1 Korint 8:3 - Iwal

³ Bemem amol ti ebe ta givin Pomate ok, amol etok ete Pomate gitpweng ei are ginei Ei ate ane amol ti.

1 Korint 8:3 Iomraidhean Croise

Matyu 7:23

Bemem atob ayeu nanei roro-ngge nitangi eisir nanei, ‘Ayeu ganini yem. Yem amolmol tiate ane, be unkwai ayeu.”

Jon giro ok 10:14

Ayeu amol vie molge ebe gab bwelk sipsip dabin ok. Be ayeu gatpweng angg bwelk are be eisir ok itpweng ayeu are,

Jon giro ok 21:17

Yisu giutani Pita bulwer aitol ane be ginei; “Jon natu Saimon, mie tam givin ayeu me ma?” Be Pita aplo bunam ve ebe Yisu gituani ei ve yaun dongke nok ge bulwer ailu gikwai beti ve ti vukuri ok. Beti ei giwel Yisu avo be ginei; “Amol Bamo, mie gutpweng gen walang ok are be ma gikwai, be mie guli gikwai gunei ayeu tangg givin mie.” Be Yisu ginei gitangi ei, “Nam nuli awangg bwelk vie-ngge.”

Pol ane kapia gitangi amolmol Rom ane 11:2

Pomate Ei gitin ane amolmol-gen ebe warik geb eisir yapin ve ane gen ok tepwengge gikwai ite. Ma. Yem wat utpweng Ilaija ane yaun ebe giengk Pomate ane kapia ok are ite me? Ilaija ges miengk be geb amolmol Israel ane as yaun gitangi Pomate be giutani Pomate dangeteik:

1 Korint 13:12

Bingano, galkik etenik eitit tali gen ane dalgo ge, weik ebe tali dalgond gisov bui tal ane ok, bemem mul ane atob tandi gen tepwengge ano bupwe ge. Be galkik etenik ayeu gatpweng gen are siti siti, bemem mul ane atob ayeu natpweng gen walang ok are, weik ete Pomate gitpweng ayeu are ok.

1 Korint 2:9

Bemem yaun ebe giengk Pomate ane kapia ok ginei dangeteik; “Gen ebe amolmol gitangi ve indi ite, be inaute ite, be tis gen ebe amolmol tas gitung ve atob menihlang ite ok, gen etok ete Pomate gipasang ve amolmol ebe tas givin ei ok.”

Galesia 4:9

Bemem galkik ande yem utpweng Pomate matawe ane are gikwai, me ayeu nanei dang-ebeik nanei Pomate ande gitpweng yem are gikwai. Bemem gimdom beti yem uvkir dumangg-aim gitangi Pomate matawe ane be ve undumul untangi tumbungg-aim gen as luev ebe warik geb yem dabin ok unde vukuri? Luev etok gitangi ebe atob nemb yem ru ok ite, ma molge.

2 Timoti 2:19

Bemem amol ti gitangi ebe atob nihlu tuelk gwang-ne ete nolge Pomate giguni ok nile nitak ok ite. Be yaun ti ebe giengk tuelk etok ok ginei dangeteik, “Amol Bamo gitpweng ane amolmol ebe aplos givin ei ok are gikwai.” Be yaun nok ti vukuri ginei dangeteik: “Amol ti ginei ninei ei Pomate ane amol ti, okob ei nivkir dume nitangi gen tiate walang ok.”

Jems 1:12

Amol ti ginei giro ate ta be givarkei gwangne be gigas gen bunam walang ok gitangi ge, okob ei ta vevie-ngge ve atob Pomate nitak ei nimbweg matawe. Ve warik Pomate ginei gikwai ginei atob ei nitak amolmol ebe tas givin ei ano molge ok, inambweg matawas nemb ta-ngge.

Jems 2:5

Angg nune-gen unaute kob! Pomate gili amolmol ebe amolmol nalk ane ge ili eisir inei gen ma ve is ok, ginei eisir tis wambal bamo, ve gisov eisir as aplos givin ane ge. Warik ei ginei gikwai ginei: Amolmol ebe tas givin ei ano molge ok, ete atob ei nemb eisir etok dabin. Dangetok beti galkik ande ei geb amolmol ebe amolmol nalk ane ge ili eisir inei eisir gen walang ok ma ve is ok, ve atob nemb eisir dabin.

1 Pita 1:8

Yem uli Amol nok ite nangge, bemem yem omb aplongg aim tepwengge gitangi ei gile. Be yem utpweng ei are ite nangge, bemem yem aplongg aim givin ei be tangg aim vevie anongge ve ei ane.

1 Jon 4:19

Eitit tand givin it ate gisov Pomate ane ta givin eitit ulu.

1 Jon 4:7

Angg nune-nggen, eitit tand nivin amolmol walang ok nitangi ge. Ve luev ete ve tand nivin amolmol nik ginme nangge Pomate ane. Amol ti ginei ta nivin amolmol, amol etok weik Pomate ane natu be ei gitpweng Pomate are gikwai.

Revelesen 2:13

Ayeu gali ganei Sadam ei geb amolmol dabin nangge nam dabe etenok bingano ge. Bemem yem aplongg-aim givin ayeu gwang-ne molge be unggas ayeu arengg ta gwang-ne molge, be uvuaivun aim aplongg-aim givin etok ite ma. Warik Antipas, amol ebe ginei awangg yaun binge ok, ei givang givin yem be amol nok gisov awangg yaun walang ok ane lu vie molge. Be amol nok ete amolmol es ei vunu gisov yem matanongg-aim nangge taku ete ande Sadam geb dabin nok. Be givin sawa etok ok yem os ayeu arengg ta ite weik etok ge.

Revelesen 2:19

Ayeu gatpweng gen walang ete yem ulgum ulgum ok are gikwai. Be ayeu gali ganei yem tangg-aim givin amolmol gitlek be aplongg aim givin ayeu gwang-ne molge, be ulgum kulkul walang ok ve omb amolmol ru. Ayeu gali ganei yem uro aim ate ta be unggas gen bunam walang ok tis aplongg-aim dongke-ngge, be ayeu gatpweng are ve yem aim luev mate ane eteok ete vie, be galkik atob yem unalgum aim gen walang ok vie molge.

Revelesen 2:9

Ayeu gali gen bunam tis vavavne bambamo ebe yem unggas ok be gatpweng are dang-etok ganei, amolmol ge ete ili yem inei yem gen ma ve aim. Bemem Pomate ei gili yem ginei yem amolmol ebe tis wambal walang ano ok. Be yaun bambamo ete amolmol subu inei gipil yem ok, ayeu ande gali gikwai. Be eisir etok ete inei yaun gipil is ate be inei; “Amei ok amei amolmol Juda ane. Bemem eisir nangge Juda ite ma. Etok Sadam ane amolmol-gen eisir roro.