Jems 3:6 - Iwal

⁶ Dangetok be avond ok weik ete yev ok. Ginei tanei yaun tiate natu ti menihlang nangge avond, okob yaun tiate natu etok ge atob nilgum utland ulis tepwengge tiate, be gilgum eitit tas and luev ungglus ungglus. Be etok weik Sadam ei ate ete giban yev etok.

Jems 3:6 Iomraidhean Croise

Matyu 12:24

Parisai subu iute be inei, “Amol etenik gitin ngalau tiate ve ngalau tiate tamas (Belsebul) ane gwangne.”

Matyu 5:22

Bemem ayeu nanei nitangi yem, amol ti ginei ta vavis ve ane nune atob amol etok ninggas yaun bamo molge nang-ge bambamo yaun ane. Be ginei amol ti ninei yaun ungglus-ungglus nipil amol ti, okob amol etok atob nivarkei bambamo yaun ane nas. Be ti ginei gigo ane nune ti ginei, ‘Mie gen singe be dabem gwet ma,’ amol etok kasopge nireu yev bamo ebe giengk dang etok painge ge ok nile.

Malaka 7:15

Pomate gili ben ti ebe amolmol en be gilgum eisir tiate weik ete Parisai be tis eisir Juda subu as luev ginei ok ite ma. Bemem gen ebe amolmol tas gitung giengk aplos ok ete gilgum amolmol tiate.

Luk giro ok 16:24

Beti amol nok gital be ginei, ‘Tamangg Ablaham, tam viti ve ayeu be uhlin Lasarus inme be emb bui luvus siti be ayeu anum kob ve ayeu gagas vavavne bamo molge nangge yev bamo eteik aplo.’

Aposol 20:30

Be yem-ate ok atob aim amolmol subu inamdil be inei yaun bingkas-kasop veik inarwel amolmol bui ane inde invin eisir.

Aposol 5:3

Bekob Pita gimdil be ginei gitangi ei be ginei, “Sadam girau gile mie. Mie guyo Ngalau Yamar be gutak mone nalk etok ane tavlu giengk ve im ve ret ane?

Aposol 6:13

Bekob ile inggas amolmol ebe ve inalgum yaun bingkasop nipil ei ok inme. Be eisir nok inei, “Amol etenik ginei yaun ungglus ungglus gipil eitit and lum yamar be tis Mose ane yaun tis as-mate walang ok be amei aute.

Taitus 1:11

Amolmol dang dang-etok ete ilgum ve inarwel amolmol as mone tis as wambal, be tas givin ano-ngge ve inalgum gen tiate. Beti eisir imbul amolmol ve luev ebe gitangi ve eitit amolmol tanalgum ite ok, be gilgum amolmol subu tis arwas-gen be natus-gen ikuk lili tiate. Dangetok be mie nuli be nomb amolmol dang dang-etok avos avut.

Jems 2:7

Be eisir nok ge ete inei yaun ungglus ungglus gipil Kilisi ane are vie ebe Pomate gital gipil yem ok.

Jems 3:7

Amolmol ebe ivkwen gen matawas ane walang ok, weik mank bwelk uruv muat be tis wenk ebe ivang nangge gielk ok, eisir emb gen bambamo etok dabin be ilgum love gen matawas ane bambamo etok isov eisir as yaun ane lu ge. Be galkik etek ok eisir ilgum painge ete ivang nik.

2 Pita 3:3

Gen mate ane ebe ve yem unatpweng are ulu bekob ok ete dang-eteik: Asonge nivin sawa ebe Amol Bamo ve ninumul ninme ok, atob amolmol subu ebe ivang mul ve luev gen ungglus ungglus ane ebe tas gitung giengk aplos ok, atob meinahlang be inalgum molok nile yem

3 Jon 1:10

Dangetok be atob nivin ebe ayeu ve natangi yem nalek ok okob atob ayeu nasu ei ane gen bambamo ebe gilgum ok nile nihlang. Ei ginei yaun ungglus ungglus tepwe gipil eitit, be ginei yaun bingkas kasop walang ano. Bemem gen etok ge ite, ei bua ve ret ninggas amolmol taku ti ane inpil ane nam be givarkei amolmol ebe ve in-gas eisir dang dang-etok inpil as nam inde ok as luev gili, be gilgum ve nitin amolmol taku ti ane inkwai amolmol bui ane.

Revelesen 12:9

Beti ikari muat bamo nok tis ane amolmol-gen gisov gile gitak nalk. Muat bamo nok, tanei dang-etok tanei muat tumbu, ebe ital inei Sadam, be “Amol ebe gitpungi amolmol tepwengge ok.” Amol nok ebe giyo giyo amolmol nalk ane tepwengge ok. Ete ande ikari ei tis ane amolmol-gen ile itak nalk ok.

Revelesen 13:14

Pomate ande yab-ge ve ginei ei nilgum gen bwal-bwale bambamo dang dang-etok niengk bwelk mate ane galkok na ge. Ei gilgum ve giyo giyo amolmol nalk ane ve ane gen bambamo ete gilgum gilgum ok, be ginei gitangi amolmol be ginei; “Yem unavku bwelk mate ane ebe warik buyag valir ane ges ei be veve nimat vunu bemem kob ete ande gibweg matawe nik, ane dalgo nireu ei be tis gen subu subu, be avongg-aim nivwat ei are be unei uiye be unes miengk nitangi.”

Revelesen 18:23

Be atob indi ebe lam aivi, me inaute ebe kakie giriv be gira ve avie gabu amol inemb bais ane ok, nangge miam nam-luvue vukuri ite ma. Miam amolmol-gen ebe ilgum kulkul mone ane ok, eisir tis are bamo nangge nalk. Be mie gulgum ve guyo guyo amolmol avo ti avo ti be ulis ti ulis ti be amolmol vu ti ane ti ane tepwengge nangge nalk ve am yaun dueb ane walang ok.”

Revelesen 19:20

Bemem ei gidgin bwelk nok be tis amol ebe giyo ginei ei amol ti ebe ginei Pomate avo ukwas vusa (profet bingkasop ane) ok ta. Amol nok ete gilgum gen bwalbwale walang ano nangge bwelk nok na. (Ei gilgum gen dangdang-etok beti giyo giyo amolmol be ivku bwelk etok ane tuvweng bwalbwale giengk utlas ulis, be inei uiye be es miengk gitangi bwelk nok ane dalgo). Eisir ikari bwelk nok tis profet bingkasop ane etok tis matawas ge isov nalk avo tis yev bamo ebe vavavne giengk dangetok painge ge ok aplo ile.