ʻO KA ʻEPISETOLE A PAULO IĀ TITO 1:16 - Ka Baibala Hemolele

¹⁶ Ua hōʻoiaʻiʻo ko lākou waha i ko lākou ʻike ʻana i ke Akua; akā, ma ka hana ʻana ua hōʻole lākou, he poʻe e hoʻowahāwahā ʻia, he hoʻolohe ʻole, he kū ʻole i nā hana maikaʻi a pau.

ʻO KA ʻEPISETOLE A PAULO IĀ TITO 1:16 Iomraidhean Croise

KA BUKE NO IOBA 15:16

“He ʻoiaʻiʻo hoʻi, ua hoʻopailua ʻia, a ua haumia hoʻi ke kanaka, Ka mea e inu ana i ka hewa me he wai lā?

NĀ ʻŌLELO AKAMAI A SOLOMONA 30:12

ʻO kekahi hanauna hoʻi, he maʻemaʻe ia i ko lākou maka iho, ʻAʻole hoʻi i holoi ʻia ka paumāʻele.

KA WĀNANA A ʻISAIA 29:13

¶ No laila i ʻōlelo mai ai ka Haku, “No ka hoʻokokoke ʻana mai o kēia poʻe kānaka iaʻu me ko lākou waha, A hoʻomaikaʻi mai iaʻu ma ko lākou lehelehe, A ua mamao aku ko lākou naʻau mai oʻu aku nei, A ma muli o ke kauoha a kānaka lākou e aʻo ai i ka makaʻu iaʻu;

KA WĀNANA A ʻISAIA 48:1

¶ “E hoʻolohe ʻoukou i kēia, e ko ka hale o Iakoba, Ka poʻe i kapa ʻia ma ka inoa o kā ʻIseraʻela, Ka poʻe hoʻi i laha mai, mai nā wai o Iuda mai; Ka poʻe hoʻohiki ma ka inoa ʻo Iēhova, Ka poʻe hoʻokaulana i ke Akua o kā ʻIseraʻela, ʻAʻole naʻe me ka ʻoiaʻiʻo, ʻaʻole me ka pono.

KA WĀNANA A ʻISAIA 58:2

“Akā, ʻimi nō lākou iaʻu i kēlā lā i kēia lā, A ʻoliʻoli lākou i ka ʻike ʻana i koʻu mau ʻaoʻao, Me he lāhui kanaka lā i hana i ka pono, A haʻalele ʻole i ke kānāwai o ko lākou Akua. Nīnau mai nō lākou iaʻu i ka hoʻoponopono pololei ʻana, A ʻoliʻoli lākou i ka hoʻokokoke ʻana i ke Akua.

KA WĀNANA A ʻISAIA 59:13

I ke kipi ʻana, a i ka hōʻole ʻana iā Iēhova, I ka huli ʻana hoʻi, mai ka hahai ʻana i ko mākou Akua, E kamaʻilio ana i ka ʻālunu, a me ka hoʻi hope, E manaʻo ana a e haʻi ana hoʻi, mai loko aku o ka naʻau i nā ʻōlelo wahaheʻe.

KA WĀNANA A IEREMIA 12:2

Ua kanu nō ʻoe iā lākou, ʻo ia, ua kolo ko lākou aʻa; Ke ulu nei nō lākou, ʻo ia, ke hua mai nei lākou i ka hua; Ua kokoke nō ʻoe i ko lākou waha, Ua lōʻihi aku naʻe mai ko lākou naʻau aku.

KA WĀNANA A IEREMIA 5:2

“A inā paha lākou e ʻōlelo, ‘Ke ola lā nō Iēhova’; Ma laila nō lākou i hoʻohiki wahaheʻe ai.”

KA WĀNANA A IEREMIA 6:30

E kapa ʻia nō lākou, he kālā i haʻalele ʻia; No ka mea, ua haʻalele ʻo Iēhova iā lākou.

KA WĀNANA A ʻEZEKIʻELA 33:31

“A ua hele lākou i ou lā, e like me ka hele ʻana o kānaka, a ua noho lākou i mua ou e like me koʻu poʻe kānaka, a ua lohe lākou i kāu mau ʻōlelo, ʻaʻole hoʻi lākou e mālama aku ia; no ka mea, me ko lākou waha, ua hōʻike lākou i ke aloha nui; akā, me ko lākou naʻau, ua hahai lākou ma muli o ko lākou makeʻe waiwai.

KA BUKE ʻAHĀ A MOSE, I KAPA ʻIA NĀ HELU 24:16

“Ka wānana a ka mea i lohe i ka ʻōlelo a ke Akua, A ka mea ʻike i ka mea ʻikea o ka Mea Kiʻekiʻe, A ka mea nānā i ka mea ʻikea o ka Mea Mana Loa, E moe iho ana, a e kaʻakaʻa ana kona mau maka.

ʻO KA ʻEPISETOLE A PAULO KA LUNAʻŌLELO I KO ROMA 1:28

¶ A no ko lākou makemake ʻole e hoʻopaʻa i ke Akua ma ko lākou ʻike, kuʻu ihola ke Akua iā lākou i ka naʻau hewa, e hana aku lākou i nā mea kū ʻole i ka pono;

ʻO KA ʻEPISETOLE A PAULO KA LUNAʻŌLELO I KO ʻEPESO 5:6

E ao o hoʻopunipuni mai kekahi iā ʻoukou i nā ʻōlelo wahaheʻe; no kēia mau mea e hiki mai ana ka inaina o ke Akua ma luna o nā keiki hoʻolohe ʻole.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:9

me ka ʻike hoʻi, ʻaʻole i kau ʻia ke kānāwai no ke kanaka hoʻopono; akā, no ka poʻe pono ʻole, ka poʻe hoʻolohe ʻole, ka poʻe ʻaiā, ka poʻe hewa, ka poʻe haihaiā, ka poʻe hōʻino, ka poʻe pepehi makua kāne, ka poʻe pepehi makuahine, ka poʻe pepehi kanaka,

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:8

A i hoʻolako ʻole kekahi i kona a me ko ka hale ponoʻī ona iho nō hoʻi, ua hōʻole ia i ka manaʻoʻiʻo, a ua ʻoi aku kona hewa i ko ka mea manaʻoʻiʻo ʻole.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:17

i hemolele ai ke kanaka o ke Akua, i mākaukau leʻa ai hoʻi i nā hana maikaʻi a pau.

ʻO KA ʻEPISETOLE A PAULO IĀ TITO 3:1

¶ E paipai aku iā lākou e hoʻolohe i nā mōʻī a me nā aliʻi, a e mālama hoʻi i nā luna, a e noho mākaukau i nā hana maikaʻi a pau;

ʻO KA ʻEPISETOLE A PAULO IĀ TITO 3:3

No ka mea, ʻo kākou kekahi i naʻaupō i kekahi manawa, i hoʻokuli hoʻi, i ʻauana hoʻi, e hoʻokauā ana ma muli o kēlā kuko a ʻo kēia kuko, ʻo kēlā leʻaleʻa a ʻo kēia leʻaleʻa, e noho ana me ka huhū, a me ka huā, i hoʻowahāwahā ʻia, a e hoʻowahāwahā ana kekahi i kekahi.

ʻO KA ʻEPISETOLE HOʻOLAHA MUA A IOANE 2:4

ʻO ka mea e ʻōlelo ana, “Ua ʻike nō au iā ia,” a mālama ʻole ʻo ia i kāna mau kauoha, he mea wahaheʻe ia, ʻaʻole he ʻoiaʻiʻo i loko ona.

ʻO KA ʻEPISETOLE HOʻOLAHA A IUDA 1:4

No ka mea, ua komo maopopo ʻole mai kekahi poʻe kānaka i hoʻohewa mua ʻia mai ma kēia hoʻopaʻi ʻana, he poʻe ʻaiā, e hoʻolilo ana i ke aloha o ko kākou Akua i mea makaleho wale; a e hōʻole aku ana hoʻi i ke Akua i ke Aliʻi hoʻokahi, i ko kākou Haku iā Iesū Kristo.

KA HŌʻIKE ʻANA A IOANE KA HAIPULE 21:27

ʻAʻole hoʻi e komo aku i loko o ia wahi, kekahi mea haumia, ʻaʻole he mea e hana ma ka ʻino, a me ka wahaheʻe; ʻo ka poʻe wale nō i palapala ʻia i loko o ka Buke o ke Ola a ke Keiki Hipa.

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA BUKE MUA A SAMUʻELA 15:22

ʻĪ akula ʻo Samuʻela, “Ua like anei ka ʻoluʻolu o Iēhova i nā mōhai kuni, a i nā ʻālana, Me ka hoʻolohe ʻana i ka leo o Iēhova? Aia hoʻi, ua ʻoi aku ka pono o ka hoʻolohe ʻana, ma mua o ka mōhai, A ʻo ka maliu ʻana, ma mua o ka momona o nā hipa kāne.

KA BUKE MUA A SAMUʻELA 15:24

¶ ʻĪ maila ʻo Saula iā Samuʻela, “Ua hewa au; no ka mea, ua mālama ʻole au i ke kauoha a Iēhova, a me kāu mau ʻōlelo, no kuʻu makaʻu ʻana i nā kānaka, a ua hoʻolohe au i ko lākou leo.