ʻO KA ʻEPISETOLE A PAULO KA LUNAʻŌLELO I KO ROMA 4:18 - Ka Baibala Hemolele

¹⁸ ʻO ia ka mea, i mua o ka manaʻolana, i paulele ai me ka manaʻolana, e lilo ia i makua no nā lāhui kanaka he nui nō; e like me ka mea i ʻōlelo ʻia, “«Pēlā nō kāu poʻe mamo».”

ʻO KA ʻEPISETOLE A PAULO KA LUNAʻŌLELO I KO ROMA 4:18 Iomraidhean Croise

NĀ ʻŌLELO AKAMAI A SOLOMONA 13:12

ʻO ka manaʻolana i hoʻopaneʻe ʻia, ʻo ia ka mea e maʻule ai ka naʻau; A hiki mai ka mea i makemake ʻia, ʻo ia ka lāʻau o ke ola.

KA WĀNANA A ʻEZEKIʻELA 37:11

¶ A laila ʻōlelo maila ʻo ia iaʻu, “E ke keiki a ke kanaka, ʻo kēia poʻe iwi, ʻo ka ʻohana a pau ia a ʻIseraʻela; aia hoʻi, ke ʻōlelo nei lākou, ‘Ua maloʻo ko kākou mau iwi, a ua lilo ko kākou mea i manaʻolana ai; ua ʻoki loa ʻia aʻe nei kākou.’

KA ʻEUANELIO I KĀKAU ʻIA AI E LUKA 1:18

¶ Nīnau akula ʻo Zakaria i ka ʻānela, “Ma hea lā wau e ʻike ai ia mea? No ka mea, he kanaka kahiko wau, a he nui nō hoʻi nā makahiki o kaʻu wahine.”

NĀ ʻOIHANA A KA POʻE LUNAʻŌLELO 27:25

“No laila, e kānaka ē, e ʻoliʻoli ʻoukou; no ka mea, ke manaʻoʻiʻo aku nei au i ke Akua, e hana ʻia mai e like me ka mea i ʻōlelo ʻia mai ai iaʻu.

ʻO KA ʻEPISETOLE A PAULO KA LUNAʻŌLELO I KO ROMA 4:17

(e like me ka mea i palapala ʻia, “«Ua hoʻolilo au iā ʻoe i makua no nā lāhui kanaka he nui nō»,”) i mua o ke alo o ke Akua āna i manaʻoʻiʻo ai, ka mea i hāʻawi i ke ola no ka poʻe make, a i ʻōlelo hoʻi i nā mea i hana ʻole ʻia, me he mau mea lā i hana ʻia.

ʻO KA ʻEPISETOLE A PAULO KA LUNAʻŌLELO I KO ROMA 4:19

A i kona nāwaliwali ʻole ʻana ma ka manaʻoʻiʻo, ʻaʻole ia i manaʻo i kona kino iho me he mea make lā, i kona kokoke ʻana i ka haneri o kona mau makahiki, ʻaʻole hoʻi i ka make o ka ʻōpū o Sara;

ʻO KA ʻEPISETOLE A PAULO KA LUNAʻŌLELO I KO ROMA 5:5

a ʻo ua manaʻolana lā ʻaʻole ia i hoʻohilahila; no ka mea, ua ninini ʻia mai ke aloha i ke Akua i loko o ko kākou mau naʻau e ka ʻUhane Hemolele, i hāʻawi ʻia mai iā kākou.

ʻO KA ʻEPISETOLE A PAULO KA LUNAʻŌLELO I KO ROMA 8:24

No ka mea, ua hoʻōla ʻia kākou i loko o ka manaʻolana. A ʻo ka manaʻolana i ka mea i ʻike maka ʻia ʻaʻole ia he manaʻolana; no ka mea, ʻo ka mea a ke kanaka i ʻike maka aku ai, pehea lā ia e manaʻolana hou aku ai ma ia mea?

ʻO KA ʻEPISETOLE A PAULO KA LUNAʻŌLELO I KO HEBERA 6:19

I ko kākou mea e hoʻopili aku ai me he heleuma lā no ka ʻuhane, he paʻa, a he paneʻe ʻole, i ka mea hoʻi i komo loa aʻe i loko aʻe o ka pale;