ʻO KA ʻEPISETOLE A PAULO KA LUNAʻŌLELO I KO ROMA 8:2 - Ka Baibala Hemolele

² No ka mea, na ke kānāwai o ka ʻUhane ola i loko o Kristo Iesū wau i hoʻokuʻu, mai ke kānāwai o ka hewa a me ka make.

ʻO KA ʻEPISETOLE A PAULO KA LUNAʻŌLELO I KO ROMA 8:2 Iomraidhean Croise

KA BUKE O NĀ HALELŪ 51:12

E hoʻihoʻi mai iaʻu i ka hauʻoli no kou ola; A e kōkua mai iaʻu me kou ʻuhane lokomaikaʻi.

KA WĀNANA A ʻEZEKIʻELA 1:21

A hele kēlā mau mea, hele hoʻi kēia mau mea, a kū kēlā mau mea, kū nō hoʻi kēia mau mea; a i ka wā i kaʻikaʻi ʻia aku kēlā mau mea mai ka honua aku, a laila kaʻikaʻi pū ʻia nā huila me lākou; no ka mea, ma loko o nā huila ka ʻuhane o ka mea ola.

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

KA ʻEUANELIO I KĀKAU ʻIA AI E IOANE 4:14

“Akā, ʻo ka mea e inu i ka wai aʻu e hāʻawi aku ai iā ia, ʻaʻole loa ia e make wai hou aku; akā, ʻo ka wai aʻu e hāʻawi aku ai iā ia, e lilo ia i wai puna i loko ona e pipiʻi ana i ke ola mau loa.”

KA ʻEUANELIO I KĀKAU ʻIA AI E IOANE 6:63

“ʻO ka ʻUhane ka mea nāna e hoʻōla; ʻaʻole ke kino he mea e pono ai; ʻo ka ʻōlelo aʻu e ʻōlelo aku nei iā ʻoukou, he ʻuhane ia a me ke ola.

KA ʻEUANELIO I KĀKAU ʻIA AI E IOANE 8:32

“A e ʻike auaneʻi ʻoukou i ka ʻoiaʻiʻo, a ʻo ka ʻoiaʻiʻo e kuʻu aku iā ʻoukou.”

KA ʻEUANELIO I KĀKAU ʻIA AI E IOANE 8:36

“Inā na ke Keiki ʻoukou e hoʻonoho kaʻawale, a laila e kaʻawale ʻiʻo ʻoukou.

ʻO KA ʻEPISETOLE A PAULO KA LUNAʻŌLELO I KO ROMA 16:3

¶ E uē aku ʻoukou iā Perisekila a me ʻAkula, i nā hoahānau oʻu i loko o Kristo Iesū;

ʻO KA ʻEPISETOLE A PAULO KA LUNAʻŌLELO I KO ROMA 3:27

ʻAuhea lā hoʻi ke kaena ʻana? Ua pale ʻia aku ia. Ma ke kānāwai hea? ʻO nā hana anei? ʻAʻole; ma ke kānāwai nō hoʻi o ka manaʻoʻiʻo ʻana.

ʻO KA ʻEPISETOLE A PAULO KA LUNAʻŌLELO I KO ROMA 5:21

A, me ka hewa i lanakila ai ma ka make, pēlā hoʻi e lanakila ai ka lokomaikaʻi ma ka hoʻāpono ʻana, i mea e ola mau ai, ma o Iesū Kristo lā ko kākou Haku.

ʻO KA ʻEPISETOLE A PAULO KA LUNAʻŌLELO I KO ROMA 6:14

ʻO ia, ʻaʻole e lanakila ka hewa ma luna o ʻoukou; no ka mea, ʻaʻole ʻoukou ma lalo o ke kānāwai; akā, ma lalo nō ʻoukou o ka lokomaikaʻi.

ʻO KA ʻEPISETOLE A PAULO KA LUNAʻŌLELO I KO ROMA 6:18

A ua hoʻokaʻawale ʻia aʻe ʻoukou mai ka hewa aʻe, a ua lilo aʻe nei i poʻe kauā na ka pono.

ʻO KA ʻEPISETOLE A PAULO KA LUNAʻŌLELO I KO ROMA 6:22

ʻĀnō hoʻi, ua hoʻokaʻawale ʻia aʻe ʻoukou mai ka hewa aʻe a lilo hoʻi i mau kauā na ke Akua, ua loaʻa iā ʻoukou kā ʻoukou hua i ka pono, a ʻo ka hope, ke ola mau loa.

ʻO KA ʻEPISETOLE A PAULO KA LUNAʻŌLELO I KO ROMA 7:21

Ua loaʻa hoʻi iaʻu he kānāwai noʻu, i koʻu wā e makemake ai e hana pono, ua kokoke mai nō ka hewa.

ʻO KA ʻEPISETOLE A PAULO KA LUNAʻŌLELO I KO ROMA 7:23

akā, ua ʻike au i kekahi kānāwai i loko o koʻu mau lālā e hakakā ana me ke kānāwai o koʻu manaʻo, a e hoʻolilo ana iaʻu i pio no ke kānāwai o ka hewa i loko o koʻu mau lālā.

ʻO KA ʻEPISETOLE A PAULO KA LUNAʻŌLELO I KO ROMA 7:4

Pēlā hoʻi ʻoukou, e nā hoahānau oʻu, ua make ʻoukou i ke Kānāwai, ma ke kino o Kristo, i mare ʻia ai ʻoukou i ka mea i hoʻāla hou ʻia mai waena mai o ka poʻe make, i hoʻohua kākou i ka hua no ke Akua.

ʻO KA ʻEPISETOLE A PAULO KA LUNAʻŌLELO I KO ROMA 8:1

¶ ʻĀnō hoʻi, ʻaʻole he hoʻohewa ʻia no ka poʻe i loko o Kristo Iesū, ka poʻe hele ʻole ma muli o ke kino, ma muli nō o ka ʻUhane.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:45

Pēlā hoʻi ka palapala ʻana mai, “ʻO ke «kanaka» mua, ʻo ʻAdamu, «ua hana ʻia ʻo ia, he kanaka ola»;” a ʻo ʻAdamu hope, he ʻuhane hoʻōla ia.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:17

A ʻo ka Haku, ʻo ia ka ʻUhane; a ma kahi e noho ai ka ʻUhane o ka Haku, ua noa ia wahi.

ʻO KA ʻEPISETOLE LUA A PAULO KA LUNAʻŌLELO I KO KORINETO 3:6

ʻO ia kai hoʻomākaukau iā mākou i kāhuna no ke kauoha hou, ʻaʻole ma ke kānāwai; akā, ma ka ʻUhane; no ka mea, ke pepehi mai nei ke kānāwai, a ke hoʻōla mai nei ka ʻUhane.

ʻO KA ʻEPISETOLE A PAULO KA LUNAʻŌLELO I KO GALATIA 2:19

“A ʻo wau nei ma ke Kānāwai, ua make i ke Kānāwai, i ola aku ai au i ke Akua.

ʻO KA ʻEPISETOLE A PAULO KA LUNAʻŌLELO I KO GALATIA 5:1

¶ No ia mea, e kūpaʻa ʻoukou i loko a ke ola a Kristo i hoʻōla mai ai iā kākou, ʻaʻole hoʻi e paʻa hou ʻoukou ma lalo o ka ʻauamo hoʻoluhi.

ʻO KA ʻEPISETOLE A PAULO KA LUNAʻŌLELO I KO GALATIA 6:2

E hali kekahi o ʻoukou i nā mea kaumaha a kekahi, pēlā ʻoukou e hoʻokō ai i ke kānāwai o Kristo.

ʻO KA ʻEPISETOLE HOʻOLAHA A IAKOBO 1:25

ʻO ka mea e nānā aʻe i ke kānāwai hemolele o ke ola, a e kūpaʻa ma laila, ʻaʻole e hoʻopoina wale i kāna mea i lohe ai; akā, ua mālama nō ia i ka ʻoihana; ʻo ia ka mea e pōmaikaʻi ana i kāna hana ʻana.

KA HŌʻIKE ʻANA A IOANE KA HAIPULE 11:11

A hala nā lā ʻekolu a me ka hapa, komo ihola ka ʻuhane ola no ke Akua mai, i loko o lāua, a kū maila lāua ma ko lāua mau wāwae; a kau maila ka makaʻu nui ma luna o ka poʻe a pau i ʻike aku iā lāua.

KA HŌʻIKE ʻANA A IOANE KA HAIPULE 22:1

¶ Kuhikuhi maila ʻo ia iaʻu i ka muliwai o ka wai ola, a akāka e like me ke aniani, puka maila ia mai ka noho aliʻi mai o ke Akua a o ke Keiki Hipa.