ʻO KA ʻEPISETOLE A PAULO IĀ TITO 2:6 - Ka Baibala Hemolele

⁶ A hoʻoikaika aku hoʻi ʻoe i nā kānaka hou e hoʻonaʻau pono.

ʻO KA ʻEPISETOLE A PAULO IĀ TITO 2:6 Iomraidhean Croise

KA BUKE NO IOBA 29:8

“ʻIke mai ka poʻe kānaka ʻōpio iaʻu, a peʻe ihola; A ʻo ka poʻe kahiko, ala mai lākou a kū i luna.

KA BUKE O NĀ HALELŪ 148:12

Nā kānaka ʻōpiopio, a me nā kaikamāhine; Ka poʻe kahiko, a me nā keiki;

KE KAHUNA 11:9

E ke kanaka uʻi, e ʻoliʻoli ʻoe i kou wā uʻi, a e hoʻohauʻoli kou naʻau iā ʻoe iho i kou mau lā ʻōpiopio, a e hele ma nā ʻaoʻao o kou naʻau iho, a ma ka ʻike ʻana o kou mau maka; akā hoʻi, e ʻike pono ʻoe, e hoʻokomo ana ke Akua iā ʻoe i loko o ka hoʻokolokolo ʻia, no kēia mau mea a pau.

KE KAHUNA 12:1

¶ E hoʻomanaʻo ʻoe i kou Mea nāna i hana, i nā lā o kou noho ʻōpiopio ʻana; ʻoi hiki ʻole mai nā lā ʻino, a hoʻokokoke ʻole ʻia mai nā makahiki āu e ʻōlelo ai, “ʻAʻole oʻu ʻoluʻolu i kēia mau mea”;

IOʻELA 2:28

¶ “A i ka wā ma hope, e ninini aku au i kuʻu ʻUhane ma luna o nā kānaka a pau; A e wānana nā keiki kāne a ʻoukou, a me nā kaikamāhine a ʻoukou, A e moe ko ʻoukou poʻe ʻelemākule i nā moeʻuhane, E ʻike ko ʻoukou poʻe kānaka ʻōpio i nā hihiʻo;

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:6

Mai hiamoe hoʻi kākou e like me kekahi poʻe; akā, e kiaʻi kākou me ke kūoʻo.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:1

¶ Mai pāpā ikaika i ke kanaka kahiko; akā, e aʻo pono aku iā ia, me he makua kāne lā; a i ka poʻe uʻi hoʻi me he mau hoahānau lā;

ʻO KA ʻEPISETOLE HOʻOLAHA MUA A PETERO 5:5

ʻO ʻoukou, e ka poʻe ʻōpiopio, e noho pono ʻoukou ma lalo o nā lunakahiko. ʻO ʻoukou hoʻi a pau, e noho pono ʻoukou, kekahi ma lalo iho o kekahi, a e hoʻouhi ʻia ʻoukou i ka manaʻo hoʻohaʻahaʻa; no ka mea, «ua kūʻē ke Akua i ka poʻe hoʻokiʻekiʻe; akā, ke lokomaikaʻi nei ʻo ia» i ka poʻe hoʻohaʻahaʻa.

ʻO KA ʻEPISETOLE HOʻOLAHA MUA A IOANE 2:13

E nā mākua kāne, ke palapala aku nei au iā ʻoukou; no ka mea, ua ʻike aku ʻoukou iā ia mai kinohi mai. Ke palapala aku nei au iā ʻoukou, e nā kānaka uʻi; no ka mea, ua lanakila ʻoukou ma luna o ka hewa. E nā keiki, ke palapala aku nei au iā ʻoukou; no ka mea, ua ʻike ʻoukou i ka Makua.