1 Samweli 12:9 - Kinyarwanda Bibiliya Ntagatifu

⁹ Ariko baje kwibagirwa Uhoraho Imana yabo, abagabiza Sisera umugaba w’ingabo za Hasori, Abafilisiti n’umwami w’i Mowabu, nuko babateza intambara.

Bibiliya Yera

⁹ Ariko bibagirwa Uwiteka Imana yabo, ibahāna mu maboko ya Sisera umugaba w'ingabo za Hasori no mu maboko y'Abafilisitiya, no mu maboko y'umwami w'i Mowabu barabarwanya.

Bibiliya Ijambo ry'imana D

⁹ Icyakora birengagije Uhoraho Imana yabo, abagabiza Sisera umugaba w'ingabo z'i Hasori, abagabiza n'Abafilisiti n'umwami wa Mowabu barabarwanya.

Bibiliya Ijambo ry'imana

⁹ Icyakora birengagije Uhoraho Imana yabo, abagabiza Sisera umugaba w'ingabo z'i Hasori, abagabiza n'Abafilisiti n'umwami wa Mowabu barabarwanya.

1 Samweli 12:9 Iomraidhean Croise

2 Samweli 7:11

mbese kuva igihe nshyizeho Abacamanza ngo bategeke Israheli umuryango wanjye kugeza na n’ubu. Naguhaye ihumure, ngukiza abanzi bawe bose, ndetse Uhoraho akubwiye ko we ubwe azakubakira inzu.

Zaburi 106:21

Bibagiwe batyo Uhoraho, umukiza wabo, we wakoreye mu Misiri ibintu bikomeye,

Yesaya 63:10

Ariko bo barijujuse, bababaza umwuka we mutagatifu, ni bwo rero abateye umugongo, maze we ubwe abarwanya nk’umwanzi.

Yeremiya 2:32

Umukobwa ukiri muto yakwibagirwa imirimbo ye, cyangwa se uwashyingiwe akibagirwa umweko we? Nyamara umuryango wanjye waranyibagiwe, hashize igihe kirekire.

Ivugururamategeko 32:18

Urutare ukesha kubona izuba ntukirwitaho, wibagiwe Imana yakubyaye.

Ivugururamategeko 32:30

’Umuntu umwe gusa yabasha ate kwirukana abantu igihumbi, abantu babiri gusa babasha bate kwirukana abantu ibihumbi cumi, atari uko Urutare rwabo ruba rwabarekuye, maze Uhoraho akabatanga?

Abacamanza 10:7

Nuko uburakari bw’Uhoraho bugurumanira Israheli, ni ko kubagabiza Abafilisiti n’Abahamoni.

Abacamanza 13:1

Abayisraheli bongera gukora ibidatunganiye Uhoraho, nuko Uhoraho abagabiza Abafilisiti mu gihe cy’imyaka mirongo ine.

Abacamanza 2:14

Nuko uburakari bw’Uhoraho bugurumanira Israheli, maze abagabiza ababanyaga kandi abegurira abanzi babo babakikije. Ntibaba bagishoboye guhangara abanzi babo.

Abacamanza 3:12

Abayisraheli bongera gukora ibidatunganiye Uhoraho, maze Uhoraho atera inkunga Egiloni, umwami wa Mowabu, kugira ngo arwanye Israheli, kubera ko yakoraga ibidatunganiye Uhoraho.

Abacamanza 3:31

Nyuma ya Ehudi haza Shamugari mwene Anati. Atsinda Abafilisti bagera ku bagabo magana atandatu, abicisha igihosho bashorezaga ibimasa, nuko na we arokora Israheli.

Abacamanza 4:2

Uhoraho abagabiza Yabini, umwami wa Kanahani, wari uganje i Hasori. Umugaba w’ingabo ze yari Sisera, ariko we yari atuye i Harosheti‐Goyimu.

1 Samweli 12:15

Ariko nimutumva ijwi ry’Uhoraho, ntimukurikize amategeko ye, ikiganza cy’Uhoraho kizabahana, nk’uko cyagenjereje abasokuruza banyu.