1 Samweli 17:7 - Kinyarwanda Bibiliya Ntagatifu

⁷ Uruti rw’icumu rye rwanganaga n’igiti cy’ababoshyi b’imyenda, kandi icumu ubwaryo ryapimaga amasikeli magana atandatu y’icyuma. Umutwaje ingabo ye yamugendaga imbere.

Bibiliya Yera

⁷ Uruti rw'icumu rye rwari rumeze nk'igiti kiboherwaho imyenda, kuremera kw'ikigembe cyaryo kwari shekeli z'ibyuma magana atandatu, kandi uwamutwazaga ingabo yamujyaga imbere.

Bibiliya Ijambo ry'imana D

⁷ Uruti rw'icumu rye rwari rumeze nk'igiti cy'ikumbo, umuhunda waryo wapimaga nk'ibiro birindwi. Uwatwaraga ingabo ye yamugendaga imbere.

Bibiliya Ijambo ry'imana

⁷ Uruti rw'icumu rye rwari rumeze nk'igiti cy'ikumbo, umuhunda waryo wapimaga nk'ibiro birindwi. Uwatwaraga ingabo ye yamugendaga imbere.

1 Samweli 17:7 Iomraidhean Croise

2 Samweli 21:16

Ishibo‐Benobu, wari uwo muri bene Rafa, ni bwo ashatse kwica Dawudi. Uwo mugabo yari afite igihosho gifite uburemere nk’ubw’amasikeli magana atatu y’umuringa, kandi yari yambaye inkota nshya.

2 Samweli 21:19

Bukeye, i Goba hongera kubera intambara ku Bafilisiti. Elihanani mwene Yayiri w’i Betelehemu yica Goliyati w’i Gati, wari ufite icumu ryanganaga n’igiti cy’umuboshyi w’imyenda.

1 Ngoma 11:23

Ni we kandi wishe Umunyamisiri wari ufite uburebure bw’imikono itanu. Uwo Munyamisiri yari yitwaje icumu ringana n’igiti cy’ababoshyi b’imyenda. Amanuka amusanga yitwaje inkoni, ashikuza icumu Umunyamisiri, amwicisha icumu rye bwite!

1 Ngoma 20:5

Hongera kuba intambara irwanya Abafilisiti. Ni bwo Elihanani mwene Yayiri yishe Lahumi umuvandimwe wa Goliyati w’i Gati; uruti rw’icumu rye rukaba rwanganaga n’igiti baboheraho imyenda.

1 Samweli 17:41

Umufilisiti na we aza arangajwe imbere n’umutwaje ingabo ye, atangira buhoro buhoro gusatira Dawudi.