1 Samweli 2:8 - Kinyarwanda Bibiliya Ntagatifu

⁸ Avana umutindi mu mukungugu, agakura umukene mu mwanda, kugira ngo abicaze hamwe n’ibikomangoma, kandi bahabwe icyicaro cy’icyubahiro. Kuko inkingi z’isi ari iz’Uhoraho; kandi akaba ari zo yayiteretseho.

Bibiliya Yera

⁸ “Akura abakene mu mukungugu, Ashyira hejuru abatindi abakuye ku cyavu, Kugira ngo bicarane n'ibikomangoma. Baragwa intebe z'icyubahiro, Kuko inkingi z'isi ari iz'Uwiteka, Kandi ni zo yayishinzeho.

Bibiliya Ijambo ry'imana D

⁸ Akura umunyantegenke mu mukungugu, umukene na we amukura mu ivu, abicaza mu mwanya w'ibikomangoma, abashyira mu rwego rw'abanyacyubahiro. Koko isi yose ni iy'Uhoraho, ni we wayishinze ku mfatiro zayo.

Bibiliya Ijambo ry'imana

⁸ Akura umunyantegenke mu mukungugu, umukene na we amukura mu ivu, abicaza mu mwanya w'ibikomangoma, abashyira mu rwego rw'abanyacyubahiro. Koko isi yose ni iy'Uhoraho, ni we wayishinze ku mfatiro zayo.

1 Samweli 2:8 Iomraidhean Croise

Itangiriro 41:14

Farawo aherako atumiza Yozefu. Bihutira kumukura mu buroko. Baramwogosha, ahindura imyambaro, yitaba Farawo.

Itangiriro 41:40

Ni wowe mpaye ubutware bw’urugo rwanjye, kandi imbaga yanjye yose izumvira itegeko ryawe. Icyo nzakurusha gusa ni intebe ya cyami.»

2 Samweli 7:8

None rero, uzabwire umugaragu wanjye Dawudi, uti: Dore uko Uhoraho, Umugaba w’ingabo avuze: Ni jye wakuvanye mu rwuri inyuma y’amatungo, kugira ngo ube umutware wa Israheli, umuryango wanjye.

1 Abami 16:2

«Nari naragukuye mu mukungugu, nkugira umutware w’umuryango wa njye Israheli, nyamara wowe wakurikije imigenzereze ya Yerobowamu, utera umuryango wanjye Israheli gucumura kugira ngo ndakazwe n’ibyaha byabo.

2 Abami 9:6

Yehu arahaguruka, binjirana mu nzu. Umusore amusuka amavuta ku mutwe, avuga ati «Uhoraho, Imana ya Israheli, aravuze ngo ’Nkwimikishije aya mavuta ngo ube umwami w’Abayisraheli, umuryango wanjye.

Yobu 1:21

aramya agira ati «Navuye mu nda ya mama nambaye ubusa, kandi nzasubirayo nambaye ubundi. Uhoraho ni we wampaye, Uhoraho ni we wishubije; nihasingizwe izina ry’Uhoraho!»

Yobu 2:8

Yobu afata urujyo rwo kwishima, maze yicara mu ivu.

Zaburi 102:25

Ndavuga nti «Mana yanjye, ntunkureho ncagashije iminsi yanjye!» Imyaka yawe isumba ibisekuruza byose.

Zaburi 104:5

Isi wayiteretse mu kibanza cyayo, ntizigera na rimwe ihungabana.

Zaburi 107:41

Nyamara akazamura umukene amukuye mu butindahare, n’imiryango akayiha kugwira nk’amashyo y’amatungo.

Zaburi 24:2

Ni we wayitendetse hejuru y’inyanja, anayitereka hejuru y’inzuzi ubutayegayega.

Zaburi 75:3

Uhoraho aravuga ati «Igihe nagennye nikigera, jyewe nzaca imanza zitabera.

Zaburi 75:4

Isi ishobora guhungabana, kimwe n’abayituye bose, ariko ni jye ushyigikiye inkingi zayo. (guceceka akanya gato)

Zaburi 75:7

Imana ntiturutse mu burasirazuba cyangwa mu burengero bwaryo, emwe ntinavuye mu butayu cyangwa mu misozi;

Umubwiriza 4:14

Koko rero, n’aho uwo musore yafata ubutegetsi avuye mu buroko, cyangwa akimikwa akiri umukene,

Yesaya 22:23

Nzamushyigikira akomere nk’inkingi ishinze ahantu hakomeye, azabe intebe y’ikuzo ry’inzu ya se.

Abeheburayo 1:3

Mwana uwo, ni We buranga bw’ikuzo ry’Imana n’ishusho rya kamere yayo, ni na We kandi uhagaritse byose ku bubasha bw’ijambo rye. Amaze rero kuhagira abantu ibyaha byabo, yicaye iburyo bwa Nyirikuzo mu ijuru.

Yakobo 2:5

Nimwumve, bavandimwe nkunda! Mbese nyine, Imana si Yo yahisemo abakene muri iyi si, kugira ngo babe abakungahazwe mu kwemera, n’abagenerwamurage b’Ingoma Imana yasezeranyije abayikunda?

Ibyahisuwe 1:6

maze atugira ihanga rya cyami n’abaherezabitambo, kugira ngo dukorere Imana Se. Naharirwe rero ikuzo n’ububasha, uko ibihe bihora bisimburana iteka! Amen!

Ibyahisuwe 22:5

Nta joro rizongera kubaho ukundi, kandi nta n’uzakenera urumuri rw’ifumba cyangwa urw’izuba, kuko Nyagasani Imana azasakaza urumuri rwe kuri bo, maze bakazima ingoma uko ibihe bizahora bisimburana iteka.

Ibyahisuwe 3:21

Uzatsinda, nzamuha kwicarana nanjye ku ntebe yanjye y’ubwami, mbese nk’uko nanjye natsinze maze nkajya kwicarana na Data ku ntebe ye y’ubwami.’

Ibyahisuwe 5:10

ukabagira ingoma n’abaherezagitambo b’Imana yacu, maze bakazima ingoma ku isi.»

1 Samweli 15:17

Nuko Samweli aravuga ati «N’ubwo wigaya nawe ubwawe, ese ubundi nturi umutware w’imiryango ya Israheli? Uhoraho yagusigiye kuba umwami wa Israheli.