1 Samweli 15:3 - Kinyarwanda Bibiliya Ntagatifu

³ Ubu rero genda urimbure Amaleki, uzarimbure ibyo batunze byose, ntuzagire na kimwe usigaza. Uzice abagabo n’abagore, abana bato n’abakiri ku ibere, inka n’intama, ingamiya n’indogobe.’»

Bibiliya Yera

³ None genda urwanye Abamaleki, ubarimburane rwose n'ibyo bafite byose ntuzabababarire, ahubwo uzice abagabo n'abagore, n'abana b'impinja n'abonka, inka n'intama, ingamiya n'indogobe.’ ”

Bibiliya Ijambo ry'imana D

³ None genda ubatere, urimbure ibyabo byose ntihagire ikihasigara, wice abagabo n'abagore, abana n'impinja, inka n'intama, ingamiya n'indogobe.’ ”

Bibiliya Ijambo ry'imana

³ None genda ubatere, urimbure ibyabo byose ntihagire ikihasigara, wice abagabo n'abagore, abana n'impinja, inka n'intama, ingamiya n'indogobe.’ ”

1 Samweli 15:3 Iomraidhean Croise

Itangiriro 36:12

Timuna wari inshoreke ya Elifazi mwene Ezawu, amubyarira Amaleki. Abo ni bo buzukuru ba Ezawu na Ada, umugore we.

2 Samweli 1:8

Arambaza ati ’Uri nde?’ Nuko ndamusubiza nti ’Ndi Umumaleki.’

Iyimukamisiri 17:14

Uhoraho abwira Musa, ati «Andika ibyo ngibyo mu gitabo, bizabe urwibutso, kandi umenyeshe Yozuwe ko nzasibanganya burundu Abamaleki mu nsi y’ijuru, ku buryo batazongera kubibuka!»

Iyimukamisiri 20:5

Ntuzapfukame imbere y’ibyo bigirwamana kandi ntuzabiyoboke; kuko Imana yawe ari jyewe Uhoraho, nkaba Imana ifuha, ihanira icyaha cy’ababyeyi mu bana babo, kugeza mu gisekuruza cya gatatu no mu cya kane cy’abanyanga,

Kubara 24:20

Balamu arongera areba Abamaleki, maze abahanurira muri iki gisigo, agira ati: «Amaleki ni igihangange mu mahanga, ariko amaherezo yayo ni ukurimburwa.»

Kubara 31:17

None rero nimwice abana b’abahungu bose n’abagore bose bigeze kuryamana n’umugabo.

Yosuwa 10:39

Barayifata hamwe n’umwami wayo n’imigi iyikikije yose; bamarira ku icumu abantu bahabaga bose, barabatsemba. Yozuwe nta n’umwe yasize akiri muzima. Agenza Debiri n’umwami wayo nk’uko yagenjeje Heburoni, cyangwa uko yagenjeje Libuna n’umwami wayo.

1 Samweli 14:48

Yagaragaje ubutwari bwe igihe atsinze Amaleki, akarokora Israheli mu kiganza cy’uwari warayigaruriye.

1 Samweli 15:18

Uhoraho yakohereje ku rugamba, maze arakubwira ati ’Genda urimbure bariya Bamaleki b’abanyabyaha! Ubarwanye kugeza igihe ubatsembye bose, hatasigara n’umwe’.

1 Samweli 15:9

Ariko Sawuli n’ingabo ze, ntibagira icyo batwara Agagi n’amatungo meza yo mu mashyo ye. Ibyari byiza byose, ari amatungo magufi, ari amaremare, byo ntibagira icyo babitwara. Nyamara ibindi bintu byose bidafite agaciro, barabirimbura.

1 Samweli 22:19

Aho i Nobu, umugi w’abaherezabitambo, amarira ku nkota abagabo, abagore, abana bato n’abakiri ku ibere, ndetse n’inka, indogobe n’intama, byose bishirira ku nkota.

1 Samweli 27:9

Dawudi yatsembaga abantu mu gihugu cyose, ntiharokoke n’umwe yaba umugabo cyangwa umugore, akanyaga amatungo, amagufi n’amaremare, indogobe, ingamiya n’imyambaro. Iyo yatabarukaga, yasubiraga kwa Akishi.

1 Samweli 30:17

Dawudi atangira kubica, kuva mu museso kugera ku mugoroba w’undi munsi. Ntihagira n’umwe ucika ku icumu, uretse abasore magana ane buriye ingamiya zabo barahunga.