1 Samweli 22:7 - Kinyarwanda Bibiliya Ntagatifu

⁷ Sawuli abwira abagaragu be bamushagaye, ati «Munyumve neza, Babenyamini mwe! Harya ngo namwe mwese, mwene Yese, azabaha imirima n’imizabibu, azabagire abatware b’ingabo ijana n’ab’ibihumbi,

Bibiliya Yera

⁷ Sawuli abaza abagaragu be bahagaze bamukikije ati “Yemwe mwa Babenyamini mwe, harya mwene Yesayi uwo azaha umuntu wese muri mwe imirima n'inzabibu? Kandi mwese ni ko azabagira abatware b'ibihumbi n'abatware b'amagana,

Bibiliya Ijambo ry'imana D

⁷ Nuko Sawuli arababaza ati: “Ni ko mwa Babenyamini mwe, mwene Yese azabaha mwese imirima n'imizabibu? Ubwo se mwese azabagira abagaba b'ingabo?

Bibiliya Ijambo ry'imana

⁷ Nuko Sawuli arababaza ati: “Ni ko mwa Babenyamini mwe, mwene Yese azabaha mwese imirima n'imizabibu? Ubwo se mwese azabagira abagaba b'ingabo?

1 Samweli 22:7 Iomraidhean Croise

2 Samweli 18:1

Nuko Dawudi abarura imbaga yari kumwe na we, maze ashyiraho abatware b’imitwe y’ingabo ibihumbi n’ab’iy’ijana.

2 Samweli 20:1

Aho hakaba umuntu w’igipfamutima witwa Sheba mwene Bikuri, Umubenyamini. Avuza ihembe, maze aravuga ati «Nta mugabane dufitanye na Dawudi, nta n’umurage dusangiye na mwene Yese! Bayisraheli mwese, buri muntu najye mu mahema ye!»

1 Abami 12:16

Israheli yose ibonye ko umwami atayumvise, imbaga y’abantu imusubiza muri aya magambo iti «Dufite mugabane ki kwa Dawudi? Nta murage dusangiye na mwene Yese. Israheli, isubirire mu mahema yawe! None rero Dawudi, wimenyere inzu yawe!» Nuko Israheli isubira mu mahema yayo.

1 Ngoma 12:16

Ni bo bambutse Yorudani mu kwezi kwa mbere, igihe yari yuzuye yarenze inkombe zayo, kandi birukana abari mu bibaya bose, iburasirazuba n’iburengerazuba.

Yesaya 11:1

Umumero uzashibuka ku gishyitsi cya Yese, inkomoko ye izamuke ku muzi wacyo,

Yesaya 11:10

Uwo munsi ni bwo inkomoko ya Yese, izashyirwa ejuru nk’ibendera ry’igihugu, amahanga yose akazayigana, aho atuye hakazabengerana ikuzo.

1 Samweli 18:14

maze aho ateye hose akahatsinda, kuko Uhoraho yabaga ari kumwe na we.

1 Samweli 20:27

Ariko bukeye bw’aho, ukwezi kwaraye kubonetse, Dawudi yongera kubura mu mwanya we. Sawuli abaza umuhungu we Yonatani, ati «Kuki umuhungu wa Yese, ari ejo ari n’uyu munsi, ntamubonye ku meza?»

1 Samweli 20:30

Sawuli ni ko kurakarira Yonatani, aramubwira ati «Mwana w’umugore utagira umutima! Nzi neza ko ubogamiye mu ruhande rw’umuhungu wa Yese, kugira ngo wikoze isoni kandi uzikoze na nyoko!

1 Samweli 22:13

Sawuli aramubaza ati «Ni iki cyatumye muhuza umugambi wo kungambanira, wowe na mwene Yese? Wamuhaye imigati n’inkota, wasiganuje Uhoraho kubera we, kugira ngo ampagurukire kandi antege imitego nk’uko bimeze uyu munsi.»

1 Samweli 22:9

Ubwo Dowegi w’Umunyedomu yari ahagaze hamwe n’abagaragu ba Sawuli, asubiza umwami, ati «Mperutse kubona mwene Yese; yari i Nobu kwa Ahimeleki mwene Ahitobi.

1 Samweli 25:10

Nabali asubiza abagaragu ba Dawudi, ati «Uwo Dawudi se ni nde? Mwene Yese we se ni nde? Muri iyi minsi hari abagaragu benshi batoroka ba shebuja.