ʻO KA ʻEPISETOLE A PAULO KA LUNAʻŌLELO I KO ROMA 3:11 - Ka Baibala Hemolele

¹¹ “ʻAʻole nō he mea i ʻike, ʻAʻole hoʻi he mea i ʻimi i ke Akua.

ʻO KA ʻEPISETOLE A PAULO KA LUNAʻŌLELO I KO ROMA 3:11 Iomraidhean Croise

KA BUKE O NĀ HALELŪ 53:2

Nānā maila ke Akua mai luna mai o ka lani i nā keiki a kānaka, I ʻike mai i kekahi mea naʻauao paha e ʻimi ana i ke Akua.

KA BUKE O NĀ HALELŪ 53:4

¶ ʻAʻole anei naʻauao iki ko ka poʻe hana hewa? Ka poʻe e pau ai koʻu poʻe kānaka i ka ʻai ʻia, E like me ko lākou ʻai ʻana i ka berena; ʻAʻole lākou i kāhea i ke Akua.

KA BUKE O NĀ HALELŪ 94:8

¶ E hoʻomaopopo ʻoukou, e ka poʻe manaʻo ʻole i waena o nā kānaka; ʻO ʻoukou hoʻi ka poʻe naʻaupō, Pehea lā ka lōʻihi a lilo ʻoukou i poʻe naʻauao?

NĀ ʻŌLELO AKAMAI A SOLOMONA 1:22

“Pehea ka lōʻihi, e ka poʻe ʻike ʻole, E makemake ai ʻoukou i ka naʻaupō? A ʻoukou hoʻi, e ka poʻe hoʻowahāwahā, E makemake ai i ka hoʻowahāwahā ʻana? A ʻo ʻoukou, e ka poʻe naʻaupō, e inaina aku ai i ka naʻauao?

NĀ ʻŌLELO AKAMAI A SOLOMONA 1:7

¶ ʻO ka makaʻu iā Iēhova, ʻo ia ka hoʻomaka ʻana o ka ʻike; A ʻo ka naʻauao, a me ke aʻo ʻia mai, ua hoʻowahāwahā ʻia e ka poʻe lapuwale.

KA WĀNANA A ʻISAIA 27:11

A maloʻo kona mau lālā, a laila, e uhaʻi ʻia nō lākou; E hele mai nō nā wāhine, a e puhi ia mau mea i ke ahi, No ka mea, he lāhui kanaka noʻonoʻo ʻole ʻia; No laila, ʻo ka Mea nāna ia i hana, ʻaʻole ia e aloha mai iā ia, A ʻo ka Mea nāna ia i kūkulu, ʻaʻole ia e hana lokomaikaʻi mai iā ia.

KA WĀNANA A ʻISAIA 31:1

¶ Auē ka poʻe iho i lalo i ʻAigupita no ke kōkua ʻia mai, Ka poʻe i paulele i nā lio, a hilinaʻi ma nā kaʻa kaua, No ka nui o ia mau mea; A ma nā holo lio hoʻi, no ko lākou ikaika nui; ʻAʻole hoʻi e nānā aku i ka Mea Hemolele o kā ʻIseraʻela, ʻAʻole ʻimi aku ma o Iēhova lā!

KA WĀNANA A ʻISAIA 55:6

¶ E ʻimi ʻoukou iā Iēhova, ʻoiai ʻo ia ma kahi e loaʻa ai, E hea aku iā ia, ʻoiai ʻo ia ma kahi kokoke.

KA WĀNANA A ʻISAIA 65:1

¶ “Ua hāliu au i kā ka poʻe nonoi ʻole mai iaʻu, Ua loaʻa nō wau i ka poʻe ʻimi ʻole iaʻu; I ko ka ʻāina i hea ʻole ʻia ma koʻu inoa, ua ʻōlelo nō au, ‘E nānā mai iaʻu, e nānā mai iaʻu.’

KA WĀNANA A ʻISAIA 9:13

¶ ʻAʻole naʻe i hoʻi hou nā kānaka, I ka mea nāna lākou i hahau, ʻAʻole lākou i ʻimi iā Iēhova o nā kaua.

KA WĀNANA A IEREMIA 4:22

“No ka mea, ua lapuwale koʻu poʻe kānaka, ʻAʻole lākou i ʻike mai iaʻu; he poʻe kamaliʻi lapuwale, ʻAʻohe o lākou naʻauao. He akamai lākou i ka hana hewa; Akā, ʻaʻole o lākou ʻike i ka hana maikaʻi.”

HOSEA 4:6

Ua luku ʻia koʻu poʻe kānaka no ka ʻike ʻole; No ka mea, ua hoʻowahāwahā ʻoe i ka ʻike, E hoʻowahāwahā aku hoʻi au iā ʻoe, ʻAʻole ʻoe e mālama i ka ʻoihana kahuna naʻu: A no kou hoʻopoina ʻana i ke kānāwai o kou Akua, ʻO wau hoʻi kekahi e hoʻopoina i kāu poʻe keiki.

HOSEA 7:10

Ke hōʻike mai nei ka haʻaheo o kā ʻIseraʻela ma kona maka; ʻAʻole lākou e hoʻi hou iā Iēhova i ko lākou Akua, ʻAʻole ʻimi aku iā ia no kēia mea a pau.

KA ʻEUANELIO I KĀKAU ʻIA AI E MATAIO 13:19

“ʻO kēlā mea kēia mea lohe i ka ʻōlelo no ke aupuni me ka hoʻomaopopo ʻole; a laila, hele mai nō ka mea ʻino, a kāʻili aku ia i ka mea i lūlū ʻia i loko o kona naʻau. ʻO ia ka mea i lūlū ʻia ma kapa alanui.

ʻO KA ʻEPISETOLE A PAULO KA LUNAʻŌLELO I KO ROMA 1:22

I ko lākou hoʻākamai ʻana, lilo lākou i poʻe naʻaupō,

ʻO KA ʻEPISETOLE A PAULO KA LUNAʻŌLELO I KO ROMA 1:28

¶ A no ko lākou makemake ʻole e hoʻopaʻa i ke Akua ma ko lākou ʻike, kuʻu ihola ke Akua iā lākou i ka naʻau hewa, e hana aku lākou i nā mea kū ʻole i ka pono;

ʻO KA ʻEPISETOLE A PAULO KA LUNAʻŌLELO I KO ROMA 3:10

e like me ka mea i palapala ʻia, “«ʻAʻole loa he mea pono, ʻaʻole hoʻokahi.

ʻO KA ʻEPISETOLE A PAULO KA LUNAʻŌLELO I KO ROMA 3:12

“Ua pau lākou i ka hele hewa, ua lilo lākou i poʻe pono ʻole; ʻAʻole loa he mea e hana ana i ka maikaʻi, ʻAʻole loa hoʻokahi.”

ʻO KA ʻEPISETOLE A PAULO KA LUNAʻŌLELO I KO ROMA 8:7

No ka mea, ʻo ka manaʻo ma ke kino, he mea kūʻē i ke Akua; ʻaʻole ia i mālama i ke kānāwai o ke Akua, ʻaʻole loa e hiki.

ʻO KA ʻEPISETOLE A PAULO IĀ TITO 3:3

No ka mea, ʻo kākou kekahi i naʻaupō i kekahi manawa, i hoʻokuli hoʻi, i ʻauana hoʻi, e hoʻokauā ana ma muli o kēlā kuko a ʻo kēia kuko, ʻo kēlā leʻaleʻa a ʻo kēia leʻaleʻa, e noho ana me ka huhū, a me ka huā, i hoʻowahāwahā ʻia, a e hoʻowahāwahā ana kekahi i kekahi.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.