ʻO KA ʻEPISETOLE A PAULO IĀ TITO 2:11 - Ka Baibala Hemolele

¹¹ No ka mea, ua ʻikea mai ko ke Akua aloha e ola ai e nā kānaka a pau,

ʻO KA ʻEPISETOLE A PAULO IĀ TITO 2:11 Iomraidhean Croise

KA BUKE O NĀ HALELŪ 67:2

I ʻike ʻia kou ʻaoʻao ma ka honua, A me kou hoʻōla ʻana ma nā lāhui kanaka a pau.

KA BUKE O NĀ HALELŪ 84:11

No ka mea, ʻo Iēhova, ke Akua, he lā nō ia, a he pale kaua; E hāʻawi mai nō ʻo Iēhova i ka lokomaikaʻi, a me ka hanohano; ʻAʻole ia e ʻauʻa i kekahi mea maikaʻi i ka poʻe hele ma ka pololei.

KA BUKE O NĀ HALELŪ 96:10

E ʻōlelo aʻe ʻoukou ma waena o ko nā ʻāina ʻē, “Ke noho aupuni nei ʻo Iēhova; Ua hoʻokumupaʻa ʻia kēia ao, i ʻole ia e hoʻonāueue ʻia; Nāna nō hoʻi e hoʻopaʻi mai i nā lāhui kanaka ma ka pololei.”

KA WĀNANA A ʻISAIA 45:22

“E hāliu mai ʻoukou iaʻu a e hoʻōla ʻia nō ʻoukou, E nā kūkulu o ka honua; No ka mea, ʻo wau nō ke Akua, ʻaʻohe mea ʻē aʻe.

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A ʻISAIA 52:10

Ua hōʻike ʻo Iēhova i kona lima hemolele i mua o nā maka o nā lāhui kanaka a pau; A e ʻike auaneʻi nā kūkulu a pau o ka honua i ka hoʻōla ʻana o ko kākou Akua.

ZEKARIA 12:10

¶ “A e ninini iho au ma luna o ka ʻohana a Dāvida, a ma luna o nā kānaka o Ierusalema, i ka ʻUhane o ke aloha a me ka pule; a e nānā mai lākou iaʻu i ka mea a lākou i hou mai ai, a e kanikau lākou nona, e like me ke kanikau ʻana i ke keiki ponoʻī, a e ʻehaʻeha loa lākou nona, e like me ka ʻehaʻeha ʻana o kekahi i kāna keiki hānau kahi.

ZEKARIA 4:7

‘He aha ʻoe, e ka mauna nui? I mua o Zerubabela, he pāpū; a e lawe mai auaneʻi ʻo ia i ka pōhaku kumu, me ka hoʻokani ʻoliʻoli ʻana, “He aloha! He aloha iā ia!”’”

KA ʻEUANELIO I KĀKAU ʻIA AI E MATAIO 28:19

“E hele aʻe ʻoukou e hoʻohaumāna aku i nā lāhui kanaka a pau, e bapetizo ana iā lākou i loko o ka inoa o ka Makua, a ʻo ke Keiki, a ʻo ka ʻUhane Hemolele;

KA ʻEUANELIO I KĀKAU ʻIA AI E MAREKO 16:15

ʻĪ maila ʻo ia iā lākou, “E hele aku ʻoukou i nā ʻāina a pau, e haʻi aku i ka ʻeuanelio i nā kānaka a pau.

KA ʻEUANELIO I KĀKAU ʻIA AI E LUKA 24:47

a e haʻi ʻia aku hoʻi ka mihi a me ke kala ʻana i ka hala ma kona inoa ma waena o nā lāhui kanaka a pau, e hoʻomaka ana ma Ierusalema.

KA ʻEUANELIO I KĀKAU ʻIA AI E LUKA 3:6

A e ʻike nā kānaka a pau i ka hoʻōla a ke Akua».’”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 1:9

¶ ʻO ka mālamalama ʻiʻo ia, ka mea nāna e hoʻomālamalama nā kānaka a pau e hele mai ana i ke ao nei.

NĀ ʻOIHANA A KA POʻE LUNAʻŌLELO 11:23

A hiki aʻela ia, a ʻike aʻela i ka hoʻomaikaʻi ʻia e ke Akua, ʻoliʻoli ihola ia, a hoʻoikaika maila ʻo ia iā lākou a pau, e hoʻopili lākou i ka Haku me ka manaʻo ikaika o ka naʻau.

NĀ ʻOIHANA A KA POʻE LUNAʻŌLELO 13:43

A i ka hoʻi ʻana o ko ka hale hālāwai, he nui loa ka poʻe Iudaio, a me ka poʻe haipule i huli mua i hahai aku iā Paulo, lāua me Barenaba; na lāua nō i ʻōlelo mai iā lākou, a hoʻoikaika mai iā lākou e kūpaʻa ma ka maikaʻi o ke Akua.

NĀ ʻOIHANA A KA POʻE LUNAʻŌLELO 13:47

“No ka mea, pēlā ka Haku i kauoha mai ai iā mākou, ‘«Ua hoʻonoho wau iā ʻoe i mālamalama no ko nā ʻāina ʻē, I lilo ʻoe i mea e ola ai a hiki i nā kūkulu o ka honua».’”

NĀ ʻOIHANA A KA POʻE LUNAʻŌLELO 17:30

“Hoʻomanawanui maila ke Akua i nā wā o kēia naʻaupō ʻana; akā, i kēia manawa, ke kauoha mai nei ia i kānaka a pau ma nā wahi a pau loa, e mihi.

NĀ ʻOIHANA A KA POʻE LUNAʻŌLELO 20:24

“ʻAʻole hoʻi au e manaʻo i kēia mau mea, ʻaʻole nō hoʻi e manaʻo wau he mea makemake noʻu kuʻu ola nei, i hoʻopau wau i koʻu hele ʻana me ka ʻoliʻoli, a me ka ʻoihana i loaʻa mai iaʻu na ka Haku mai, na Iesū; i hōʻike aku nō hoʻi au i ka ʻeuanelio o ka lokomaikaʻi o ke Akua.

ʻO KA ʻEPISETOLE A PAULO KA LUNAʻŌLELO I KO ROMA 10:18

A ke nīnau nei au, ʻaʻole anei lākou i lohe? ʻOiaʻiʻo: “«Ua kuʻi akula ko lākou leo i nā ʻāina a pau, A, ʻo kā lākou mau ʻōlelo i nā palena o ka honua».”

ʻO KA ʻEPISETOLE A PAULO KA LUNAʻŌLELO I KO ROMA 5:15

Akā, ʻaʻole e like me ka hala ka lokomaikaʻi ʻana mai. No ka mea, inā ma ka hala o ka mea hoʻokahi, i make ai ka poʻe he lehulehu, ʻoiaʻiʻo hoʻi, ua nui mai ka lokomaikaʻi mai o ke Akua, i ka poʻe he lehulehu a me ka makana i hāʻawi lokomaikaʻi mai ma ke Kanaka hoʻokahi, ma o Iesū Kristo lā.

ʻO KA ʻEPISETOLE A PAULO KA LUNAʻŌLELO I KO ROMA 5:2

ma ona lā hoʻi i loaʻa mai ai iā kākou ka hoʻokipa ʻia ma ka manaʻoʻiʻo, i loko o kēia hoʻopōmaikaʻi ʻia, kahi e kū nei kākou, a e hauʻoli hoʻi me ka manaʻolana i ka nani o ke Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:1

¶ A ʻo mākou nā hoa hana, ke noi aku nei hoʻi mākou, mai lawe makehewa ʻoukou i ka lokomaikaʻi o ke Akua.

ʻO KA ʻEPISETOLE A PAULO KA LUNAʻŌLELO I KO GALATIA 2:21

“ʻAʻole au e hoʻolilo i ka lokomaikaʻi o ke Akua i mea ʻole; no ka mea, inā ma ke Kānāwai ka pono, inā ua ʻano ʻole ko Kristo make ʻana.”

ʻO KA ʻEPISETOLE A PAULO KA LUNAʻŌLELO I KO ʻEPESO 2:5

i ko kākou wā make i nā hala, ua hoʻōla mai ʻo ia iā kākou pū me Kristo, (ma ka lokomaikaʻi ʻoukou e ola ai);

ʻO KA ʻEPISETOLE A PAULO KA LUNAʻŌLELO I KO ʻEPESO 2:8

No ka mea, e hoʻōla ʻia ʻoukou i ka lokomaikaʻi ma ka manaʻoʻiʻo; ʻaʻole hoʻi no ʻoukou iho kēia; he mea hāʻawi ʻia mai ia e ke Akua;

ʻO KA ʻEPISETOLE A PAULO KA LUNAʻŌLELO I KO KOLOSA 1:23

ke noho mau aku ʻoukou ma ka manaʻoʻiʻo, i hoʻokumu ʻia ʻoukou me ka hoʻopaʻa ʻia, ke hoʻoneʻe ʻole ʻia aku hoʻi mai ka manaʻolana aku o ka ʻeuanelio a ʻoukou i lohe ai, ka mea i haʻi ʻia aku i nā mea a pau i hana ʻia ma lalo aʻe o ka lani, nona iho au ʻo Paulo i hoʻolilo ʻia aʻe nei i luna lawehana.

ʻO KA ʻEPISETOLE A PAULO KA LUNAʻŌLELO I KO KOLOSA 1:6

i hiki mai i o ʻoukou lā e like me ia ma ka honua a pau; a ua hua mai hoʻi i ka hua, me ia hoʻi i waena o ʻoukou, mai ka lā i lohe ai ʻoukou, a i ʻike ai hoʻi i ke aloha o ke Akua, ma ka ʻoiaʻiʻo.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:16

¶ Eia hoʻi, na ko kākou Haku ʻo Iesū Kristo a me ke Akua ko kākou Makua, ka Mea i aloha mai iā kākou, a i hāʻawi wale mai hoʻi iā kākou i ka ʻoluʻolu mau loa, a me ka manaʻolana maikaʻi, ma ka lokomaikaʻi ʻia mai,

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:14

A ua māhuahua nui maila ke aloha wale mai o ko kākou Haku me ka manaʻoʻiʻo, a me ke aloha aku i loko o Kristo Iesū.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 2:4

nona ka makemake e ola nā kānaka a pau, a e hōʻoiaʻiʻo hoʻi i ka ʻōlelo ʻoiaʻiʻo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 1:10

a ua hoʻākāka ʻia mai ia i kēia manawa ma ka ʻikea ʻana mai o ko kākou Ola ʻo Iesū Kristo, ka Mea i kinai i ka make, a i hoʻomōakāka mai hoʻi i ke ola a me ka make ʻole, ma ka ʻeuanelio;

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:17

Akā hoʻi, ʻo ka Haku kai kū mai me aʻu; a ua kōkua mai hoʻi iaʻu, i hōʻoiaʻiʻo nui ʻia aku ma oʻu lā ka haʻi ʻana aku o kāna ʻōlelo, i lohe mai nō hoʻi nā lāhui kanaka a pau; a ua hoʻopakele ʻia mai hoʻi au i ka waha o ka liona.

ʻO KA ʻEPISETOLE A PAULO KA LUNAʻŌLELO I KO HEBERA 12:15

E mālama hoʻi ʻoukou o loaʻa ʻole mai i kekahi ka hoʻomaikaʻi ʻia mai e ke Akua, o kupu mai hoʻi kekahi mole ʻawaʻawa i waena o ʻoukou e hihia ai ʻoukou, a e haumia ai hoʻi kekahi poʻe he nui nō;

ʻO KA ʻEPISETOLE A PAULO KA LUNAʻŌLELO I KO HEBERA 2:9

Akā, ua ʻike kākou iā Iesū i ka Mea i hoʻolilo ʻia ma lalo iki iho o ka poʻe ʻānela, no ka make ʻana, i hoʻolei ʻia mai ai i ka nani a me ka mahalo; i lilo hoʻi ia i ka make no nā kānaka a pau, ma ka lokomaikaʻi o ke Akua.