1 Samweli 27:8 - Kinyarwanda Bibiliya Ntagatifu

⁸ Hanyuma Dawudi n’ingabo ze barazamuka batera ab’i Geshuri, ab’i Girizi n’Abamaleki, kuko ari bo bari bahatuye kuva kera, ahateganye na Shuru kugeza ku gihugu cya Misiri.

Bibiliya Yera

⁸ Bukeye Dawidi n'ingabo ze barazamuka batera ab'i Geshuri n'Abagiruzi n'Abamaleki, kandi abo ni bo bari abaturage ba kera bo muri icyo gihugu giteganye n'i Shura n'igihugu cya Egiputa.

Bibiliya Ijambo ry'imana D

⁸ Bakiri i Sikulagi, Dawidi n'ingabo ze bāgabaga ibitero mu Bageshuri no mu Bagirizi no mu Bamaleki, kuva kera ayo moko yari atuye mu karere ka Shuru kugeza mu Misiri.

Bibiliya Ijambo ry'imana

⁸ Bakiri i Sikulagi, Dawidi n'ingabo ze bāgabaga ibitero mu Bageshuri no mu Bagirizi no mu Bamaleki, kuva kera ayo moko yari atuye mu karere ka Shuru kugeza mu Misiri.

1 Samweli 27:8 Iomraidhean Croise

2 Samweli 14:23

Yowabu ashyira nzira ajya i Geshuri, maze agarura Abusalomu i Yeruzalemu.

2 Samweli 14:32

Abusalomu asubiza Yowabu, ati «Ni uko nagusabye kuza iwanjye kugira ngo ngutume kubwira umwami ngo ’Kuki navuye i Geshuri? Ikiruta kuri jye ni uko naba nkiriyo.’ None rero ndashaka kubonana n’umwami, niba hari n’icyaha mfite azanyice.»

2 Samweli 15:8

Kuko umugaragu wawe yagize isezerano, igihe yari i Geshuri ho muri Aramu. Yaravuze ati ’Koko Uhoraho naramuka angaruye i Yeruzalemu, nzaturira Uhoraho igitambo i Heburoni.’»

2 Samweli 3:22

Ariko abagaragu ba Dawudi na Yowabu baza gutahuka bavuye mu ntambara, bazanye iminyago myinshi cyane. Abuneri ntiyari akiri i Heburoni kwa Dawudi, kuko yari yamuretse akagenda mu mahoro.

2 Samweli 3:3

uw’ubuheta akaba Kileyabi, wa Abigayila muka Nabali w’i Karumeli, uwa gatatu ni Abusalomu, umuhungu wa Maka mwene Talimayi, umwami wa Geshuri;

2 Samweli 8:12

ibya Aramu, ibya Mowabu, ibya bene Hamoni, iby’Abafilisiti n’iby’Abamaleki, kimwe n’iminyago yanyaze Hadadezeri mwene Rehobu, umwami w’i Soba.

1 Ngoma 2:23

Nyamara abami b’i Geshuri na Aramu bigaruriye izo nsisiro za Yayiri, hamwe n’umugi wa Kenati n’insisiro mirongo itandatu ziwukikije. Abo bose bari bene Makiri se wa Gilihadi.

Iyimukamisiri 15:22

Musa ahagurutsa Abayisraheli ku Nyanja y’Urufunzo, bagenda berekeje mu butayu bwa Shuru. Bamara iminsi itatu bagenda muri ubwo butayu, batabona amazi.

Iyimukamisiri 17:8

Nuko igitero cy’Abamaleki kiraza, maze kirwanya Israheli i Refidimu.

Kubara 13:29

Abamaleki batuye mu ntara ya Negevu, Abahiti, Abayebuzi n’Abahemori batuye mu misozi, naho Abakanahani batuye hafi y’inyanja no ku nkombe z’uruzi rwa Yorudani.»

Kubara 14:45

Abamaleki n’Abakanahani bari batuye muri iyo misozi baramanuka, barabarwanya, barabatsemba kugeza i Horima.

Yosuwa 12:5

Yategekaga umusozi wa Herimoni, Salika na Bashani yose kugera ku rugabano rw’Abageshuri n’Abamahaka, ndetse no ku gice cya kabiri cya Gilihadi, kugera ku rugabaniro rwa Sihoni, umwami wa Heshiboni.

Yosuwa 13:13

Ariko Abayisraheli ntibanyaze Abageshuri n’Abamahaka; bituma Abageshuri n’Abamahaka bakomeza gutura muri Israheli kugeza na n’ubu.

Yosuwa 13:2

Dore igihugu gisigaye uko kingana: Hari intara zose z’Abafilisiti n’iz’Abageshuri zose,

Yosuwa 16:10

Abakanahani bari batuye i Gezeri ntibabanyaze ibyabo; bityo bakomeza guturana na bene Efurayimu kugeza na n’ubu, uretse ko babakoreshaga imirimo y’uburetwa.

Abacamanza 1:29

Efurayimu ntiyashoboye kwirukana Abakanahani bari batuye i Gezeri, nuko Abakanahani bakomeza guturana na Bene Efurayimu i Gezeri.

1 Samweli 29:6

Akishi ahamagara Dawudi aramubwira ati «Ndahiye Uhoraho ko uri umuntu utunganye. Nari nishimiye gutabarana no kuzatabarukana nawe ku rugamba, kuko nta kibi nakubonyeho kuva aho wagereye iwanjye kugeza uyu munsi. Nyamara ariko, abatware ntibakwishimiye.

1 Samweli 30:1

Nuko Dawudi n’ingabo ze bagera i Sikilage ku munsi wa gatatu, basanga Abamaleki bateye i Negevu n’i Sikilage, bayogoje Sikilage yose kandi uwo mugi bawutwitse.