1 Samweli 2:1 - Kinyarwanda Bibiliya Ntagatifu

¹ Ana arasenga, ati «Umutima wanjye uhimbarijwe muri Uhoraho n’ubwemarare bwanjye mbukesha Imana yanjye. Ntinyutse kwihimura abanzi banjye, nejerejwe n’uko wabatsinze.

Bibiliya Yera

¹ Maze Hana arasenga ati “Umutima wanjye wishimire Uwiteka, Ihembe ryanjye rishyirwe hejuru n'Uwiteka. Akanwa kanjye kāgukiye ku banzi banjye, Kuko nejejwe n'agakiza kawe.

Bibiliya Ijambo ry'imana D

¹ Hana asenga agira ati: “Umutima wanjye wasābwe n'ibyishimo kubera Uhoraho, Uhoraho ni we nkesha imbaraga. Abanzi banjye mbahaye urw'amenyo, Uhoraho, ndagushimira ko wankijije.

Bibiliya Ijambo ry'imana

¹ Hana asenga agira ati: “Umutima wanjye wasābwe n'ibyishimo kubera Uhoraho, Uhoraho ni we nkesha imbaraga. Abanzi banjye mbahaye urw'amenyo, Uhoraho, ndagushimira ko wankijije.

1 Samweli 2:1 Iomraidhean Croise

2 Ngoma 20:27

Hanyuma Abayuda bose, hamwe n’abantu b’i Yeruzalemu na Yozafati wabagendaga imbere, basubira i Yeruzalemu bishimye kuko Uhoraho yari yabahaye umugisha, abakiza abanzi babo.

Nehemiya 11:17

Hari Mataniya mwene Mika, mwene Zabadi, mwene Asafu wayoboraga indirimbo, agatera isengesho ryo gushimira. Hari na Bakibukiya uwa kabiri mu bavandimwe be, na Abuda mwene Shamuwa, mwene Galali, mwene Yedutuni.

Yobu 16:15

Niboheraho ikigunira, nkurunga uruhanga rwanjye mu mukungugu,

Zaburi 118:14

Uhoraho ni we mbaraga zanjye n’icyivugo cyanjye; ni we nkesha agakiza kose!

Zaburi 13:5

maze umwanzi akigamba avuga ati «Ndamunesheje», n’abandi bandwanya bakishimira ko nabandagaye.

Zaburi 148:14

Ni we wateye ishema n’isheja umuryango we, bituma abayoboke be bamurata: ari bo Bayisraheli, imbaga y’ibyegera bye! Alleluya!

Zaburi 18:2

Uhoraho, ndagukunda, wowe mbaraga zanjye!

Zaburi 20:5

Araguhe icyo umutima wawe wifuza, akurangirize imigambi yawe yose!

Zaburi 21:2

Uhoraho, umwami wacu anejejwe n’ububasha bwawe; mbega ngo arishimira ubuvunyi bwawe!

Zaburi 35:9

Ubwo rero nzasabagizwa n’ibyishimo nkesha Uhoraho, mbyine nishimira ko yankijije.

Zaburi 51:15

Abagome nzabatoza inzira yawe, n’abanyabyaha bakugarukire.

Zaburi 71:8

Umunwa wanjye wuzuye ibisingizo byawe, iminsi yose ndirimba ikuzo ryawe.

Zaburi 75:10

Naho jyewe, nzahora nsabagizwa n’ibyishimo, kandi nzacurangira Imana ya Yakobo,

Zaburi 89:17

umunsi bahimbazwa n’izina ryawe, bagaterwa ishema n’ubutabera bwawe,

Zaburi 89:18

kuko ubatera inkunga y’ikirenga, maze ugatuma twubura uruhanga.

Zaburi 89:24

abamutambamiye nzabararika imbere ye, maze abamwanga nzabacurangure.

Zaburi 9:14

Uhoraho, gira ibambe, urebe ibyago ndimo, ni wowe wanzahura, ukankura mu maboko y’urupfu,

Zaburi 92:10

ngaha abanzi bawe Uhoraho bagiye kurimbuka, abagiranabi bose batatane.

Iyimukamisiri 15:1

Nuko Musa hamwe n’Abayisraheli baririmbira Uhoraho iyi ndirimbo, bavuga bati «Ndaririmba Uhoraho, kuko yisesuyeho ikuzo, ifarasi n’uyirwaniraho yabiroshye mu nyanja!

Iyimukamisiri 15:21

Miriyamu abaterera, agira ati «Nimuririmbe Uhoraho, kuko yisesuyeho ikuzo, ifarasi n’uyirwaniraho yabiroshye mu nyanja!»

Habakuki 3:1

Isengesho ry’umuhanuzi Habakuki, rimeze nk’amaganya.

Habakuki 3:18

Naho jyewe nzahora mu byishimo ku bw’Uhoraho, nzahimbarwe mbikesheje Imana yanjye!

Luka 1:69

Yatugoboreye ububasha budukiza mu nzu ya Dawudi umugaragu we,

Abaroma 5:11

Si n’ibyo ngibyo gusa: twishimiye Imana muri Yezu Kristu Umwami wacu, ari We ubu ngubu wadufashije kwiyunga.

Ivugururamategeko 33:17

Ni impfizi ye yavutse uburiza: icyubahiro kiramuharirwe! Amahembe yayo ni nk’amahembe y’imbogo: izayicisha amahanga kugeza ku mpera z’isi! Ngibyo ibihumbi n’ibihumbi byo kwa Efurayimu, ngaya amagana n’amagana yo kwa Manase!»

Abafilipi 3:3

Burya ni twe twagenywe by’ukuri, twe dusenga Imana ku bwa Roho wayo, twe dufite ikuzo ryacu muri Yezu Kristu, aho kwiringira umubiri.

Abafilipi 4:4

Muhore mwishima muri Nyagasani; mbisubiyemo, nimwishime.

Abafilipi 4:6

Ntimugire ikibahagarika umutima, ahubwo nimumenyeshe Imana icyo mukeneye cyose, muyisenga, muyinginga, munayishimira.

1 Petero 1:8

Koko ni We mukunda mutamurora, mukamwemera mutarigeze mumubona; akaba ari na cyo gituma mwasazwe n’ibyishimo bitagira ivugiro kandi by’agatangaza,

Ibyahisuwe 18:20

Ishime juru, unezezwe n’uko uyu murwa uridutse. Mwishime namwe abatagatifujwe, intumwa n’abahanuzi, kuko Imana igihe iwuciriye urubanza, yagaragaje ityo ubutungane bwanyu.

1 Samweli 1:6

Ikindi kandi, mukeba we ntiyasibaga kumukwena amwandagaza, kubera ko Uhoraho yamugize ingumba.

1 Samweli 1:7

Ni ko byagendaga buri mwaka: igihe cyose bazamukaga bagana Ingoro y’Uhoraho, Penina yaramukwenaga. Nuko rimwe, Ana ararira yanga no kurya.