Jems 3:13 - Iwal

¹³ Ginei yem aim amol ti ane dabe gwet vie molge be gitpweng gen walang ok are vie molge, okob ei nilgum ane gen walang ok vie-ngge be nes ane kulkul vie ebe gilgum ok be tis ane luev vie ebe gisov yaun ane lu ge ok, be tis ane luev dabe-gwet vie ane ru nitangi amolmol.

Jems 3:13 Iomraidhean Croise

Matyu 11:29

Ve ayeu amol bwaibwaya ane be ayeu amol ebe gab amolmol dabin nangg gali ok, be atob yem unambweg luvus vie.

Matyu 21:5

‘Unei ve amolmol Jerusalem ane unei, Galkik etenik yem aim Amol Bamo ebe ve nemb amolmol dabin ok ve nitangi aim nilek. Ei Amol bwaibwaya ane be gibweg giwei bwelk dongki vaku ti.’

Matyu 5:5

Amolmol ebe induel is-ate love weik gen sin-ge ok tas vevias ge ve atob eisir in-gas gen vie ebe Pomate gibiti ane yaun yapin ok.

Matyu 7:24

“Amolmol ebe iute awangg yaun be tas givin ve inalgum ano nile ok, eisir etok weik amol ebe gitpweng gen are be gitav ane nam tis twelk ok.

1 Korint 6:5

Mai-mayangg aim ma. Namnambed. Yem aim amol tis dabe-gwet vie ti givang ite me, ebe ve nipasang amolmol as yaun sawa dang dangetok ok?

2 Korint 10:1

Ayeu Pol ve nanei angg yaun lavo nitangi yem okob. Ve amolmol subu inei yaun gipil ayeu be inei, “Ei gibweg givin eitit, ete gilgum ate weik gen sin-ngge. Be givin ebe gibweg aikawe gikwai eitit ok, okob giro yaun ebe gwangne gwangne ok ge gitangi eitit.” Dangetok be ayeu nanei nitangi yem nisov Kilisi ane ta givin be tis ane yaun bwai bwaya dangetok nanei;

2 Korint 8:24

Dangetok be yem unes aim tangg aim givin ru nitangi sotol, veik amolmol tepwengge indi be inatpweng are inei yem aim tangg aim givin ge ete gilgum amei be tangg mei vevie.

Galesia 5:23

Be tanvang weik amolmol kamok-kamok ane be tanemb and luev dabin vie-ngge. Be gen ti weik ebe Juda as luev ok givarkei luev gen vevies ane etok avwut ite.

Galesia 6:1

Angg nune-nggen, amol ti ginei gilgum gen tiate ti, okob yem amolmol ebe Pomate ane Ngalau givang givin aim be geb aim dabin ok, unde be unpasang yaun avongg-aim vie-ngge unvin ei, veik ei niro ate vukir be nivang vie vukuri. Bemem nangg-aim undi aim ate ge velob gen tiate etok nilgum be yem ok unalgum gen tiate weik ete amol etok gilgum ok.

Galesia 6:4

Dangetok be amolmol tepwengge tas nitung is ate be indi as luev be tis as kulkul ebe ilgum ilgum ok nimungg bekob. Ginei amol ti gili ginei ei gilgum ane gen walang ok vie-ngge, okob ei ta vevie-ngge. Yem unemb aim kulkul tuvweng nipil amolmol subu as kulkul ebe ilgum ok bwaya.

Epeses 4:2

Yem undang aim ate bwaya be unei yaun nitangi aim ate tis godongg-aim malk-malk ge. Be ginei yem aim nune-nggen subu emb bunam gitangi yem, okob tangg-aim vavis be un-go eisir bwaya. Bemem unes aim tangg-aim givin ru nitangi eisir be unei yaun vie-ngge nitangi eisir.

Pilipai 1:27

Bemem ayeu tangg givin ve yem unes aim luev nitau nile ete Kilisi ane mateu ginei ok ge. Veik ginei ayeu nalek me nalek ite, okob naute binge ge ve yem aplongg-aim gisov dongke be uvarkei uvin aim ate be omb aim ate ru veik aplongg-aim nivin mateu.

Kolosi 3:12

Pomate geb yem ve ane amolmol-gen gikwai, be Ei gimsuli ane opom gen walang ok ane gitangi yem gikwai. Dangetok be yem un-gas luev dang dang-eteik ta gwangne ge: Tangg aim viti ve amolmol walang ok nitangi ge be unpasang eisir nangg aim undi. Yem undi aim ate weik gen sin-ge ti, be godongg aim malk-malk ge nitangi amolmol. Ginei amolmol ilgum gen tiate gitangi yem, yem unamdil be unalgum eisir tiate niwel bwaya.

1 Timoti 4:12

Be eisir indi mie weik amol singamolomb sin-ge ti be gitangi ebe ve nulgum gen vie ti ite ok ite, mie nunei am yaun vie-ngge be nos am luev vie-ngge be tam nivin amolmol be aplom nivin Pomate, be nulgum am gen walang ok vie-ngge tis aplom dongke-ngge. Kob atob mie nos luev vie etok ru nitangi amolmol ebe aplos givin Pomate ok.

1 Timoti 6:11

Bemem Pomate ane amol mie dangetok be nuvkir dumem nitangi gen tiate walang ok. Be nomb kulkul gwangne ge be aplom nivin Pomate be nuvang mul ve Ei ane luev, be tam nivin amolmol. Be ginei amolmol tas gitung yaun tiate gipil mie, mie nuvarkei gwangne be nunei yaun bwai-bwaya nitangi eisir.

2 Timoti 2:25

Ei nilgum gen bwai bwaya ane nitangi amolmol ebe isov yaun ane lu ite ok be Pomate atob nemb eisir ru be gitangi ebe atob inro isate vukir be inatpweng yaun ano are ok.

Taitus 3:2

Be in-go amolmol ve yaun bum-bumue, me ines valir niriv be nira ite. Eisir nas indi is ate vie-ngge be invang tis yaun bwai-bwaya ge invin amolmol walang ok tis as mate walang ok.

Hibru 13:5

Be unvang mul ve luev ebe tas givin mone gitlek molge ok bwaya, be aplongg aim nivin ge ve aim gen ret ret ete galkik giengk givin yem ate ok, etok gitangi ebe atob nemb aim ru ok. Ve Pomate ginei gikwai dangeteik: “Ayeu atob buaingg ve mie be navkir dumangg nitangi mie ite. Ma molge.”

Jems 1:21

Dangetok be unkari luev gen tiate walang ok ane tepwengge nikwai, be unandwel aim ate be unemb yaun ete Pomate givro gisov aplongg aim gile ok ta gwangne ge. Ve yaun etok ebe asonge nemb dalgongg aim matawangg aim ane ru be nimbweg vie ok.

Jems 2:18

Amolmol subu atob inei dangeteik inei; Pomate ane luev ane dabe giengk aplond nivin. Bemem ayeu nanei; Aplond nivin be tanalgum ane kulkul nivin, etok gen vie molge. Ve atob amolmo inatpweng awangg aplongg givin are nipil gen ete ayeu galgum ok.

Jems 3:1

Angg nune-gen, undi aim ate ge velob aim amolmol bon ge meinahlang weik amolmol ebe imbul amolmol ve mateu ane ok. Eitit tali gikwai, asonge nivin ebe Pomate ve nilgum amolmol tepwengge as yaun ok, atob eitit ete tambul amolmol ve mateu ok atob tan-gas yaun bamo molge nitlek amolmol bui ane subu.

Jems 3:17

Bemem dabas-gwet ebe ginme nangge Pomate ane ok ane ano dangeteik: Tanes and luev vie dongke, aplond nisov dongke be tand-nivin itate, tanei yaun bwai-bwaya nitangi amolmol, tansov amolmol as yaun ane lu. Tand-viti ve amolmol be and kulkul ebe talgum ok nes ane ano vevies ge, be tandi amolmol subu vie molge nitlek eisir subu ite, tanvang tis aplond dongke ge.

1 Pita 1:15

Ve Pomate ebe ande gital yem gikwai ok, Ei Amol yamar. Dang-etok be yem unes aim luev walang ok vie-ngge weik ebe amolmol yamar ane ok, weik ete ei ate ok.

1 Pita 2:12

Be unes aim luev vie-ngge nivin ebe uvang usov amolmol dabas ungglus aplo ok, veik amolmol ebe inei yaun sinsin-ge gipil yem be inei yem ulgum gen tiate ok indi ebe yem os aim luev vie-ngge ok, okob atob avos nivwat Pomate are nivin ebe Ei ve ninumul ninme ok.

1 Pita 2:9

Bemem yem, Pomate geb yem gikwai ve ane amolmol-gen. Be ande yem mohlang ve Amol Bamo (king) ebe geb amolmol dabin ok ane amolmol-gen. Be Pomate ane amolmol yamar ane yem roro, ebe ve unei Ei ane gen vevies ebe gilgum gitangi yem ok ane binge vusa ok. Be Ei ane gen vevies ebe gilgum gitangi yem ok ete dangeteik: Ei geb yem ve ane amolmol-gen, beti ande gigas aim ukwai aiweng tumi aplo be gigas yem ule uvang usov ane bogbogo aplo.

1 Pita 3:4

Yem un-golong aplongg-aim ve gen vevies ebe asonge niengk dang-etok painge-ngge ok ane. Be gen vevies nok ete dang-eteik: Yem unemb aim ate dabin vie-ngge be unvang aim gen nangg aim bwaya-gege. Ve luev dang dang-etok ete Pomate tang-givin anongge.