1 Samweli 2:12 - Kinyarwanda Bibiliya Ntagatifu

¹² Abahungu ba Heli bari abantu b’abahemu, batitaga ku Uhoraho.

Bibiliya Yera

¹² Kandi bene Eli bari ibigoryi, ntibari bazi Uwiteka.

Bibiliya Ijambo ry'imana D

¹² Abahungu ba Eli bari abapfayongo, ntibitaga ku Uhoraho

Bibiliya Ijambo ry'imana

¹² Abahungu ba Eli bari abapfayongo, ntibitaga ku Uhoraho

1 Samweli 2:12 Iomraidhean Croise

1 Abami 21:10

Muzane abagabo babiri b’abagome mubashyire imbere ye, bamushinje amakosa bagira bati ’Watutse Imana n’umwami!’ Nuko muhereko mumusohora, mumutere amabuye, mumwice!»

1 Abami 21:13

hanyuma bazana abantu babiri b’abagome, babicaza imbere ye. Abo bagome bashinja Naboti mu ruhame rw’abantu, bavuga bati «Naboti yatutse Imana n’umwami!» Uwo mwanya baramufata, bamuvana mu mugi, bamutera amabuye arapfa.

Yeremiya 2:8

Abaherezabitambo ntibagize bati «Uhoraho ari he?» Abazi amategeko yanjye baranyirengagije, abayobora rubanda banyiteruyeho. Abahanuzi bahanura mu izina rya Behali, maze biruka inyuma y’ibidafite akamaro.

Yeremiya 22:16

Yarwanaga ku muntu w’insuzugurwa cyangwa uw’umukene, bimuviramo ihirwe! Utabigenza atyo se, yaba anzi ate? Uwo ni Uhoraho ubivuze.

Yeremiya 9:3

Murabe maso, buri wese yitondere mugenzi we; ntihazagire umuvandimwe wanyu n’umwe mwizera, kuko buri muvandimwe ari umuhendanyi, na buri mugenzi wanyu akaba umubeshyi.

Yeremiya 9:6

None rero, Uhoraho Umugaba w’ingabo avuze atya: Ngiye kubahana, mbagerageze. Mbega ukuntu ngiye guhagurukira ubugome bw’umuryango wanjye!

Ezekiyeli 22:26

Abaherezabitambo baciye ku mategeko yanjye kandi bandavuza insengero zanjye; ntibagitandukanya ahatagatifu n’ahantu hasanzwe, kandi ntibakigisha kumenya gutandukanya icyahumanye n’ikitahumanye. Birengagije ku bwende bwabo amasabato yanjye, maze ndasuzugurika muri bo.

Yohana 16:3

Ibyo bazabibagirira, babitewe n’uko batamenye Data nanjye ntibamenye.

Yohana 17:3

Ubwo bugingo bw’iteka ni ukukumenya, wowe Mana imwe y’ukuri, no kumenya uwo watumye Yezu Kristu.

Yohana 8:55

Nyamara ntimumuzi, ariko jye ndamuzi; ndamutse mvuze ko ntamuzi, naba ndi umubeshyi nkamwe. Ni koko ndamuzi kandi ngakomera ku ijambo rye.

Abaroma 1:21

kuko bamenye Imana, ariko ntibayiha ikuzo, ngo bayishimire uko bikwiriye Imana; ahubwo babaye abapfu bishinga ibitekerezo by’amanjwe, maze umutima wabo w’igipfapfa ucura umwijima.

2 Abakorinto 6:15

Kristu na Beliyari bakumvikana bate? Uwemera n’utemera bahuriye he?

Ivugururamategeko 13:13

Mu migi Uhoraho Imana yawe aguhaye guturamo, nuramuka wumvise inkuru y’uko hari ahadutse abantu b’ibyohe muri mwe,

Ivugururamategeko 13:14

bagashuka abatuye mu rusisiro rwabo bababwira bati «Nimucyo tuyoboke imana z’ahandi», imana mutigeze mumenya,

Abacamanza 19:22

Mu gihe bari bagifungura, haza abantu b’ibyihebe byo muri uwo mugi basakiza ya nzu, bahondagura bikabije ku rugi, babwira wa musaza nyir’urugo, bati «Garagaza uwo mugabo winjiye iwawe ngo turyamane.»

Abacamanza 2:10

Nuko icyo gisekuru cyose gisanga abasekuruza bacyo; nyuma y’aho habyiruka ikindi gisekuru, ariko cyo nticyari cyarigeze kimenya Uhoraho, cyangwa se ngo kimenye ibyiza yari yarakoreye Israheli.

1 Samweli 10:27

Ariko bamwe b’ibiburabwenge baravuga bati «Mbese uyu nguyu azadukiza ate?» Baramusuzugura, ndetse banga no kumuha amaturo. Ibyo ariko Sawuli ntiyabyitaho.

1 Samweli 25:17

None rero, nagira ngo ubimenye kandi utekereze n’icyo uri bukore, kuko bamaze kwiyemeza kurimbura databuja n’urugo rwe rwose. Naho databuja we ndabona ari igipfamutima, nta wagira icyo amubwira.»

1 Samweli 3:13

Ndamumenyesha ko ndangiza urubanza rwaciriwe umuryango we iteka ryose, kubera icyaha cye: yari azi ko abahungu be batuka Imana, nyamara ntiyabacyaha.

1 Samweli 3:7

Samweli yari ataramenya Uhoraho; Ijambo ry’Uhoraho ryari ritaramwihishurira.