1 Petero 1:18 - Kinyarwanda Bibiliya Ntagatifu

¹⁸ kuko muzi y’uko atari ibintu bishanguka nka zahabu cyangwa feza byabarokoye mu migenzereze mibi mwarazwe n’abakurambere banyu;

Bibiliya Yera

¹⁸ Kuko muzi yuko ibyo mwacungujwe ngo muve mu ngeso zanyu zitagira umumaro mwatojwe na ba sekuruza banyu, atari ibyangirika nk'ifeza cyangwa izahabu,

Bibiliya Ijambo ry'imana D

¹⁸ Muzi ko atari ibintu bita agaciro nk'ifeza cyangwa izahabu, byabacunguye ngo muve mu myifatire y'imburamumaro mwatojwe na ba sogokuruza.

Bibiliya Ijambo ry'imana

¹⁸ Muzi ko atari ibintu bita agaciro nk'ifeza cyangwa izahabu, byabacunguye ngo muve mu myifatire y'imburamumaro mwatojwe na ba sogokuruza.

1 Petero 1:18 Iomraidhean Croise

Zaburi 39:6

Dore ubugingo bwanjye wabugize bugufiya, maze igihe nzamara kiba ubusabusa mu maso yawe. Buri wese ugihagaze ni umwuka w’akanya gato!

Zaburi 62:10

Koko bene muntu ni nk’umwuka ushira ako kanya, n’ab’ibikomerezwa ni ubusabusa; bose hamwe ubashyize ku munzani, wasanga umwuka ubarusha kuremera.

Yesaya 44:22

Nahanaguye ubugome bwawe nk’igicu, ibyaha byawe mbimaraho nk’igihu; ngarukira kuko nakwicunguriye.

Yesaya 52:3

Uhoraho avuze atya: Mwagurishijwe ku buntu, nanone muzacungurwa nta feza ibatanzweho.

Yeremiya 16:19

Uhoraho, uri imbaraga zanjye, ubwikingo bwanjye, n’ubuhungiro bwanjye igihe cy’amakuba; ni wowe amahanga aturutse mu mpera z’isi azaza asanga, avuga ati «Ibyo abasokuruza bacu begukanyeho umugabane, ni ibinyoma, n’amanjwe adafite akamaro.

Yeremiya 4:11

Icyo gihe Uhoraho azabwira uwo muryango na Yeruzalemu, ati «Ngaha umuyaga ugurumana uturutse mu butayu, unyura mu mpinga z’imisozi ugana umuryango wanjye. Nta bwo ari umuyaga wo kugosora cyangwa gusukura:

Yeremiya 44:17

Tugiye gukora ibyo twiyemeje byose, dutwikire imibavu Umwamikazi wo mu kirere, tumumurikire ibitambo biseswa nk’uko twabigenzaga mu migi ya Yuda no mu mayira ya Yeruzalemu, ari twebwe ubwacu, abasokuruza bacu, abami bacu, n’abatware bacu. Icyo gihe twari dufite imigati ihagije, tukabaho mu munezero uzira amakuba.

Yeremiya 9:14

None rero, Uhoraho Umugaba w’ingabo, Imana ya Israheli, aravuze ati «Ngiye kubanywesha uburozi bukaze, kandi mbuhire amazi aroze;

Ezekiyeli 20:18

Nuko abana babo bari mu butayu ndababwira nti 'Muramenye ntimuzitware nk'abakurambere banyu cyangwa se ngo mugenze nka bo, ntimukiyandavuze n'ibigirwamana byabo;

Amosi 2:4

Uhoraho avuze atya: Kabiri gatatu Yuda icumura! Niyemeje kuyihana kandi sinzivuguruza! Kubera ko basuzuguye inyigisho z’Uhoraho, ntibakurikize amategeko ye, kubera ko ibinyoma byabo byari byarabaroshye, ibyo binyoma ari na byo abasekuruza babo bakurikizaga;

Kubara 7:15

ikimasa kimwe, isekurume y’intama imwe, n’umwana w’intama w’umwaka umwe byo guturwaho igitambo gitwikwa;

Mariko 8:37

Cyangwa se umuntu yagurana iki ubugingo bwe?

Abaroma 1:21

kuko bamenye Imana, ariko ntibayiha ikuzo, ngo bayishimire uko bikwiriye Imana; ahubwo babaye abapfu bishinga ibitekerezo by’amanjwe, maze umutima wabo w’igipfapfa ucura umwijima.

1 Abakorinto 3:20

kandi ngo «Nyagasani acengera ibitekerezo by’abahanga, agasanga byose ari amanjwe.»

1 Abakorinto 6:20

Mwacungujwe igiciro gihambaye! Nimusingirize rero Imana mu mubiri wanyu.

1 Abakorinto 7:23

Mwacungujwe igiciro gihambaye; ntimukisubize mu bucakara bw’abantu.

Abagalatiya 1:4

witangiye ibyaha byacu ngo aturokore iyi si mbi, akurikije ugushaka kw’Imana, ari Yo Umubyeyi wacu.

Abefeso 4:17

Dore rero icyo mbabwira kandi mbashishikariza muri Nyagasani: ntimuzongere kugenza nk’abatazi Imana, bikurikirira ubupfu bwabo.

Tito 2:14

witanze kubera twebwe, kugira ngo aturokore ubugome bwose kandi yuhagire umuryango ugenewe kuba ubukonde bwe no kugira ishyaka ryo gukora icyiza cyose.

Abeheburayo 9:12

Yinjiye rimwe rizima ahatagatifu rwose, atahinjiranye amaraso ya za ruhaya n’ay’ibimasa, ahubwo aye bwite, aturonkera atyo ubucungurwe bw’iteka.

1 Petero 1:7

Uko zahabu bayiyungururisha umuriro, ni na ko bya bigeragezo bigenewe gusukura ukwemera kwanyu gutambukije kure agaciro iyo zahabu y’akanya gato, kugira ngo nikumara guhama, kuzabaheshe ibisingizo, ikuzo n’icyubahiro, igihe Yezu Kristu azaba yigaragaje.

1 Petero 4:3

Koko rero, igihe cyahise cyari kibahagije kugira ngo mukore ibyo abatemera Kristu bifuza, mubeho mu ngeso mbi, mu byifuzo bibi, mu businzi, mu irari ryo kurya no kunywa no mu mihango igayitse y’ibigirwamana.

1 Yohana 3:5

Ariko rero muzi ko Yezu yazanywe no kuvanaho ibyaha, kandi akaba nta cyaha kiba muri We.