Jems 5:7 - Iwal

⁷ Angg nune-gen, dangetok be unro aim ate ta ve gen bunam walang ok ane be unes miengk ninggas ta ge be unasge Pomate love ninumul ninme ge. Yem uli, um ti ane tivie atob niro ate ta be nisge ge love ane ben nipasang ate vie-ngge kob. Dangetok be atob ei niro ate ta dangetok be urwemb tis asausa nes nivang love ma nikwai kob, atob ai nile be nidbwen ane ben etok.

Jems 5:7 Iomraidhean Croise

Matyu 16:27

Pomate Natu Ayeu ebe meng-gahlang weik amolmol ok, gibloblo ve nanumul nanme tis Pomate ane bogbogo tis ane gwang-ne be ane ngalau kulkul ane vevies invin. Kob atob ayeu nalgum gen ebe amolmol ilgum nangge nalk ok nitangi eisir ate vukuri.

Matyu 16:28

Ayeu nanei nitangi yem, amolmol subu ete imbweg nik, atob eisir inmat vunu ite nangge, be atob indi Pomate Natu Ayeu ebe atob nanumul nanme tis angg gwangne ebe ve namb amolmol dabin ok.”

Matyu 24:27

Ve Pomate Natu Ayeu, ebe meng-gahlang weik amolmol ok, atob nanumul nanme weik ebe bilip geb ok.

Matyu 24:44

Dang-etok be unpasang aimate weik etok ge. Ve Pomate Natu Ayeu ebe meng-gahlang weik amolmol ok atob nanme nivin sawa ebe yem unei bwat ayeu ve nanme ite ok.”

Luk giro ok 18:8

Be ayeu nanei nitangi yem, Pomate gitangi ebe atob nemb amolmol ebe iutani ei ve as gen bunam ane ok ru seukie-ngge. Bemem nivin sawa ebe Pomate Natu Ayeu ebe meng-gahlang weik amolmol ok ve nanumul nanme ok, okob ayeu tang givin ve nali amolmol ebe aplos givin Pomate ok.

Luk giro ok 21:27

Be bwayage kob atob Pomate Natu Ayeu ebe meng gahlang weik amolmol ok atob nasov umbim aplo be nanumul nanme tis Pomate ane gwangne tis ane bogbogo.

Luk giro ok 8:15

Bemem ben uve ebe gisov nalk vie ok, ete weik amolmol ebe iute mateu be ipasang giengk aplos be tas givin ve inalgum yaun etok ano nile ok.”

Jon giro ok 21:22

Yisu giwel Pita avo be ginei; “Ginei ayeu tangg nitung ti ve amol etok atob nimbweg painge love ayeu nanumul nanme sin-ge, okob etok miam gen givin ite ma. Be mie unme be utau ile ayeu.”

Jon giro ok 21:23

Beti yaun ete amol etok atob nimat vunu ite ok, ande eisir singamolomb subu ok iute be ma. Bemem Yisu ginei ete atob amol etok nimat vunu ite ok ite ma. Ei ginei dangeteik ginei; “Ginei ayeu tangg nivin ve amol etok nimbweg love ayeu nanumul nanme kob ok, okob etok miam gen givin ite.”

Pol ane kapia gitangi amolmol Rom ane 15:4

Be Pol ginei, yaun bambamo ebe warik Pomate ane amolmol kulkul ane iro gisov kapia ok, eisir iro yaun etok gitangi eitit veik yaun nok nimbul eitit be tanvarkei gwangne ge be tanasge sawa ebe Pomate ve ninggas eitit ok.

Pol ane kapia gitangi amolmol Rom ane 2:7

Amolmol subu ebe es as luev vie-ngge ivang, be irek bogbogo nangge Pomate ane be tas givin ve Pomate nilgum eisir ares bamo, be tis ebe irek luev inambweg matawas ane ok, eisir etok ete atob Pomate nitak eisir inambweg matawas nemb ta ge.

1 Korint 1:7

beti yem amolmol ebe usge eitit and Amol Bamo Yisu Kilisi ebe ve menihlang ok, yem urek aim ate ve gen ti ane ite, ve ande unggas gen walang ok gikwai.

Galesia 5:5

Bemem Ngalau Yamar giro eitit ta be aplond givin Kilisi be tatpweng are ve Pomate atob nital eitit ninei eitit amolmol vie ane, beti eitit tasge gen etok.

Galesia 6:9

Dangetok be ginei eitit talgum gen vie-ngge gitangi itate okob utland bua bwaya, be tanalgum painge ge, ve asonge nindeb mul ane atob eitit tan-gas ane ano vevies ge.

Kolosi 1:11

Eilu as miengk gitangi Pomate givin veik niro yem ta ve ane bogbogo ane gwangne, veik unvarkei gwangne be un-gas gen bunam walang ok tis aplongg-aim dongke-ngge.

1 Tesalonaika 1:3

Be as-mate walang ok givin ebe amei as miengk ok, amei tangg-amei gitung yem gisov amei miengk aplo painge-ngge. As-mate walang ok amei avarkei Tamand Pomate na be anei yem aim aplongg-aim givin binge gitangi ei gigas ta-ngge, be tis aim luev vie ebe ulgum gitangi aim ate ve tangg-aim givin aim ate ok, be tis ebe uro aim ate ta be usge eitit and Amol Bamo Yisu Kilisi ebe ve ninumul ninme ok ane.

1 Tesalonaika 3:13

Beti amei tangg-amei givin ve anei Pomate atob niro yem ta veik aplongg-aim niengk sang vie-ngge, be unambweg vie-ngge tis yaun me ge nangge Tamand Pomate na, nivin sawa ebe eitit and Amol Bamo Yisu ve ninumul ninme tis ane angela vevies ok.

Hibru 6:15

Beti Ablaham utle bua ite, ei giro ate ta be gisge gen ebe Pomate gibiti ane yaun ge ve atob nemb nitangi ei ok ane ano.

Jems 4:11

Angg nune-gen, unei yaun tiate nipil aim ate bwaya. Amol ti ginei ninei yaun tiate me nidbual yaun ti itin sin-ge nipil ane nune, okob etok weik ebe ei ginei yaun tiate gipil Pomate ane luev (lo), me gidbual yaun sinsin-ge gipil Pomate ane luev ok. Be ginei mie nunei yaun sinsin-ge nipil Pomate ane luev, okob mie amol ti ebe gisov Pomate ane yaun ane lu ite ok. Be mie amol ti ebe gulgum yaun gipil Pomate ane luev ok.

Jems 5:10

Angg nune-gen, yem tangg aim nitung nile Pomate ane amolmol kulkul ane ebe inei Pomate avo ukwas vusa (profet) ebe inei mateu gisov Amol Bamo are ok. Amolmol ebe ili eisir tiate ok ilgum eisir (profet) is likok tiate tiate molge, bemem iro is ate ta be inggas gen bunam walang ok gitangi ge. Dangetok be yem tangg aim nitung nile luev ete eisir ivang ok be unro aim ate ta be un-gas gen bunam weik etok ge.

2 Pita 3:4

be inei; “Ei ginei atob ninumul ninme bingano me ma? Be wali ande ei gibweg sawa inend? Amei tumbungg amei-gen nolge imat vun-kunu ikwai, bemem gen walang ok giengk lavo ge givin ebe Pomate gipasang gulumb tis nalk ok be painge love galkik as-mate etenik.”