1 Samweli 15:6 - Kinyarwanda Bibiliya Ntagatifu

⁶ Sawuli abwira Abakeniti, ati «Mwe nimugende, muve mu bantu ba Amaleki, kuko byaba bibabaje kubicana na bo, kandi mwebwe mwaragiriye neza Abayisraheli igihe bavaga mu Misiri.» Nuko Abakeniti bitarura Abamaleki.

Bibiliya Yera

⁶ Sawuli agezeyo abwira Abakeni ati “Nimumanuke muve mu Bamaleki ne kubarimburana na bo, kuko mwagiriye imbabazi Abisirayeli bose ubwo bavaga muri Egiputa.” Nuko Abakeni bava mu Bamaleki.

Bibiliya Ijambo ry'imana D

⁶ maze abwira Abakeni ati: “Nimumanuke muve mu Bamaleki ntabatsembana na bo, kuko mwebwe mwagiriye neza Abisiraheli bose, ubwo bavaga mu Misiri.” Nuko Abakeni bava mu Bamaleki.

Bibiliya Ijambo ry'imana

⁶ maze abwira Abakeni ati: “Nimumanuke muve mu Bamaleki ntabatsembana na bo, kuko mwebwe mwagiriye neza Abisiraheli bose, ubwo bavaga mu Misiri.” Nuko Abakeni bava mu Bamaleki.

1 Samweli 15:6 Iomraidhean Croise

Itangiriro 15:19

Ni igihugu cy’Abakeniti, Abakenisi, Abakadimoni,

Itangiriro 18:25

Uramenye ntukabigenze utyo, ngo wice umunyabyaha hamwe n’intungane; intungane zaba zipfuye urw’abagome. Ntibikabeho! Ucira imanza isi yose ntakarenganye!»

1 Ngoma 2:55

n’imiryango y’Abasofiri batuye i Yabesi, Abatireya, Abashimeya, n’Abasuka. Ni Abakeniti bakomotse kuri Hamati, umukuru w’inzu ya Rekabu.

Iyimukamisiri 18:19

Noneho umva nkubwire! Ngiye kukugira inama, maze Imana ibe kumwe nawe. Wowe ujye uhagararira rubanda imbere y’Imana, abe ari wowe ugeza imanza zabo ku Mana,

Imigani 9:6

Nimureke ubupfayongo, muboneze inzira y’ubwenge maze muzabeho!»

Kubara 16:34

Abayisraheli bari babakikije, bumvise induru zabo, bahunga babwirana bati «Nimucyo duhunge! naho ubundi isi iratumira!»

Ibyakozwe 2:40

Ababwira n’andi magambo menshi yo kubemeza no kubakomeza, agira ati «Nimwirokore, mwitandukanye n’aba bantu bayobye.»

2 Abakorinto 6:17

Nimuve muri abo bantu, mwitandukanye na bo, uwo ari Nyagasani ubivuga. Mwirinde gukora ku cyabahumanya, maze ubwanjye nzabakire.

2 Timoteyo 1:16

Nyagasani nagirire impuhwe urugo rwa Onesifori, kuko yanduhuriye kenshi, kandi ntaterwe isoni n’iminyururu nambaye;

Ibyahisuwe 18:14

Imbuto umutima wawe wakundaga zarakwitaruye, ikiryohera icyo ari cyo cyose n’igishimisha ijisho bigushizeho, kandi ntuzongera kubibona ukundi.

Abacamanza 1:16

Abahungu ba wa Mukeniti, sebukwe wa Musa, bazamukana na Bene Yuda, bava mu mugi w’Imikindo berekeza mu butayu bwa Yuda bwari mu majyepfo ya Aradi. Nuko baraza babana n’abahatuye.

Abacamanza 4:11

Ariko Heberi w’Umukeniti yari yaritandukanyije na Kayini wo muri bene Hobabu, sebukwe wa Musa, kandi yari yarashinze ihema rye iruhande rw’igiti cy’umushishi cy’i Sanayimu, bugufi ya Kedeshi.

Abacamanza 5:24

Yayeli, muka Heberi w’Umukeniti, nahabwe umugisha mu bagore; mu bagore bose batuye mu mahema nahabwe umugisha!

1 Samweli 15:5

Ngo agere mu mugi wa Amaleki, Sawuli ajya mu kibaya cy’uruzi maze arubikira.

1 Samweli 27:10

Akishi yamubaza ati «Uyu munsi wateye he?» Dawudi akamusubiza ati «Nateye Negevu ya Yuda», cyangwa «Negevu y’Abayerahimeli», cyangwa ati «Nateye Negevu y’Abakeniti.»

1 Samweli 30:29

ab’i Karumeli, abo mu migi y’Abanyerahameli n’abo mu y’Abakeniti,