1 Samweli 17:4 - Kinyarwanda Bibiliya Ntagatifu

⁴ Bukeye, mu ngando y’Abafilisiti hasohoka umugabo w’intwari witwaga Goliyati w’i Gati, yari afite igihagararo cy’imikono itandatu n’intambwe imwe y’intoki.

Bibiliya Yera

⁴ Bukeye mu rugerero rw'Abafilisitiya havamo intwari yitwa Goliyati w'i Gati, ikirere cye cyari mikono itandatu n'intambwe imwe y'intoki.

Bibiliya Ijambo ry'imana D

⁴ Nuko mu nkambi y'Abafilisiti hasohoka umugabo w'intwari witwaga Goliyati w'i Gati. Yari afite hafi metero eshatu z'uburebure.

Bibiliya Ijambo ry'imana

⁴ Nuko mu nkambi y'Abafilisiti hasohoka umugabo w'intwari witwaga Goliyati w'i Gati. Yari afite hafi metero eshatu z'uburebure.

1 Samweli 17:4 Iomraidhean Croise

1 Ngoma 11:23

Ni we kandi wishe Umunyamisiri wari ufite uburebure bw’imikono itanu. Uwo Munyamisiri yari yitwaje icumu ringana n’igiti cy’ababoshyi b’imyenda. Amanuka amusanga yitwaje inkoni, ashikuza icumu Umunyamisiri, amwicisha icumu rye bwite!

Amosi 2:9

Nyamara jyewe nari nabasenyaguriye Abahemori, bareshya n’ibiti by’amasederi bagakomera nk’ibiti by’imishishi! Nari natsotsobye imbuto zabo mpereye hejuru, ndandura n’imizi yabo mpereye hasi.

Ivugururamategeko 3:11

– Ogi rero, umwami wa Bashani, ni we wenyine wari usigaye mu bakomoka ku Barefayimu; ndetse n’igitanda cye gikozwe mu cyuma si cyo kiri i Raba y’Abahamoni? Gifite uburebure bw’imikono cyenda, n’ubugari bw’imikono ine, dukurikije imikono isanzwe –.

Yosuwa 11:22

Ntihasigara Umunaki n’umwe mu gihugu cya Israheli, nyamara basigara i Gaza, i Gati na Ashidodi.

1 Samweli 17:23

Igihe akivugana na bakuru be, ingabo z’Abafilisiti zirazamuka. Cya gihangange cyitwa Goliyati, Umufilisiti w’i Gati, azirangaje imbere, nuko atangira gusubira muri ya mihigo ye uko asanzwe, Dawudi aramwumva.

1 Samweli 17:3

Abafilisiti bari ku musozi umwe, Abayisraheli ku wundi, ikibaya kiri hagati yabo.

1 Samweli 17:5

Mu mutwe we yari yambaye ingofero y’umuringa, yambaye n’ikoti rikozwe mu twuma dusobekeranye kandi riremereye cyane, nk’amasikeli ibihumbi bitanu by’umuringa.

1 Samweli 27:4

Nuko babwira Sawuli ko Dawudi yahungiye i Gati, maze aherukira aho kumushakashaka.