Jems 5:11 - Iwal

¹¹ Be unaute! Eitit tanei dangeteik tanei; “Amolmol ebe iro is ate ta be inggas gen bunam ok, eisir etok tas-vevias ge.” Be yem ok utpweng Job amol ebe giro ate ta be gigas gen bunam walang ok gitangi ge ok ane yaun are gikwai. Amol nok giro ate ta be gigas gen bunam bambamo etok, be mul ane kob Amol Bamo gipasang ei be gibweg vie-ngge. Bingano eitit tatpweng are gikwai tanei, Amol Bamo ta-viti ano-ngge ve eitit ane be as-mate walang ok ei aplo bwai-bwaya ve eitit ane gigas ta-ngge.

Jems 5:11 Iomraidhean Croise

Matyu 10:22

Amolmol subu atob bwais ve yem ve gisov ebe ulgum awangg kulkul ok, bemem amol ti ginei ta gitung ayeu be giro ate ta be gigas vavavne painge love gen bunam bamo etok ma, atob Pomate ninggas ei be nimbweg vie nindeb mulane.

Luk giro ok 1:50

ei ta viti ve amolmol ebe isov ei ane yaun ane lu ge ok, be asonge nilgum weik etok ge nitangi eisir natus gen weik etok ge be niengk dangetok.

Luk giro ok 11:10

Ve amolmol walang ok ginei inautani gen, atob invwat, be amol ti ginei girek gen atob ei nili. Be ginei amol ti nital Pomate, atob Pomate niute ei avo be nemb ei avo ru.”

Luk giro ok 6:36

Dangetok be yem tangg aim viti ve amolmol dangete Pomate ta viti ve yem ok.”

Pol ane kapia gitangi amolmol Rom ane 2:4

Pomate Ei Amol ta-viti ane beti giro ate ta be gigas amolmol as yaun ta, bemem yem uli gen etok weik gen sin-ge ti. Yem uli; Pomate ta-viti ve amolmol be gigas as yaun ta veik inatpweng is ate are be inro is ate vukir.

Epeses 1:6

Dangetok be eitit avond nivwat Pomate are ve geb gen vie molge gitangi eitit, ve geb Natu dongke ebe tangg givin gitlek ok gitangi eitit.

Epeses 2:4

Bemem Pomate Ei Amol ta-viti bamo ane be ei tang givin eitit gitlek molge.

Hibru 10:39

Bemem eitit amolmol ebe takari aplond givin gikwai be asonge tanmat vunkunu ok ite ma. Eitit amolmol aplond givin ane, be atob tanambweg matawand.

Hibru 3:14

Ve ginei eitit tan-gas and aplond givin ebe warik ok ta painge-ngge tanvang love tanmat vunu, atob eitit metanahlang ve Kilisi ane amolmol-gen.

Hibru 3:6

Be Kilisi Ei Pomate Natu, be Ei Amol Bamo ebe geb Pomate ane amolmol-gen dabin ok be gisov Pomate ane yaun ane lu vie-ngge. Dangetok be ginei eitit aplond nivin gwangne-ngge be tanvang tis aplond dongke-ngge be tanasge Amol Bamo, atob Pomate nital eitit ninei ane amolmol-gen.

Jems 1:12

Amol ti ginei giro ate ta be givarkei gwangne be gigas gen bunam walang ok gitangi ge, okob ei ta vevie-ngge ve atob Pomate nitak ei nimbweg matawe. Ve warik Pomate ginei gikwai ginei atob ei nitak amolmol ebe tas givin ei ano molge ok, inambweg matawas nemb ta-ngge.

Jems 1:2

Angg nune-nggen, ginei gen bunam ret ret ve menihlang nipil yem, okob aplongg aim bunam bwaya be tangg aim vevie-ngge.

1 Pita 1:13

Dang-etok be yem unsov be unyengk ge bwaya, be tangg-aim nitung gen vie ete asonge un-gas nivin ebe Yisu Kilisi ve ninumul ninme ok ane, be unasge painge-ngge.

1 Pita 3:14

Bemem ginei amolmol emb vavavne gitangi yem gisov ebe yem uvang mul ve luev gen vevies ane ok, okob ayeu atob avongg nivwat yem arengg-aim. Be ginei eisir veve inalgum gen ret nitangi yem, yem unpelk ve eisir be atengg-aim nireu bwaya.

2 Pita 2:9

Amol Bamo ei gitpweng luev ebe ve nemb amolmol ebe isov Pomate ane yaun ane lu ok ru nangge gen bunam aplo ok are gikwai, be tis luev ebe ve ninggas amolmol tiate ane as yaun ta dang-etok painge love sawa ebe ei ve nilgum amolmol tepwengge as yaun be nemb vavavne nitangi is ok are givin weik etok ge.