Jems 2:19 - Iwal

¹⁹ Yem unei dangeteik unei; Pomate dongke ge ete gibweg nik, be eitit and aplond givin ge etok gitangi be tanalgum gen ti nivin bwaya. Bemem ngalau tiate ok aplos givin weik etok ge, be ipelk ve is ate ane ano anongge.

Jems 2:19 Iomraidhean Croise

Matyu 8:29

Ngalau tiate etok ili Yisu be yayai be inei, “Pomate Natu mie, sawa ebe mie ve nulgum amei-mei yaun ok giengk nangge, be mie wat gunme ve nomb vavavne nitangi amei nok etenki me?”

Malaka 1:24

“Yisu Nasaret ane, mie gunme ve nulgum ret nitangi amei? Mie gunme ve nos amei me? Ayeu gatpweng mie are ganei mie Pomate ane amol yamar.”

Malaka 12:29

Be Yisu ginei gitangi ei be ginei; “Yaun ebe vie molge ok eteik ebe Moses giro bwalbwale ok. Be yaun nok ginei dang-eteik: ‘O Israel, Unaute kob! Eitit and Pomate dongke-ngge ei Pomate ano.

Malaka 7:9

Be Yisu ginei vukuri, “Yem tangg-aim givin anongge ve unvang mul ve amolmol ge as luev, be uitin Pomate ane luev.

Luk giro ok 4:34

“Yisu Nasaret ane, Mie gunme ve numdom nitangi amei? Mie gunme ve nuyaing amei me? Ayeu ande gatpweng mie are gikwai, Mie Pomate ane Amol Yamar ebe gihlin be ginme ok.”

Jon giro ok 17:3

Be inambweg matawas nemb ta ge, ane dabe dangeteik: Eisir itpweng are inei Mie dongke ge Mie Pomate bingano molge. Be itpweng are givin inei Mie guhlin Yisu Kilisi beti ginme.

Aposol 16:17

Avie nok gitau gile amei, be gital gital dang-etok ginei; “Etenik Pomate bamo eingoto ane, ane amolmol kulkul ane etenik. Be as-mate walang ok eisir inei luev ebe Pomate ve ninggas eitit tantangi ei ate tande ok lavo gitangi eitit.”

Aposol 19:15

Bemem ngalau tiate nok ti giwel eisir avos be ginei ‘Ayeu gatpweng Yisu are be gatpweng Pol are weik etok ge, bemem ayeu tangg-gisgil yem.’

Aposol 24:25

Pol ginei yaun ebe ve tanemb itate dabin be tanei yaun ano ano-ngge ok, be tis ebe asonge nindeb mulane be Pomate nilgum amolmol and yaun ok lavo gitangi Piliks be giute love gipelk ve ate ane be ginei, “Atob mie nunumul nule, be sawa ti kob ayeu natal mie be nunumul nunme vukuri.”

Pol ane kapia gitangi amolmol Rom ane 3:30

Pomate Ei dongke-ngge, be atob ei nemb amolmol Juda ane be tis eisir ebe nangge Juda ite ok tepwengge ru nipil dongke.

1 Korint 8:4

Etok ande ma. Be yaun ben ebe emb ve da gitangi pomate bingkasop ane ok; Eitit tatpweng are gikwai, ve pomate bingkasop ane etok gen dalgo sin-gege be gitangi ebe ve ninei yaun vusa ok ite. Be givin ve eitit taute ebe inei dangetok inei pomate anongge ete imbweg nik ok ite ma. Pomate ano dongke-ngge ete gibweg nik.

1 Korint 8:6

bemem eitit and Pomate dongke ge galkik gibweg. Etok Tamand Pomate ei ate, be gen walang ok ane dabe ei dongke ge. Be and Amol Bamo dongke ge ete Yisu Kilisi ok. Ei dongke-ngge geb gen bambamo etenik, be eitit tambweg matawand gisov ei dongke ge.

Galesia 3:20

Bemem yaun ebe warik Pomate gibiti givin Ablaham ok, amol ti gigas yaun etok gitangi Ablaham gile ite Pomate ei ate geb gitangi Ablaham.

1 Timoti 2:5

Be Pomate dongke-ngge Ei Pomate, be amol ti ebe givang gisov Pomate be amolmol sawa ok ete Yisu Kilisi Ei ate, ebe meng-gihlang weik amolmol ok.

Jems 2:8

Eitit and King geb yaun ti gitangi ane amolmol kulkul ane be iro yaun nok gisov kapia gile giengk, be yaun nok ginei dang-eteik: “Tam-nivin amolmol walang ok, dang-ete mie ate tam-givin im-ate ok.” Dangetok ginei yem unsov yaun etok ane lu vie-ngge be unalgum ano nile, okob etok gen vie molge.

Kapia ebe Jut giro ok 1:4

Ve amolmol bingkasop ane subu ande inme ivang isov amolmol bui ane aplo bwaya-gege. Eisir nok ivkir dumas gitangi Pomate be ilgum ve iro Pomate ane yaun vukir be inei yaun gitlek molge be inei, amolmol gitangi ebe ve inalgum tiate ok, ve Pomate ei amol ta viti ane. Eisir etok ete ivkir dumas gitangi eitit and Bamo dongke Yisu Kilisi ei ate. Be warik mate ane yaun ebe giengk Pomate ane kapia ok ginei gikwai ginei; Amolmol dang dang-etok ete atob invarkei Pomate na be Pomate nilgum eisir as yaun be niyaing eisir nikwai.

Kapia ebe Jut giro ok 1:6

Warik angela subu ok weik etok ge. Eisir emb as kulkul dabin vevie ite, be ikwai lavos ebe imbweg ok beti Pomate gidgin eisir ta ve seng ebe atob niengk dangetok painge ge ok, be gitak is gisov taku ebe aiweng tumi tiate molge ok aplo be imbweg etok, ve isge sawa ebe Pomate ve nilgum eisir as yaun ok ge.

Revelesen 20:10

Bekob Pomate gikari Sadam, amol ebe gitpungi eisir etok ok gisov yev vavavne bamo tis vat salpa ebe warik ikari bwelk be tis profet bingkasop ane ebok isov aplo ile ok gile. Be sotol nok atob in-gas vavavne dangetok tambok be as niengk nemb ta-ngge.