1 Samweli 5:4 - Kinyarwanda Bibiliya Ntagatifu

⁴ Bukeye bw’uwo munsi mu gitondo cya kare, basanga Dagoni yongeye kwitura hasi, imbere y’Ubushyinguro bw’Uhoraho. Umutwe n’ibiganza byombi byayimanyutseho byaguye ku gitabo cy’inzu yayo; hari hasigaye igihimba cyayo gusa.

Bibiliya Yera

⁴ Bukeye bwaho babyuka kare basanga Dagoni yaguye yubamye imbere y'isanduku y'Uwiteka, kandi igihanga n'ibiganza bya Dagoni byaguye ukubiri n'umubyimba ku gitabo, hasigara umubyimba wayo gusa.

Bibiliya Ijambo ry'imana D

⁴ Bukeye bwaho basanga ryongeye kugwa ryubamye, imbere y'Isanduku y'Uhoraho hari igihimba cyonyine, umutwe n'ibiganza byataratse biri ku muryango.

Bibiliya Ijambo ry'imana

⁴ Bukeye bwaho basanga ryongeye kugwa ryubamye, imbere y'Isanduku y'Uhoraho hari igihimba cyonyine, umutwe n'ibiganza byataratse biri ku muryango.

1 Samweli 5:4 Iomraidhean Croise

Yesaya 27:9

Ni na ko icyaha cya bene Yakobo kizahanagurwa, maze bagakira ingaruka z’igicumuro cyabo : Amabuye yose yari yubatse urutambiro bazayahindura ivu, boshye ishwagara yashongeshejwe; ibiti byeguriwe ibigirwamana n’ibishushanyo by’izuba, byoye kuzashingwa ukundi.

Yesaya 40:20

Umutindi utabona ituro ringana rityo, ahitamo igiti kitamungwa, agashaka umubaji w’umuhanga, ushobora kumubariza ikigirwamana kitajegajega.

Yeremiya 10:11

(Dore ibyo muzababwira: imana zitaremye isi n’ijuru, zigomba gucibwa ku isi no mu nsi y’ijuru!)

Yeremiya 10:14

Umuntu wese arumirwa, bikamubera urujijo, umucuzi wese agaterwa isoni n’ikigirwamana cye: rwose amashusho ye ni ibinyoma, nta mwuka uyarimo.

Yeremiya 10:15

Byose ni ubucucu n’amanjwe baseka, igihe cyo guhanwa nikigera, bizarimburwa.

Yeremiya 50:2

Nimubimenyekanishe mu mahanga yose, mubitangaze kandi mubivuge; nimubikwize mutabihisha; mugira muti «Babiloni yafashwe, Beli yakozwe n’isoni, na Mariduki yasandaye. Impigi zayo zizashyirwa ahagaragara, ibigirwamana byayo birimburwe.»

Mika 1:7

Amashusho yayo yose azajanjagurwa, amaturo bayahaga yose ajugunywe mu muriro; ibigirwamana byayo byose nzabimenagura, kuko byagwijwe n’inyungu ziturutse ku buhabara, nuko bizasubire aho byavuye.

1 Samweli 6:5

Muzakore rero ibishushanyo by’ibibyimba byanyu, n’iby’imbeba zayogoje igihugu cyanyu, kandi mukuze Imana ya Israheli. Bishobotse, yazunamura ikiganza cyayo kuri mwe, ku mana zanyu no ku gihugu cyanyu.