Jems 4:9 - Iwal

⁹ Yem tangg aim nitung aim ate be unteng ve aim ate ane. Be yem amolmol ete galkik umbweg tis malk-malk ge nik, yem undi be unteng ve aim ate ane be untau ete umbweg tis malk-malk ge nik. Be yem ete galkik uvang tis tangg aim vevie ge nik, yem undi be aplongg aim bunam ve aim ate ane be untau ete uvang tis tangg aim vevie ge nik.

Jems 4:9 Iomraidhean Croise

Matyu 21:41

Be eisir iwel Yisu avo be inei, “Atob ei nes amolmol tiate ane etok tiate molge be nemb kulkul etok nisov amolmol subu ebe vevies ok bais. Ve eisir etok okob gitangi ebe atob inemb um tivie ane gen dabin vie-ngge love ane aiweng ebe um tivie ve ninggas ane wain ane ano ok.”

Matyu 5:4

Eisir ebe aplos bunam ok tas vevias ge ve atob Pomate nilgum eisir aplos vie.

Luk giro ok 16:25

Bemem Ablaham giwel amol nok avo be ginei, ‘Angg nune, tam itung vevie be uli kob, ve nolge mie gugas am gen vevies walang ok tepwengge gikwai givin ebe gubweg matawem nangge nalk ok! Be Lasarus likok ei gen walang ok ma ve ane be gikuk lili tiate, bemem galkik etenik ande ei gibweg tis ta vevie-ngge nangge taku vie eteik be giwel mie gugas bunam nangge etenok.

Luk giro ok 6:21

Be yem amolmol ete galkik marav-ges aim nik, yem tangg aim vevie-ngge ve asonge yem un-gas aim gen vevies ge nindeb mul ane. Be yem amolmol ete galkik uteng uvang nik, yem tangg aim vevie-ngge, ve asonge yem unambweg be unmalk ge unambweg.

Luk giro ok 6:25

Be yem amolmol ete galkik omb kulkul ve uvkwen aim ate ge uvang nik, yem ok undi aim ate ge. Ve asonge nindeb mul ane atob yem marav-nes aim vunkunu.