uyu munsi.

Ezekiyeli 3:7

nyamara umuryango wa Israheli uzanga kugutega amatwi, kuko nyine udashaka kunyumva. Koko rero, abo mu muryango wa Israheli ni abantu b’umutwe ukomeye n’umutima unangiye.

Kubara 22:20

Nijoro, Imana isanga Balamu iramubwira iti «Niba bariya bantu baje kuguhuruza, haguruka mujyane. Ariko uzakora icyo nzakubwira cyonyine.»

Matayo 10:40

Ubakiriye neza, ni jye aba yakiriye, n’unyakiriye aba yakiriye Uwantumye.

Luka 10:16

Ubumva, ni jye aba yumva; ubahinyura, ni jye aba ahinyura, kandi umpinyuye aba ahinyuye n’Uwantumye.»

Luka 19:14

Ariko abaturage be baramwangaga, maze bamukurikiza intumwa zo kuvuga ngo ’Ntidushaka ko uriya atubera umwami!’

Luka 19:27

Naho abanzi banjye banze ko mbabera umwami, nimubazane hano mubicire imbere yanjye.’»

Yohana 13:16

Ndababwira ukuri koko: nta mugaragu usumba shebuja, kandi intumwa ntisumba uwayitumye.

Abacamanza 8:23

Gideyoni arabasubiza, ati «Ari jye, ari n’umuhungu wanjye, nta we uzababera umutware. Uhoraho nababere umutware!»

1 Samweli 10:19

Ariko none mwebwe mwaretse Imana yanyu, Yo ibakiza mu byago byanyu no mu mibabaro yanyu yose, maze muravuga muti ’Ahubwo twimikire umwami.’ None rero, nimwiyereke Uhoraho, mukurikije imiryango n’amazu mukomokamo.»

1 Samweli 12:1

Samweli abwira Abayisraheli bose, ati «Dore numvise ibyo mwambwiye byose, maze mbimikira umwami ngo abategeke.

1 Samweli 12:12

Ariko aho muboneye Nahashi, umwami w’Abahamoni abateye, murambwira muti ’Reka da! Nihabeho umwami, azatuyobore!’ Nyamara Uhoraho Imana yanyu, ni we mwami wanyu.

1 Samweli 8:22

Nuko Uhoraho abwira Samweli, ati «Bemerere, ubimikire umwami.» Samweli ni ko kubwira Abayisraheli, ati «Nimugende, buri muntu asubire mu mugi we.»

1 Samweli 8:8

Barakugenzereza nk’uko bangenjeje kuva umunsi mbakuye mu Misiri kugeza uyu munsi, ubwo banyimuraga bakayoboka izindi mana.