ʻO KA ʻEPISETOLE A PAULO KA LUNAʻŌLELO I KO ROMA 3:4 - Ka Baibala Hemolele

⁴ ʻAʻole loa ia; akā, e hōʻoiaʻiʻo ʻia aku ke Akua ke hoʻopunipuni nā kānaka a pau: me ka mea i palapala ʻia, “«I hoʻāpono ʻia ai ʻoe i kāu ʻōlelo ʻana mai, A i lanakila hoʻi ʻoe i kou hoʻāhewa ʻana mai».”

ʻO KA ʻEPISETOLE A PAULO KA LUNAʻŌLELO I KO ROMA 3:4 Iomraidhean Croise

KA BUKE NO IOBA 36:3

“E lawe mai nō au i kuʻu ʻike mai kahi lōʻihi mai, A e hoʻāpono aku au i kuʻu Mea nāna i hana.

KA BUKE NO IOBA 40:8

“E hōʻole anei hoʻi ʻoe i koʻu pono? E hoʻāhewa anei ʻoe iaʻu, i hoʻāpono ʻia ai ʻoe?

KA BUKE O NĀ HALELŪ 100:5

No ka mea, ua maikaʻi ʻo Iēhova; Ua mau loa kona lokomaikaʻi, A me kona ʻoiaʻiʻo hoʻi i nā hanauna a pau.

KA BUKE O NĀ HALELŪ 116:11

I koʻu piʻoloke ʻana, ʻōlelo aʻela au, “He poʻe wahaheʻe nā kānaka a pau.”

KA BUKE O NĀ HALELŪ 119:160

Ua ʻoiaʻiʻo nō ke poʻo o kāu ʻōlelo; A ua mau loa ka hemolele ʻana o kou hoʻopono ʻana.

KA BUKE O NĀ HALELŪ 138:2

E kūlou hoʻomana au ma kou luakini hoʻāno, A e mililani aku i kou inoa, No kou lokomaikaʻi a me ka ʻoiaʻiʻo; No ka mea, ua hoʻokaulana ʻoe i kāu ʻōlelo ma mua o kou inoa a pau.

KA BUKE O NĀ HALELŪ 51:4

ʻO ʻoe, ʻoe wale nō kaʻu i lawehala ai, A i hana hewa hoʻi i mua o kou mau maka; I pono ʻoe i kāu ʻōlelo ʻana, I hemolele hoʻi i kuʻu hoʻāhewa ʻana mai.

KA BUKE O NĀ HALELŪ 62:9

¶ ʻOiaʻiʻo, he mea lapuwale nā makaʻāinana, He mea ʻoiaʻiʻo ʻole nā kānaka koʻikoʻi; Aia waiho ʻia ma ka mea kaupaona, Pau pū lākou i ka māmā, ʻaʻole ka hā.

MIKA 7:20

A e hāʻawi mai nō ʻoe i ka ʻoiaʻiʻo iā Iakoba, A me ka lokomaikaʻi iā ʻAberahama, Ka mea āu i hoʻohiki ai i ko mākou mau kūpuna Mai ka wā kahiko mai.

KA ʻEUANELIO I KĀKAU ʻIA AI E MATAIO 11:19

“I hele mai nei ke Keiki a ke Kanaka me ka ʻai ʻana a me ka inu ʻana, a ke ʻōlelo nei lākou, ‘Aia hoʻi, he kanaka pākela ʻai, pākela inu waina, a he hoalauna no nā luna ʻauhau a me nā lawehala!’ Akā, ua hoʻāpono ʻia ka naʻauao e kāna poʻe keiki.”

KA ʻEUANELIO I KĀKAU ʻIA AI E LUKA 20:16

“E hele mai nō ia a luku mai ia poʻe hoaʻāina, a e hāʻawi aku i ka māla waina i kekahi poʻe ʻē.” ʻŌlelo ihola ka poʻe e hoʻolohe ana, “ʻAʻole loa ia!”

KA ʻEUANELIO I KĀKAU ʻIA AI E IOANE 3:33

“ʻO ka mea e mālama i kāna mea i hōʻike mai ai, ʻo ia ke ʻae mai, he ʻoiaʻiʻo kā ke Akua.

ʻO KA ʻEPISETOLE A PAULO KA LUNAʻŌLELO I KO ROMA 11:1

¶ No ia hoʻi, ke nīnau aku nei au, “Ua kiola anei ke Akua i kona poʻe kānaka ponoʻī?” ʻAʻole loa; no ka mea, he mamo na ʻIseraʻela au, no nā hua o ʻAberahama, no ka ʻohana hoʻi a Beniamina.

ʻO KA ʻEPISETOLE A PAULO KA LUNAʻŌLELO I KO ROMA 11:11

¶ Ke nīnau aku nei hoʻi au, “Ua ʻōkupe anei lākou i hina loa ai?” ʻAʻole loa; akā, ʻo ko lākou hina ʻana, he mea ia e ola ai ko nā ʻāina ʻē, i mea e hoʻoikaika hou ai iā lākou.

ʻO KA ʻEPISETOLE A PAULO KA LUNAʻŌLELO I KO ROMA 3:31

¶ Ke hoʻohiolo nei anei mākou i ke Kānāwai, ma ka manaʻoʻiʻo? ʻAʻole loa; ke hoʻokūpaʻa nei nō mākou i ke Kānāwai.

ʻO KA ʻEPISETOLE A PAULO KA LUNAʻŌLELO I KO ROMA 6:15

¶ He aha lā hoʻi? E hana hewa anei kākou; no ka mea, ʻaʻole kākou ma lalo o ke kānāwai; akā, ma lalo nō o ka lokomaikaʻi? ʻAʻole loa!

ʻO KA ʻEPISETOLE A PAULO KA LUNAʻŌLELO I KO ROMA 6:2

ʻAʻole loa! Pehea lā kākou ka poʻe i make no ka hewa e noho hou ai ma laila?

ʻO KA ʻEPISETOLE A PAULO KA LUNAʻŌLELO I KO ROMA 7:13

Ua lilo anei ka mea maikaʻi i make noʻu? ʻAʻole loa ia; akā, ʻo ka hewa, i ʻike ʻia hoʻi ia he hewa ʻiʻo, e hana ana i ka make i loko oʻu ma ka mea maikaʻi, i akāka aʻela ma ke kauoha he mea lawehala loa ka hewa.

ʻO KA ʻEPISETOLE A PAULO KA LUNAʻŌLELO I KO ROMA 7:7

¶ He aha hoʻi kā kākou e ʻōlelo nei? He hewa anei ke Kānāwai? ʻAʻole loa; akā, ma ke Kānāwai wale nō i ʻike ai au i ka hewa; no ka mea, inā ʻaʻole i pāpā mai ke Kānāwai, “«Mai kuko wale aku ʻoe»,” inā ʻaʻole au i ʻike i ke kuko ʻana.

ʻO KA ʻEPISETOLE A PAULO KA LUNAʻŌLELO I KO ROMA 9:14

¶ He aha hoʻi kā kākou e ʻōlelo nei? He hewa anei ko ke Akua? ʻAʻole loa!

ʻO KA ʻEPISETOLE MUA A PAULO KA LUNAʻŌLELO I KO KORINETO 6:15

ʻAʻole anei ʻoukou i ʻike, ʻo ko ʻoukou mau kino, ʻo ia nā lālā o Kristo? E lawe anei au i nā lālā o Kristo, a e hoʻolilo ia mau mea i lālā no ka wahine hoʻokamakama? ʻAʻole loa!

ʻO KA ʻEPISETOLE LUA A PAULO KA LUNAʻŌLELO I KO KORINETO 1:18

Ma ka ʻoiaʻiʻo a ke Akua, ʻo kā mākou ʻōlelo iā ʻoukou, ʻaʻole ia he hōʻoia a me ka hōʻole.

ʻO KA ʻEPISETOLE A PAULO KA LUNAʻŌLELO I KO GALATIA 2:17

“Inā paha e ʻimi kākou e hoʻāpono ʻia mai ma o Kristo lā, a ʻikea mai kākou he poʻe hewa, ke kumu anei ʻo Kristo no ka hewa? ʻAʻole loa!

ʻO KA ʻEPISETOLE A PAULO KA LUNAʻŌLELO I KO GALATIA 2:21

“ʻAʻole au e hoʻolilo i ka lokomaikaʻi o ke Akua i mea ʻole; no ka mea, inā ma ke Kānāwai ka pono, inā ua ʻano ʻole ko Kristo make ʻana.”

ʻO KA ʻEPISETOLE A PAULO KA LUNAʻŌLELO I KO GALATIA 6:14

ʻAʻole loa aʻu mea ʻē aʻe e kaena aku ai, ʻo ke keʻa wale nō o ko kākou Haku ʻo Iesū Kristo, nona i kaulia ai ma ke keʻa ko ke ao nei iaʻu, a ʻo wau hoʻi i ko ke ao nei.

KA BUKE ʻALIMA A MOSE, I KAPA ʻIA KĀNĀWAI LUA 32:4

“ʻO ia ka Pōhaku, ua hemolele kāna hana ʻana; He pono hoʻi kona mau ʻaoʻao a pau, He Akua ʻōlelo ʻoiaʻiʻo, ʻaʻole ona hewa; He pono, he pololei hoʻi ia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:16

Ua akāka nō he mea nui ka mea pohihihi o ka manaʻo i ke Akua: Ua hōʻike ʻia mai ke Akua ma ke kino, Ua hoʻāpono ʻia mai e ka ʻUhane, Ua ʻikea mai e nā ʻānela, Ua haʻi ʻia aku i ko nā ʻāina ʻē, Ua manaʻoʻiʻo ʻia ma ke ao nei, A ua hoʻokipa ʻia aku i luna i ka nani.

ʻO KA ʻEPISETOLE A PAULO IĀ TITO 1:2

me ka manaʻolana i ke ola mau loa a ke Akua hoʻopunipuni ʻole i ʻōlelo mua mai ai ma mua loa aku o kēia ao;

ʻO KA ʻEPISETOLE A PAULO KA LUNAʻŌLELO I KO HEBERA 6:18

ma nā mea luli ʻole ʻelua, kahi i hiki ʻole ai i ke Akua he hoʻopunipuni, e hoʻohoihoi loa ʻia mai ai kākou ka poʻe i holo i ka puʻuhonua, e hoʻopaʻa i ka manaʻolana i waiho ʻia mai ma ko kākou alo.

ʻO KA ʻEPISETOLE HOʻOLAHA MUA A IOANE 5:10

ʻO ka mea e manaʻoʻiʻo ana i ke Keiki a ke Akua, aia nō i loko ona ka hōʻike; ʻo ka mea e manaʻoʻiʻo ʻole i ke Akua, ʻo ia ke hoʻolilo iā ia i mea wahaheʻe; no ka mea, ʻaʻole i manaʻoʻiʻo ʻo ia i ka ʻōlelo a ke Akua āna i ʻōlelo mai ai no kāna Keiki.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.

KA HŌʻIKE ʻANA A IOANE KA HAIPULE 3:7

¶ “E palapala aku ʻoe i ka ʻānela o ka ʻekalesia ma Piladelepia: Ke ʻī mai nei ka Mea hoʻāno, ka Mea ʻoiaʻiʻo, ʻo ka Mea iā ia ke kī o Dāvida, ʻo ka Mea wehe, ʻaʻohe mea nāna e pani mai; a pani hoʻi ʻo ia, ʻaʻohe mea nāna e wehe: