1 Samweli 22:18 - Kinyarwanda Bibiliya Ntagatifu

¹⁸ Nuko umwami abwira Dowegi, ati «Wowe hindukira, maze wice abo baherezabitambo.» Dowegi Umunyedomu arahindukira arabica. Uwo munsi hapfa abantu mirongo inani na batanu, bose bambaye umusanganyagihimba, uboshye muri hariri.

Bibiliya Yera

¹⁸ Maze umwami abwira Dowegi ati “Hindukira wice aba batambyi.” Nuko Dowegi Umunyedomu arahindukira arabica. Uwo munsi yica abantu mirongo inani na batanu bambaraga efodi y'igitare.

Bibiliya Ijambo ry'imana D

¹⁸ Nuko umwami abwira Dowegi w'Umwedomu aba ari we wica abatambyi, ahita abica uko ari mirongo inani na batanu.

Bibiliya Ijambo ry'imana

¹⁸ Nuko umwami abwira Dowegi w'Umwedomu aba ari we wica abatambyi, ahita abica uko ari mirongo inani na batanu.

1 Samweli 22:18 Iomraidhean Croise

2 Ngoma 24:21

Uwo muhanuzi baramugambanira, bamuterera amabuye ku muharuro w’Ingoro y’Uhoraho, babitegetswe n’umwami.

Zaburi 78:64

abaherezabitambo bicishwa inkota, maze abapfakazi babo ntibabaririra.

Iyimukamisiri 28:40

Abahungu ba Aroni na bo uzabakorere amakanzu n’imikandara, ubakorere n’ingofero zibahesha ikuzo n’icyubahiro.

Imigani 24:15

Wa mugome we, ntukareme igico ku rugo rw’intungane, kandi ntuzayisenyere inzu!

Hoseya 5:11

Efurayimu yashikamiwe izatsindwa n’urubanza, kuko yanyuzwe no kwiruka inyuma y’ibitagira shinge.

Hoseya 7:3

Banezeza umwami n’ubwo bugome bwabo, uburyarya bwabo bugashimisha abatware.

Mika 6:16

Wizirika ku mategeko ya Omari, no ku migenzereze yose y’inzu ya Akabu; ugakurikiza amabwiriza yabo, ari na yo mpamvu nzaguhindura amatongo! Abaturage bawe nzabagira iciro ry’imigani, ukazagerekwaho n’ikimwaro cy’umuryango wanjye!»

Zefaniya 3:3

Abatware bawo ni nk’intare zitontomera rwagati muri wo, abacamanza bawo bakamera nk’ibirura bihiga iyo ijoro rikubye, ntibiraze icyo birya bukeye.

1 Samweli 2:18

Samweli yakoreraga Uhoraho. Yari umwana wambaye agakanzu kaboshye muri hariri.

1 Samweli 2:28

So namutoranyije mu miryango yose ya Israheli mugira umuherezabitambo wanjye, ngo ajye yegera urutambiro rwanjye, ahatwikire umubavu, anambare umusanganyagihimba mu maso yanjye. Ibyo Abayisraheli batura byose, nabyeguriye umuryango wa so.

1 Samweli 2:36

Naho uwo mu muryango wawe uzarokoka, azamwunamira kugira ngo abone ka feza n’akagati, maze azamubwire ati ’Mbabarira, umpe akarimo k’ubuherezabitambo, kugira ngo mbone agace k’umugati ko kurya.’»