1 Samweli 5:3 - Kinyarwanda Bibiliya Ntagatifu

³ Abashidodi ngo babyuke mu gitondo cya kare, basanga Dagoni yikubise hasi, imbere y’Ubushyinguro bw’Uhoraho. Begura Dagoni, bayisubiza mu mwanya wayo.

Bibiliya Yera

³ Maze Abanyashidodi babyutse kare basanga Dagoni yaguye yubamye imbere y'isanduku y'Uwiteka, barayegura bayisubiza aho yari iri.

Bibiliya Ijambo ry'imana D

³ Bukeye Abanyashidodi basanga ishusho rya Dagoni ryituye hasi ryubamye imbere y'Isanduku y'Uhoraho, bararyegura barisubiza mu mwanya waryo.

Bibiliya Ijambo ry'imana

³ Bukeye Abanyashidodi basanga ishusho rya Dagoni ryituye hasi ryubamye imbere y'Isanduku y'Uhoraho, bararyegura barisubiza mu mwanya waryo.

1 Samweli 5:3 Iomraidhean Croise

1 Abami 18:26

Bafata ikimasa bahawe, barakibaga, maze biyambaza izina rya Behali kuva mu gitondo kugera ku manywa y’ihangu, bavuga bati «Behali, dusubize!» Ariko ntihagira ijwi ryumvikana cyangwa ubasubiza n’umwe. Nuko babyinira iruhande rw’urutambiro bari bubatse.

Zaburi 97:7

Abayoboka ibigirwamana bose nibakorwe n’isoni, abiratana bose ibyo bipfabusa; bigirwamana mwese, nimupfukame imbere ye!

Iyimukamisiri 12:12

Muri iryo joro, nzambukiranya igihugu cya Misiri, maze nice icyavutse uburiza cyose mu gihugu cya Misiri, guhera ku bantu kugeza ku nyamaswa; kandi n’ibigirwamana bya Misiri byose mbicire imanza. Ni jye Uhoraho!

Yesaya 19:1

Iteka ryaciriwe ku gihugu cya Misiri. Dore Uhoraho aragendera mu bicu byihuta: aje mu Misiri. Ibigirwamana byaho bizahinda umushyitsi imbere ye, na Misiri ubwayo icike intege.

Yesaya 40:20

Umutindi utabona ituro ringana rityo, ahitamo igiti kitamungwa, agashaka umubaji w’umuhanga, ushobora kumubariza ikigirwamana kitajegajega.

Yesaya 41:7

Umubaji arakomeza ushongesha, usena agakomeza umucuzi, agira ati «Ni byiza rwose», ikigirwamana akagikomeresha imisimari, kugira ngo kitanyeganyega.

Yesaya 46:7

Ni bo bagishyira ku ntugu bakagiheka; bakakigeza aho kiruhukira. Kiguma aho ubutanyeganyega ntikive mu mwanya wacyo, ugitakambiye ntikimusubize, cyangwa ngo kimukize umubabaro we.

Yeremiya 10:8

Bose, nta n’umwe usigaye, bihinduye ibicucu maze bata ubwenge. Inyigisho bahabwa muri ubwo bucucu, ni zo zatumye bamera batyo.

Zefaniya 2:11

Uhoraho azabatera gukangarana bikabije, atsembe n’ibigirwamana byose by’isi, maze amahanga yose ya kure azamupfukamire, buri hanga mu gihugu cyaryo.

Mariko 3:11

Abahanzweho na roho mbi na bo, iyo bamubonaga, barambararaga imbere ye, bagatera hejuru bati «Uri Umwana w’Imana!»

1 Samweli 6:1

Ubushyinguro bw’Uhoraho bumara amezi arindwi mu gihugu cy’Abafilisiti.

1 Samweli 6:5

Muzakore rero ibishushanyo by’ibibyimba byanyu, n’iby’imbeba zayogoje igihugu cyanyu, kandi mukuze Imana ya Israheli. Bishobotse, yazunamura ikiganza cyayo kuri mwe, ku mana zanyu no ku gihugu cyanyu.