ʻO KA ʻEPISETOLE A PAULO KA LUNAʻŌLELO I KO ROMA 9:4 - Ka Baibala Hemolele

⁴ He poʻe ʻIseraʻela lākou, iā lākou ka hoʻokama ʻia, a me ka nani, a me nā berita, a me ka hāʻawi ʻana mai i ke kānāwai, a me ka hoʻomana, a me nā ʻōlelo pōmaikaʻi;

ʻO KA ʻEPISETOLE A PAULO KA LUNAʻŌLELO I KO ROMA 9:4 Iomraidhean Croise

KA BUKE MUA A MOSE, I KAPA ʻIA KINOHI 15:18

Ia lā nō, hoʻopaʻa ihola ʻo ia i berita me ʻAberama, i ka ʻī ʻana mai, “Ua hāʻawi aku nō wau i kēia ʻāina no kāu poʻe mamo, Mai ka muliwai o ʻAigupita a hiki aku i ka muliwai nui, ka muliwai ʻo ʻEuperate:

KA BUKE MUA A MOSE, I KAPA ʻIA KINOHI 17:10

“Eia kaʻu berita e mālama ai ʻoukou ma waena oʻu a ʻo ʻoukou, a me kāu poʻe mamo ma hope ou; e ʻoki poepoe ʻia nā keiki kāne a pau o ʻoukou.

KA BUKE MUA A MOSE, I KAPA ʻIA KINOHI 17:2

“A e hoʻopaʻa auaneʻi au i kaʻu berita ma waena oʻu a ou; A e hoʻomāhuahua aku au iā ʻoe a nui loa.”

KA BUKE MUA A MOSE, I KAPA ʻIA KINOHI 17:7

“A e hoʻopaʻa nō hoʻi au i kaʻu berita ma waena oʻu a ou, a me kāu poʻe mamo ma hope ou ma nā hanauna o lākou, i berita mau loa, i Akua nō au nou, a no kāu poʻe mamo ma hope ou.

KA BUKE MUA A MOSE, I KAPA ʻIA KINOHI 32:28

ʻĪ maila kēlā, “ʻAʻole e hea hou ʻia kou inoa, ʻo Iakoba; akā, ʻo ʻIseraʻela; no ka mea, he ikaika kou i mua o ke Akua; a e lanakila hoʻi ʻoe ma luna o nā kānaka.”

KA BUKE MUA NO NĀ ALIʻI 8:11

ʻaʻole i hiki i nā kāhuna ke kū e lawelawe, no ke ao; no ka mea, ua piha ko Iēhova hale i ka nani o Iēhova.

KA BUKE A NEHEMIA 13:29

E hoʻomanaʻo mai ʻoe iā lākou, e koʻu Akua, no ko lākou hoʻohaumia ʻana i ka ʻoihana kahuna, a me ka berita o ka ʻoihana kahuna, a ʻo nā Levi.

KA BUKE O NĀ HALELŪ 147:19

Hōʻike mai nō ʻo ia i kāna ʻōlelo i kā Iakoba, I kāna mau ʻōlelo paʻa hoʻi, a me kāna hoʻoponopono ʻana i kā ʻIseraʻela.

KA BUKE O NĀ HALELŪ 63:2

I ʻike au i kou mana a me kou nani, Me aʻu i ʻike ai iā ʻoe ma loko o kahi hoʻāno.

KA BUKE O NĀ HALELŪ 73:1

¶ ʻOiaʻiʻo, he lokomaikaʻi ke Akua iā ʻIseraʻela, I ka poʻe naʻau maʻemaʻe!

KA BUKE O NĀ HALELŪ 78:61

A hāʻawi nō hoʻi i kona mea hanohano i ke pio ʻana, A me kona mea nani i loko o ka lima o ka ʻenemi.

KA BUKE O NĀ HALELŪ 89:3

“Ua hana au i berita me kou poʻe i wae ʻia, Ua hoʻohiki aku au no Dāvida, kaʻu kauā,

KA BUKE O NĀ HALELŪ 89:34

“ʻAʻole au e ʻaʻe ma luna o kaʻu berita, ʻAʻole hoʻi e hoʻololi i ka ʻōlelo i puka aku ma koʻu lehelehe.

KA BUKE O NĀ HALELŪ 90:16

E hōʻike mai ʻoe i kāu hana i kāu poʻe kauā, A me kou hanohano hoʻi i kā lākou poʻe keiki.

KA BUKE ʻALUA A MOSE, I KAPA ʻIA PUKA ʻANA 12:25

“A hiki aku ʻoukou i ka ʻāina a Iēhova e hāʻawi mai ai no ʻoukou, e like me kāna i ʻōlelo mai ai, a laila e mālama ʻoukou i kēia ʻoihana.

KA BUKE ʻALUA A MOSE, I KAPA ʻIA PUKA ʻANA 34:27

¶ ʻĪ maila ʻo Iēhova iā Mose, “E palapala ʻoe i kēia mau ʻōlelo; no ka mea, ma ke ʻano o kēia mau ʻōlelo kaʻu i hana aku ai i berita me ʻoe, a me kā ʻIseraʻela.”

KA BUKE ʻALUA A MOSE, I KAPA ʻIA PUKA ʻANA 4:22

“E ʻōlelo aku ʻoe iā Paraʻo, ‘Ke ʻī mai nei ʻo Iēhova penei, “ʻO ʻIseraʻela nō kaʻu keiki kāne, ʻo kaʻu hiapo hoʻi.”’

KA BUKE ʻALUA A MOSE, I KAPA ʻIA PUKA ʻANA 40:34

¶ A laila, uhi maila ke ao i ka hale lole o ke anaina kanaka, a hoʻopiha maila ka nani o Iēhova i ka halelewa.

KA WĀNANA A ʻISAIA 41:8

“Akā, ʻo ʻoe, e ʻIseraʻela, kaʻu kauā, ʻO Iakoba, ka mea aʻu i wae ai, Ka pua a ʻAberahama, koʻu hoaaloha,

KA WĀNANA A ʻISAIA 46:3

¶ “E hoʻolohe mai ʻoukou iaʻu, e ko ka hale o Iakoba, A me ke koena a pau o ko ka hale o kā ʻIseraʻela, Ka poʻe i lawe ʻia e aʻu mai ka ʻōpū mai, A kaʻikaʻi ʻia hoʻi mai ka hānau ʻana mai.

KA WĀNANA A ʻISAIA 5:2

Kōhi ihola ia a puni i nā mākālua, A hoʻolei akula i nā pōhaku ona, A ma laila ia i kanu ai i kumu waina maikaʻi, A kūkulu nō hoʻi i hale kiaʻi ma loko, A kālai ihola i lua kaomi waina ma laila; A kakali ihola no ka hua ʻana mai i hua waina, Akā, hua maila ia i ka haʻakea.

KA WĀNANA A ʻISAIA 60:19

“ʻO ka lā, ʻaʻole ia ʻo kou mālamalama hou aku ma ke ao, ʻAʻole hoʻi e hoʻomālamalama mai ka mahina iā ʻoe, no ka ʻālohilohi; Akā, ʻo Iēhova auaneʻi kou mālamalama mau loa, A ʻo kou Akua hoʻi kou hanohano.

KA WĀNANA A IEREMIA 31:20

“ʻO ʻEperaima anei kaʻu keiki aloha? He keiki anei ia e ʻoliʻoli ai? No ka mea, mai ka wā mai o kaʻu ʻōlelo kūʻē ʻana iā ia, He ʻoiaʻiʻo, ke hoʻomanaʻo mau nei au iā ia; No laila, e haʻehaʻe nei koʻu ʻōpū nona; He ʻoiaʻiʻo nō e lokomaikaʻi aku nō wau iā ia, wahi a Iēhova.

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 31:9

“E hele mai nō lākou me ka uē, Iā lākou e pule ai, e alakaʻi nō wau iā lākou; E hoʻohele nō wau iā lākou ma nā kahawai, Ma ke ala pololei; ʻaʻole lākou e kūlanalana ma laila; No ka mea, he Makua nō wau no kā ʻIseraʻela, A ʻo ʻEperaima kaʻu hiapo.”

KA WĀNANA A ʻEZEKIʻELA 1:28

E like me ke ʻano o ke ānuenue i loko o ke ao i ka lā ua, pēlā ke ʻano o ka ʻōlinolino a puni i ka nānā aku. ʻO ia ka mea ʻike ʻia o ke ʻano o ka nani o Iēhova. A ʻike au, moe ihola au i lalo ke alo, a lohe au i ka leo o kekahi e ʻōlelo ana.

HOSEA 11:1

¶ I ko ʻIseraʻela wā kamaliʻi, a laila, ua aloha aku au iā ia, A kāhea aku au i kuʻu keiki e hele mai ʻAigupita mai.

KA BUKE ʻAHĀ A MOSE, I KAPA ʻIA NĀ HELU 7:89

¶ A i ko Mose komo ʻana i loko o ka halelewa o ke anaina e ʻōlelo aku iā ia, a laila lohe aʻela ia i ka leo e ʻōlelo mai ana iā ia mai luna mai o ka noho aloha, ʻo ka mea ma luna o ka pahu Kānāwai, ma waena o nā keruba ʻelua; a ʻī maila ʻo ia iā ia.

KA ʻEUANELIO I KĀKAU ʻIA AI E MATAIO 21:33

¶ “E hoʻolohe mai ʻoukou i kekahi ʻōlelo nane hou. «Kanu ihola kekahi mea hale i ka māla waina, hana ihola ia i pā a puni, ʻeli ihola i wahi kaomi waina i loko o laila, kūkulu ihola i hale kiaʻi», hāʻawi akula ia wahi i nā hoaʻāina, a hele akula ia i ka ʻāina ʻē.

KA ʻEUANELIO I KĀKAU ʻIA AI E IOANE 1:17

Ua hāʻawi ʻia mai ke Kānāwai ma o Mose lā; akā, ʻo ka lokomaikaʻi a me ka ʻoiaʻiʻo ma o Iesū Kristo lā ia.

KA ʻEUANELIO I KĀKAU ʻIA AI E IOANE 1:47

ʻIke aʻela ʻo Iesū iā Natanaʻela e hele mai ana i ona lā, e ʻōlelo maila ia nona, “E nānā i kā ʻIseraʻela ʻoiaʻiʻo, ʻaʻole he hoʻopunipuni i loko ona!”

NĀ ʻOIHANA A KA POʻE LUNAʻŌLELO 2:39

“No ka mea, no ʻoukou ka ʻōlelo hoʻolana, a no kā ʻoukou poʻe keiki, a no ka poʻe i kahi mamao aku, a no nā mea a pau a ka Haku, a ko kākou Akua e hea mai ai.”

ʻO KA ʻEPISETOLE A PAULO KA LUNAʻŌLELO I KO ROMA 3:2

He nui nō ma kēlā mea, ma kēia mea; eia hoʻi ka mua, ua hāʻawi ʻia mai iā lākou nā kānāwai o ke Akua.

ʻO KA ʻEPISETOLE A PAULO KA LUNAʻŌLELO I KO ROMA 8:15

No ka mea, ʻaʻole i loaʻa iā ʻoukou ka ʻuhane o ka hoʻokauā ʻana e makaʻu hou aku ai; akā, ua loaʻa iā ʻoukou ka ʻUhane o nā keiki hoʻokama, i mea e kāhea aku ai kākou, “E ʻAba, ka Makua!”

ʻO KA ʻEPISETOLE A PAULO KA LUNAʻŌLELO I KO ROMA 9:6

¶ ʻAʻole naʻe i hāʻule wale ka ʻōlelo a ke Akua. No ka mea, ʻaʻole ka poʻe ʻIseraʻela lākou a pau na ʻIseraʻela mai;

ʻO KA ʻEPISETOLE LUA A PAULO KA LUNAʻŌLELO I KO KORINETO 11:22

He poʻe Hebera anei lākou? Pēlā nō hoʻi au; no kā ʻIseraʻela anei lākou? ʻO wau nō hoʻi; he mamo anei lākou na ʻAberahama? Pēlā hoʻi au.

ʻO KA ʻEPISETOLE A PAULO KA LUNAʻŌLELO I KO GALATIA 3:16

A ua haʻi ʻia mai nō nā ʻōlelo iā ʻAberahama a me kāna mamo. ʻAʻole ia i ʻōlelo mai no nā mamo he nui; akā, no ka mea hoʻokahi, “No kāu mamo,” ʻo ia hoʻi ʻo Kristo.

ʻO KA ʻEPISETOLE A PAULO KA LUNAʻŌLELO I KO ʻEPESO 2:12

Ia manawa, ʻaʻole ʻoukou i ʻike iā Kristo, he poʻe malihini ʻoukou i ke aupuni o kā ʻIseraʻela, a he poʻe kānaka ʻē i nā berita o ka ʻōlelo hoʻopōmaikaʻi, ʻaʻole o ʻoukou manaʻolana, a he poʻe mea Akua ʻole ma kēia ao.

KA BUKE ʻALIMA A MOSE, I KAPA ʻIA KĀNĀWAI LUA 14:1

¶ “He poʻe keiki ʻoukou na Iēhova ko ʻoukou Akua; mai ʻokiʻoki ʻoukou iā ʻoukou iho, ʻaʻole hoʻi ʻoukou e ʻako i ke oho ma waena o nā maka o ʻoukou no ka mea i make.

KA BUKE ʻALIMA A MOSE, I KAPA ʻIA KĀNĀWAI LUA 29:1

¶ ʻO ia nā ʻōlelo o ka berita a Iēhova i kauoha mai ai iā Mose e hana me nā mamo a ʻIseraʻela ma ka ʻāina ʻo Moaba, he ʻokoʻa ka berita āna i hana mai ai me lākou ma Horeba.

KA BUKE ʻALIMA A MOSE, I KAPA ʻIA KĀNĀWAI LUA 29:14

¶ “ʻAʻole me ʻoukou wale nō kaʻu e hana nei i kēia berita a me kēia hoʻohiki i kēia lā;

KA BUKE ʻALIMA A MOSE, I KAPA ʻIA KĀNĀWAI LUA 31:16

ʻŌlelo maila ʻo Iēhova iā Mose, “Aia hoʻi, e hiamoe iho ʻoe me ou poʻe kūpuna; a e kū aʻe auaneʻi kēia poʻe kānaka i luna, a e moekolohe lākou ma muli o nā akua o nā kānaka ʻē ma ka ʻāina a lākou e hele aku nei a noho i waena o lākou, a e haʻalele mai lākou iaʻu, a e uhaʻi i kaʻu berita aʻu i kauoha aku ai iā lākou.

KA BUKE ʻALIMA A MOSE, I KAPA ʻIA KĀNĀWAI LUA 4:13

“Haʻi maila nō ʻo ia iā ʻoukou i ka berita āna i kauoha mai ai iā ʻoukou e mālama, ʻo ia nā Kānāwai he ʻUmi; a kākau ihola nō ʻo ia ia mau mea ma nā papa pōhaku ʻelua.

KA BUKE ʻALIMA A MOSE, I KAPA ʻIA KĀNĀWAI LUA 7:6

¶ “No ka mea, he poʻe kānaka laʻa ʻoukou no Iēhova kou Akua; na Iēhova na kou Akua i wae mai iā ʻoukou, i poʻe kānaka ponoʻī nona, ma mua o nā kānaka a pau ma luna o ka honua.

ʻO KA ʻEPISETOLE A PAULO KA LUNAʻŌLELO I KO HEBERA 9:1

¶ He mau ʻoihana nō hoʻi kā ka berita mua, no ka hoʻomana ʻana, a me kahi hoʻāno ma ka honua.

ʻO KA ʻEPISETOLE A PAULO KA LUNAʻŌLELO I KO HEBERA 9:10

nā ʻoihana ma ke kino, ma ka mea ʻai, a me ka mea inu, a me kēlā holoi ʻana, a me kēia holoi ʻana, i kauoha ʻia mai a hiki i ka manawa e hoʻoponopono hou ʻia ai.

ʻO KA ʻEPISETOLE A PAULO KA LUNAʻŌLELO I KO HEBERA 9:3

A ma hope o ka pale lua, ka halelewa i kapa ʻia ka Hoʻāno Loa.

ʻO KA ʻEPISETOLE A PAULO KA LUNAʻŌLELO I KO HEBERA 9:5

a ma luna iho ona nā kerubima nani e hoʻomalumalu ana i ka noho aloha; ʻaʻole hiki iā mākou ke ʻōlelo maopopo loa i kēia mau mea, ʻānō.

ʻO KA ʻEPISETOLE A PAULO KA LUNAʻŌLELO I KO HEBERA 9:6

A hoʻomākaukau ʻia pēlā ua mau mea lā, ua komo mau nā kāhuna i ka halelewa mua e hoʻokō ana i nā ʻoihana.