1 Samweli 1:3 - Kinyarwanda Bibiliya Ntagatifu

³ Buri mwaka, uwo mugabo yavaga mu mugi yari atuyemo, akazamuka yerekeza i Silo kuramya Uhoraho Umugaba w’ingabo, no kumutura igitambo. Aho i Silo, Hofini na Pinehasi, abahungu ba Heli, ni bo bari abaherezabitambo b’Uhoraho.

Bibiliya Yera

³ Uwo mugabo yajyaga ava mu mudugudu w'iwabo uko umwaka utashye, akajya i Shilo gusenga no gutambira Uwiteka Nyiringabo ibitambo. Kandi bene Eli bombi, Hofuni na Finehasi abatambyi b'Uwiteka ni ho babaga.

Bibiliya Ijambo ry'imana D

³ Buri mwaka Elikana yajyaga i Shilo gusenga Uhoraho Nyiringabo, no kumutura ibitambo. Icyo gihe abahungu bombi ba Eli, ari bo Hofuni na Finehasi bari abatambyi b'Uhoraho i Shilo.

Bibiliya Ijambo ry'imana

³ Buri mwaka Elikana yajyaga i Shilo gusenga Uhoraho Nyiringabo, no kumutura ibitambo. Icyo gihe abahungu bombi ba Eli, ari bo Hofuni na Finehasi bari abatambyi b'Uhoraho i Shilo.

1 Samweli 1:3 Iomraidhean Croise

Zaburi 78:60

yimuka mu Ngoro y’i Silo, mu ihema yari yarashinze rwagati mu bantu.

Iyimukamisiri 23:14

Uzankorere umunsi mukuru gatatu mu mwaka.

Iyimukamisiri 23:17

Gatatu mu mwaka, ab’igitsinagabo bose bazahinguke imbere ya Nyagasani, Uhoraho.

Iyimukamisiri 34:23

Gatatu mu mwaka, abagabo bose bazaze kwiyereka Nyagasani Uhoraho Imana ya Israheli.

Luka 2:41

Uko umwaka utashye ababyeyi be bajyaga i Yeruzalemu guhimbaza umunsi mukuru wa Pasika.

Ivugururamategeko 16:16

Gatatu mu mwaka, abagabo bose bazakore urugendo, bajye kwiyereka Uhoraho Imana yawe, bamusange ahantu azaba yihitiyemo: bazabigire mu minsi mikuru y’imigati idasembuye, ku Munsi mukuru w’ibyumweru, no mu minsi mikuru y’Amahema. Ntihazagire ujya kureba Uhoraho nta cyo yitwaje;

Yosuwa 18:1

Umuryango w’Abayisraheli wose ukoranira i Silo, maze bahashinga Ihema ry’ibonaniro. Igihugu cyari kimaze kubayoboka.

Abacamanza 18:31

Nuko bahashinga iryo shusho ry’ikigirwamana Mika yari yarakoresheje, kirahaba kugeza igihe cyose Ingoro y’Imana yamaze i Silo.

Abacamanza 21:19

Ariko baza kwibuka bati «Turenda kujya mu munsi mukuru w’Uhoraho ubera buri mwaka i Silo, mu karere k’amajyaruguru ya Beteli, mu burasirazuba bw’umuhanda uva i Beteli ugana i Sikemu, no mu majyepfo ya Lebona.»

1 Samweli 1:21

Muri uwo mwaka, umugabo we Elikana azamukana n’umuryango we wose gutura Uhoraho igitambo nk’uko bisanzwe, no kurangiza isezerano rye.

1 Samweli 1:9

Bamaze kurira no kunywera aho i Silo, Ana arahaguruka. Umuherezabitambo Heli akaba yicaye ku ntebe, ku rwinjiriro rw’Ingoro y’Uhoraho.

1 Samweli 14:3

Ahiya, mwene Ahitubi, umuvandimwe wa Ikabodi mwene Pinehasi, mwene Heli umuherezabitambo w’Uhoraho i Silo, yari atwaye uruhago rw’amabuye y’ubufindo. Ariko rubanda ntibari bazi ko Yonatani yagiye.

1 Samweli 2:19

Nyina yamuboheraga agashura akakamushyira buri mwaka, uko azamukanye n’umugabo we gutura igitambo cya buri mwaka.

1 Samweli 2:34

Uzabibonera gihamya kuko abahungu bawe babiri, Hofini na Pinehasi, bombi bazapfira umunsi umwe.

1 Samweli 3:13

Ndamumenyesha ko ndangiza urubanza rwaciriwe umuryango we iteka ryose, kubera icyaha cye: yari azi ko abahungu be batuka Imana, nyamara ntiyabacyaha.

1 Samweli 4:11

Ubushyinguro bw’Imana buranyagwa, kandi n’abahungu bombi ba Heli, Hofini na Pinehasi, barahagwa.

1 Samweli 4:4

Abayisraheli bohereza abantu i Silo, bavanayo Ubushyinguro bw’Isezerano ry’Uhoraho Nyir’ingabo, utetse ijabiro hejuru y’Abakerubimu. Hafi y’Ubushyinguro bw’Isezerano ry’Uhoraho, hari abahungu babiri ba Heli, Hofini na Pinehasi.