1 Titili Takarata a Pierre ko̱ dé 1:5 - Féké Testament 1947

⁵ Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

1 Titili Takarata a Pierre ko̱ dé 1:5 Iomraidhean Croise

Saint Jean 12:48

Da kè on ko̱ pong mi, da tane ga la baïnjaka ni ya, da hana mbéo makaou ko̱ mi wal baï hi nè. Da baïnjaka on ko̱ mème sa hi nè jinguèl ma wal baï hi nè ka sèkèrè name.

Saint Jean 17:15

Mè tane ga hiou mo an mome téne kli tèn kala an wora njou‐koukoulali ya, da ba baï an mome pèng kli baï an klime tane hèdi békéfèn ya.

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

Romainli 11:20

On bèlta; ko̱ mi koung kli guèfal baï ko̱ klime kaou ka ndouri da amo, mo o mbo̱l tounassaon no. Mo tane kèrè joungna mono ya, da ngou waou.

Romainli 8:18

Baï ko̱ laou ni mi kèrè ko̱ to̱ko̱nassé on kassénaï ba mangna bong jonafèn on tane tiya, ko̱ mi nding baï guina baï hina na.

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

2 Corinthienli 1:24

Tane ti ba ko̱ name na gangna toul tounassaon abaï ya, da na ba njoukouli ko̱ mi lé mbèl baï, baï an ouime jangndaï guèbambèl, baï ko̱ ouime kaou pou wang jing tounassaon.

Galateli 2:20

Mè hou an di‐croix jing Christ tou, da tane ti ba mè on mi ko̱ yan ba aféké ya, da ba Christ mi ko̱ yan an bili; da yana on ko̱ mème yan jing naïn‐mone kassénaï, mè yan ka ba tounassaon on, ko̱ mi na an bila Goune a Ouone, kè on ko̱ mi sé hang ni ta, ka hi monè fènè baï touli.

Éphésienli 2:8

Baï ko̱ ka mboro ndingna mbo̱l mi ko̱ oui kou tou ka mboro tounassaon, da fèn on mi tane ti ba abaï fèn baï ya, on ba toul ndo̱ka Ouone,

Éphésienli 3:17

Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.

Philippienli 1:6

Go̱ro̱ ni mi iki toul fèn aïn baï kè on ko̱ mi tissaon bèla pina aïn an bil baï, yé kè ma nding fèn aïn guédék bo̱l tèn name a Jésus‐Christ.

Philippienli 4:7

Da yé go̱ro̱ iki a Ouone, ko̱ mi ta toul tounafèn bon ma guéré go̱ro̱ baï tèn kèrafèn abaï ka bila Christ‐Jèsus.

2 Tim 3:15

Da bo̱l tèn ko̱ mo mi pane ba joï goune, mo toutou tangna fofoto Takarata a Ouone, on ko̱ ma baï hina cho̱kna hi mo baï jingna yana‐baï‐toul ka mboro tounassaon on ko̱ mi na ka bila Christ‐Jésus.

Tite 2:13

Name voro baï ko̱na oliya on ko̱ mi hi jangnandaï, da guina ka jonafèn a loukou Ouone da Njou‐yana‐baï‐toul ama Jésus‐Christ,

Hébreuli 6:12

Mahana on, an ouime kaou pouta ka yèng ya, da nding mahana ka kli on ko̱ ka mbora tounassaon, da ka mboro laïnabi yana pélé bina gonjakali.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

1 Titili Takarata a Pierre ko̱ dé 1:13

Baï on, oui gna ga bi kèrè kaou kèrafèn abaï da mang mone baï, oui oli guédék baï toula ndingna mbo̱l on ko̱ mi gui mone baï ka name wéra none a Jésus‐Christ bi kala.

1 Titili Takarata a Pierre ko̱ dé 4:13

Da mahana ko̱ oui ba ndo̱ko̱ba to̱ko̱nassé a Christ on ko̱ kème to̱ko, oui kaou ka jangnandaï, mono on, ka name guina jing jonafèn nè, oui ma jangndaï ka wala nyèta kéng.

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

2 Pierre 1:3

Ko̱ na ko̱ njèran a Ouone mi hi fènli bon hi na, on ko̱ hi yana da pèngna baïnjaka a Ouone ka mboro touna nè, kè on ko̱ di na jinguèl ka mboro dodok jonafèn da mbonatoul amè,

Titili Takarata a Jean ko̱ dé 3:2

Oui ko̱ mème sé hang baï ta, kassénaï na ba goundi a Ouone. Da mi tane ga wéré nonkè bi kala hi na kong ba na ma tèn ane dé ya. Da name toutou on ko̱ kème gui, yé na ma tèn mabahana ka kè, baï ko̱ yé na ma ko̱ nè mahana ka on ko̱ kè makaou.

Jude 1:1

Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.

Jude 1:24

Da a kè on ko̱ ma baï guéra oui, an oui mi bèn ya, da bi oui an none jonafèn amè, ka rongo ka wal nyèta,