1 Samweli 17:1 - Kinyarwanda Bibiliya Ntagatifu

¹ Abafilisiti bakoranya ingabo zabo ngo bajye ku rugamba. Bazikoranyiriza i Soko y’i Yuda, nuko baca ingando hagati ya Soko na Azeki, i Efesidamimu.

Bibiliya Yera

¹ Bukeye Abafilisitiya bateranya ingabo zabo kurwana, baziteraniriza i Soko y'i Buyuda, bagerereza kuri Efesidamimu hagati y'i Soko na Azeka.

Bibiliya Ijambo ry'imana D

¹ Abafilisiti bakoranya ingabo zabo kugira ngo bashoze urugamba. Bakoranira ahitwa Soko mu Buyuda, bakambika hagati ya Soko na Azeka, ahitwa Efesidamimu.

Bibiliya Ijambo ry'imana

¹ Abafilisiti bakoranya ingabo zabo kugira ngo bashoze urugamba. Bakoranira ahitwa Soko mu Buyuda, bakambika hagati ya Soko na Azeka, ahitwa Efesidamimu.

1 Samweli 17:1 Iomraidhean Croise

1 Ngoma 11:13

Ni we wari hamwe na Dawudi i Pasidamimu igihe Abafilisiti bari bahakoraniye kugira ngo barwane. Aho hari umurima wa za bushoki nyinshi, nuko abantu bahunga Abafilisiti.

2 Ngoma 11:7

Betishuri, Soko, Adulamu,

2 Ngoma 28:18

Abafilisiti na bo bari bateye imigi yo mu Kibaya n’iy’i Negevu ya Yuda; bayifatamo Betishemeshi, Ayaloni, Gederoti, Soko n’insisiro zayo, Timuna n’insisiro zayo, Gimuzo n’insisiro zayo, maze barahatura.

Yeremiya 34:7

Icyo gihe ingabo z’umwami w’i Babiloni zarimo zigota Yeruzalemu n’imigi ya Yuda; naho iya Lakishi na Azeka, yari ikirwana inkundura, kuko ari yo yari isigaye ikomeye mu yindi yose ya Yuda.

Yosuwa 15:35

Yarimuti, Adulamu, Soko, Azeka,

Abacamanza 3:3

muri ayo mahanga harimo abatware batanu b’Abafilisiti, Abakanahani bose, Abasidoni n’Abahivi bari batuye mu misozi ya Libani, uhereye ku musozi wa Behali‐Herimoni ukageza i Hamati.

1 Samweli 13:5

Abafilisiti na bo barakorana ngo barwanye Israheli. Bari bafite amagare ibihumbi mirongo itatu, abanyamafarasi ibihumbi bitandatu, n’igitero cy’abantu benshi bangana n’umusenyi wo ku nkombe y’inyanja. Barazamuka ngo bace ingando i Mikimasi, mu burasirazuba bwa Betaveni.

1 Samweli 14:46

Nuko Sawuli arazamuka, areka gukurikirana Abafilisiti, kandi n’Abafilisiti basubira mu gihugu cyabo.

1 Samweli 14:52

Ku ngoma ya Sawuli yose, intambara yakomeje kuba urudaca cyane ku Bafilisiti, kandi Sawuli iyo yabonaga umuntu w’intambara kandi w’intwari, yamushyiraga mu ngabo ze.

1 Samweli 7:7

Abafilisiti ngo bumve ko Abayisraheli bateraniye i Misipa, abatware babo barazamuka ngo babatere. Abayisraheli babyumvise batinya Abafilisiti.