ʻO KA ʻEPISETOLE A PAULO IĀ TITO 2:8 - Ka Baibala Hemolele

⁸ e hōʻike i ka ʻōlelo pono, ʻaʻole e hiki ke hoʻāhewa ʻia mai; i hilahila ai ka mea e hoʻoʻokoʻa ana, no ka loaʻa ʻole iā ia ka hala e ʻōlelo ʻino mai ai no ʻoukou.

ʻO KA ʻEPISETOLE A PAULO IĀ TITO 2:8 Iomraidhean Croise

KA BUKE A NEHEMIA 5:9

A ʻī akula au, “ʻAʻole pono kēia mea a ʻoukou e hana nei; ʻaʻole anei e hele ʻoukou ma ka makaʻu o ko kākou Akua no ka hoʻowahāwahā ʻana mai o ko nā ʻāina ʻē, ko kākou poʻe ʻenemi?

KA WĀNANA A ʻISAIA 66:5

E hoʻolohe ʻoukou i ka ʻōlelo a Iēhova, E ka poʻe haʻalulu i kāna ʻōlelo; “ʻO ko ʻoukou poʻe hoahānau, ka poʻe i ukiuki mai iā ʻoukou, Ka poʻe i kipaku aku iā ʻoukou i waho, no koʻu inoa, ʻĪ aʻela lākou, ‘E hoʻonani ʻia ʻo Iēhova; A e ʻike ʻia nō ia, i mea e hauʻoli ai ʻoukou,’ Akā, e hilahila auaneʻi lākou.

KA ʻEUANELIO I KĀKAU ʻIA AI E MAREKO 12:17

ʻŌlelo akula Iesū, ʻī akula iā lākou, “E hāʻawi aku i kā Kaisara iā Kaisara, a i kā ke Akua hoʻi i ke Akua.” Pili pū ihola lākou iā ia.

KA ʻEUANELIO I KĀKAU ʻIA AI E MAREKO 12:28

¶ Hele maila kekahi o ka poʻe kākau ʻōlelo, a lohe i kā lākou kamaʻilio ʻana, a ʻike ia i ka pono o kā Iesū ʻōlelo ʻana, a laila, nīnau akula ʻo ia iā ia, “He aha lā ke kānāwai nui o nā kānāwai a pau?”

KA ʻEUANELIO I KĀKAU ʻIA AI E MAREKO 12:32

ʻĪ akula ua kākau ʻōlelo lā iā ia. “Maikaʻi, e ke Kumu, ua ʻōlelo mai ʻoe i ka mea ʻoiaʻiʻo; no ka mea, «hoʻokahi wale nō Akua, ʻaʻole ʻē aʻe, ʻo ia wale nō.

KA ʻEUANELIO I KĀKAU ʻIA AI E MAREKO 12:34

ʻIke maila Iesū, ua pono kāna ʻōlelo ʻana mai, a laila, ʻī maila ʻo ia iā ia, “ʻAʻole ʻoe i mamao aʻe i ke aupuni o ke Akua.” Mai ia wā iho, ʻaʻohe kanaka i ʻaʻa e ninaninau hou aku iā ia.

KA ʻEUANELIO I KĀKAU ʻIA AI E LUKA 13:17

A i kāna ʻōlelo ʻana i kēia, hilahila ihola kona poʻe ʻenemi a pau; a ʻoliʻoli ka ʻaha kanaka a pau i nā mea nani i hana ʻia ai e ia.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 3:14

A inā hoʻolohe ʻole mai kekahi i kā mākou ʻōlelo ma kēia ʻepisetole, e hōʻailona ʻoukou iā ia, ʻaʻole hoʻi e hoʻolauna pū me ia, i hilahila ia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:14

ʻO koʻu manaʻo nō ia no nā wāhine ʻōpiopio, e mare lākou, a e hānau keiki, a e hoʻoponopono i ka hale, i loaʻa ʻole ka hala e hōʻino mai ai ka ʻenemi.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:3

¶ A inā he ʻokoʻa kā kekahi aʻo ʻana aku, me ka ʻae ʻole mai i nā hua ʻōlelo pono, i nā ʻōlelo a ko kākou Haku a Iesū Kristo, a me ke aʻo ʻana aku ma muli o ka manaʻo maikaʻi i ke Akua;

ʻO KA ʻEPISETOLE A PAULO IĀ TITO 3:14

E aho hoʻi e aʻo ko kākou poʻe e hana mau i nā hana maikaʻi, i nā mea e pono ai, i lilo ʻole lākou i mea hua ʻole.

ʻO KA ʻEPISETOLE HOʻOLAHA MUA A PETERO 2:12

A e noho pono hoʻi ʻoukou, i waena o ko nā ʻāina ʻē; i hoʻonani aku ai lākou i ke Akua, ke hiki mai ka lā o ka ʻike ʻana mai, no ko lākou ʻike ʻana i kā ʻoukou hana maikaʻi, ma ka mea a lākou e ʻōhumu nei iā ʻoukou, me he poʻe hana hewa lā.

ʻO KA ʻEPISETOLE HOʻOLAHA MUA A PETERO 2:15

No ka mea, pēlā ko ke Akua makemake, ma ka hana maikaʻi ʻana, e pili pū ai iā ʻoukou ka naʻaupō o ka poʻe ʻike ʻole.

ʻO KA ʻEPISETOLE HOʻOLAHA MUA A PETERO 3:16

E ao hoʻi, i hala ʻole ka manaʻo; i hilahila ka poʻe hakuʻepa i ko ʻoukou noho pono ʻana i loko o Kristo, no kā lākou ʻōlelo hewa ʻana iā ʻoukou, me he poʻe hewa lā.