1 Samweli 7:17 - Kinyarwanda Bibiliya Ntagatifu

¹⁷ Hanyuma akajya asubira iwe i Rama, kuko ari ho yari atuye; akomeza gucira Abayisraheli imanza kandi ahubaka urutambiro rw’Uhoraho.

Bibiliya Yera

¹⁷ akajya asubira iwe i Rama kuko ari ho urugo rwe rwari ruri agacirayo Abisirayeli imanza, yubakayo igicaniro cy'Uwiteka.

Bibiliya Ijambo ry'imana D

¹⁷ hanyuma agataha iwe i Rama. Aho na ho yahakemuriraga imanza, ni na ho yubakiye Uhoraho urutambiro.

Bibiliya Ijambo ry'imana

¹⁷ hanyuma agataha iwe i Rama. Aho na ho yahakemuriraga imanza, ni na ho yubakiye Uhoraho urutambiro.

1 Samweli 7:17 Iomraidhean Croise

Itangiriro 33:20

Ahubaka urutambiro arwita ’El, Imana ya Israheli’.

Itangiriro 35:7

Ahubaka urutambiro, aho hantu ahita ’Imana y’i Beteli’, kuko ari ho Imana yari yamubonekereye ahunga mukuru we.

Yesaya 10:29

Anyura mu nzira y’impatanwa, aca ingando i Geba. Ubwo ab’i Rama bahinda umushyitsi, i Geba ya Sawuli barahunga.

Abacamanza 4:5

Yakundaga kwiyicarira mu nsi y’Umukindo wa Debora, hagati ya Rama na Beteli, mu misozi miremire ya Efurayimu, maze Abayisraheli bakajya bazamuka bakahamusanga, kugira ngo abacire imanza.

Abacamanza 6:24

Aho hantu Gideyoni ahubakira Uhoraho urutambiro, maze arwita «Uhoraho‐Mahoro.» Urwo rutambiro ruracyari i Ofura ya Abiyezeri kugeza na n’ubu.

1 Samweli 1:1

I Ramatayimu‐Sofimu, ku musozi wa Efurayimu, hari umugabo akitwa Elikana, mwene Yerohamu, wa Elihu, wa Tohu, wa Sufu, akaba Umunyefurata.

1 Samweli 1:19

Babyuka mu gitondo cya kare bunamira Uhoraho; nuko bataha iwabo i Rama. Elikana aryamana n’umugore we Ana, nuko Uhoraho yibuka Ana.

1 Samweli 11:15

Bose bajya i Giligali, bahimikira Sawuli imbere y’Uhoraho, bahaturira ibitambo by’ubuhoro, maze Sawuli n’Abayisraheli bose bahagirira ibirori bikomeye.

1 Samweli 14:35

Sawuli aherako yubakira Uhoraho urutambiro, ari na rwo rwa mbere yari yubakiye Uhoraho.

1 Samweli 15:34

Hanyuma Samweli ajya iwe i Rama, na Sawuli arazamuka ataha i Gibeya ya Sawuli.

1 Samweli 2:11

Elikana asubira iwe i Rama, naho umwana akomeza gukorera Uhoraho, mu maso y’umuherezabitambo Heli.

1 Samweli 28:3

Icyo gihe rero, Samweli yari yarapfuye, Abayisraheli bose bari baramuririye, baranamuhambye mu mugi we i Rama. Naho Sawuli yari yaraciye ubupfumu n’ibyerekeye gushikisha byose mu gihugu cyose.

1 Samweli 8:4

Abakuru b’imiryango ya Israheli bose barakorana, maze basanga Samweli i Rama.

1 Samweli 9:12

Abo bakobwa barabasubiza bati «Arahari, ndetse ari aho imbere yanyu. Nimwihute kuko uyu munsi ari bwo akigera mu mugi, none abantu bakaba bagiye kujyana na we mu isengero ry’ahirengeye gutura ibitambo ku mugaragaro.