Jems 3:10 - Iwal

¹⁰ Eitit avond dongke-ngge, bemem kob tanei yaun gipil gen ailu meng-gihlang nangge avond dongke etok. Yaun ti ebe avond givwat Pomate are ok, be ti ebe tanei yaun tiate gipil amolmol subu ok. Angg nune-gen, eitit tanalgum gen dangetok bwaya.

Jems 3:10 Iomraidhean Croise

Pol ane kapia gitangi amolmol Rom ane 12:14

Yem unes miengk nitangi Pomate ve amolmol ebe ilgum yem tiate ok ane nivin veik Pomate nitin eisir bwaya be nemb is ru.

1 Korint 3:3

ve yem uvang mul ve luev nalk etenik ane beti aim tangg aim gitung gen weik ebe nunus ok ge nangge. Ve luev tas vadbu ane be tis ebe inggo is ate ane ete yem ulgum gitangi aim ate nik ges ru ve yem uvang mul ve Pomate ane ta givin be tis ane ta gitung ite ma. Yem ulgum gen gitangi ebe yem ate aim tangg aim givin ok ge.

1 Timoti 5:13

Eisir emb wayam ve isate be inggas amolmol subu as yaun be ivang itangi nam avo-avo ve inei gitangi amolmol. Yaun nok subu gitangi ebe ve tanei ok ite, bemem inei givin.

Jems 1:16

Angg nune-gen, undi aim ate ge velob luev gen tiate ane bambamo etok nitpungi aim be unsov ane lu ge.

Jems 1:19

Angg nune-gen yem unatpweng gen eteik are vevie kob. Yem tepwengge unpasang aim ate be unaute yaun vevie. Be seukie seukie ve yaun be tangg aim vavis seukie seukie bwaya.

Jems 3:1

Angg nune-gen, undi aim ate ge velob aim amolmol bon ge meinahlang weik amolmol ebe imbul amolmol ve mateu ane ok. Eitit tali gikwai, asonge nivin ebe Pomate ve nilgum amolmol tepwengge as yaun ok, atob eitit ete tambul amolmol ve mateu ok atob tan-gas yaun bamo molge nitlek amolmol bui ane subu.

Jems 3:11

Eitit tali, bui tis gielk isgabu ge meihlang nangge nalk avo dongke ite ma yapin.

Jems 3:9

Pomate gipasang eitit amolmol tepwengge love weik ete ei ate ok roro ge. Be eitit tepwengge avond etok ebe ve nivwat and Amol Bamo gabu Tamand Pomate ares ok. Bemem kob avond dongke etok ge, ginei yaun tiate gipil amolmol subu ebe Pomate gipasang eitit tepwe weindongke ok.

1 Pita 3:9

Be ginei amolmol ilgum yem tiate tiate okob yem unemb tiate niwel bwaya. Me ginei eisir inei yaun tiate gipil yem, yem unemb yaun tiate niwel nitangi eisir bwaya. Yem unwel gen tiate ete eisir ilgum gitangi yem ok be unalgum gen dang-eteik: Yem unes miengk nitangi Pomate ve eisir ane, veik Pomate nemb eisir ru. Pomate gital yem be ei tang-givin ve ginei yem unalgum gen dang-etok, okob atob yem un-gas gen vevies ge nangge Pomate ane.