ʻO KA ʻEPISETOLE A PAULO KA LUNAʻŌLELO I KO ROMA 5:3 - Ka Baibala Hemolele

³ ʻAʻole ia wale nō, ke hauʻoli nei nō hoʻi kākou i nā pōpilikia; ke ʻike nei, e hana ana ka pōpilikia i ke ahonui;

ʻO KA ʻEPISETOLE A PAULO KA LUNAʻŌLELO I KO ROMA 5:3 Iomraidhean Croise

HABAKUKA 3:18

E ʻoliʻoli nō au i loko o Iēhova, E hauʻoli nō au i loko o ke Akua o kuʻu ola.

KA ʻEUANELIO I KĀKAU ʻIA AI E LUKA 21:19

“Me ke ahonui e mālama ai ʻoukou i ko ʻoukou mau ʻuhane.

NĀ ʻOIHANA A KA POʻE LUNAʻŌLELO 5:41

Hele akula lākou, mai ke alo aku o ka ʻAha Luna Kānāwai me ka ʻoliʻoli; no ka mea, ua manaʻo ʻia he pono ke hōʻino ʻia mai lākou no kona inoa.

ʻO KA ʻEPISETOLE A PAULO KA LUNAʻŌLELO I KO ROMA 5:11

ʻAʻole ʻo kēia wale nō, ke hauʻoli nei nō hoʻi kākou i ke Akua ma ko kākou Haku ma Iesū Kristo, ma ka Mea i loaʻa mai ai iā lākou ka hoʻolauleʻa ʻia.

ʻO KA ʻEPISETOLE A PAULO KA LUNAʻŌLELO I KO ROMA 8:23

ʻAʻole ia wale nō, ʻo kākou hoʻi kekahi, ʻo ka poʻe i loaʻa mai ka hua mua o ka ʻUhane; ke auē nei nō hoʻi kākou i loko o kākou iho, me ke kali ʻana i ka hoʻokama ʻia, ʻo ia ka hoʻōla ʻia o ko kākou mau kino.

ʻO KA ʻEPISETOLE A PAULO KA LUNAʻŌLELO I KO ROMA 9:10

ʻAʻole hoʻi kēia wale nō; akā, ʻo Rebeka kekahi, hāpai aʻela ia na kekahi, na ʻIsaʻaka ko kākou kupuna kāne;

ʻO KA ʻEPISETOLE LUA A PAULO KA LUNAʻŌLELO I KO KORINETO 4:17

No ka mea, ʻo ko mākou hōʻino ʻuʻuku pōkole wale ʻia nō, ke hana mai nei nō ia i ka nani nui mau loa no mākou;

ʻO KA ʻEPISETOLE LUA A PAULO KA LUNAʻŌLELO I KO KORINETO 8:19

ʻAʻole kēia wale nō; akā, ua wae ʻia hoʻi ʻo ia e nā ʻekalesia i hoa hele no mākou me kēia haʻawina i lawe ʻia e mākou no ka nani o ka Haku, a me ka hōʻike ʻana aku i ko ʻoukou lokomaikaʻi.

ʻO KA ʻEPISETOLE A PAULO KA LUNAʻŌLELO I KO ʻEPESO 3:13

No laila, ke noi aku nei au e pauaho ʻole ʻoukou i kuʻu pilikia ʻana no ʻoukou, ʻo kā ʻoukou ia e pōmaikaʻi ai.

ʻO KA ʻEPISETOLE A PAULO KA LUNAʻŌLELO I KO PILIPI 1:29

No ka mea, ua hāʻawi lokomaikaʻi ʻia mai ia iā ʻoukou no Kristo, ʻaʻole ka manaʻoʻiʻo wale aku nō iā ia; akā, ʻo ka hoʻopilikia ʻia mai hoʻi nona.

ʻO KA ʻEPISETOLE HOʻOLAHA A IAKOBO 1:12

¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA MUA A PETERO 3:14

Akā, inā ʻeha ʻoukou no ka pono, ua pōmaikaʻi ʻoukou. «Mai makaʻu ʻoukou i ko lākou hoʻoweliweli ʻana, ʻaʻole hoʻi e pīhoihoi»;