ʻO KA ʻEPISETOLE A PAULO KA LUNAʻŌLELO I KO ROMA 3:10 - Ka Baibala Hemolele

¹⁰ e like me ka mea i palapala ʻia, “«ʻAʻole loa he mea pono, ʻaʻole hoʻokahi.

ʻO KA ʻEPISETOLE A PAULO KA LUNAʻŌLELO I KO ROMA 3:10 Iomraidhean Croise

KA BUKE NO IOBA 14:4

“ʻO wai ka mea e unuhi aʻe i ka mea maʻemaʻe mai loko mai o ka mea haumia? ʻAʻole kekahi!

KA BUKE NO IOBA 15:14

“He aha ke kanaka, i maʻemaʻe ai ʻo ia? A ʻo ka mea i hānau ʻia e ka wahine, i pono ai ʻo ia?

KA BUKE NO IOBA 15:16

“He ʻoiaʻiʻo hoʻi, ua hoʻopailua ʻia, a ua haumia hoʻi ke kanaka, Ka mea e inu ana i ka hewa me he wai lā?

KA BUKE NO IOBA 25:4

“A pehea lā e hoʻāpono ʻia ai ke kanaka i mua o ke Akua? A pehea lā e maʻemaʻe ai ka mea i hānau ʻia e ka wahine?

KA BUKE O NĀ HALELŪ 143:2

Mai hoʻokolokolo mai ʻoe i kāu kauā, No ka mea, ʻaʻole e ʻāpono ʻia kekahi mea ola i mua ou.

KA WĀNANA A ʻISAIA 8:20

Ma ke kānāwai, a ma ka hōʻike ʻana hoʻi; inā ʻōlelo ʻole lākou e like me ia ʻōlelo, ʻaʻole e puka mai ke ao ma luna o lākou.

KA WĀNANA A IEREMIA 17:9

¶ “He hoʻopunipuni ka naʻau ma mua o nā mea a pau, A ua hewa loa hoʻi ia; ʻO wai ka mea hiki ke hoʻomaopopo?

KA ʻEUANELIO I KĀKAU ʻIA AI E MATAIO 15:19

“No ka mea, mai loko mai o ka naʻau ke puka mai nei nā manaʻo ʻino, ka pepehi kanaka ʻana, ka moekolohe ʻana, ka hoʻokamakama ʻana, ka ʻaihue ʻana, ka hoʻopunipuni ʻana, a me nā ʻōlelo ʻino.

KA ʻEUANELIO I KĀKAU ʻIA AI E MAREKO 10:18

ʻĪ maila Iesū iā ia, “No ke aha lā ʻoe e kapa mai ai iaʻu he maikaʻi? Hoʻokahi wale nō mea maikaʻi, ʻo ke Akua.

ʻO KA ʻEPISETOLE A PAULO KA LUNAʻŌLELO I KO ROMA 11:8

(e like me ka mea i palapala ʻia, “«Ua hāʻawi mai ke Akua iā lākou i naʻau hiamoe, A me nā maka ʻike ʻole, a me nā pepeiao lohe ʻole,) A hiki i kēia lā».”

ʻO KA ʻEPISETOLE A PAULO KA LUNAʻŌLELO I KO ROMA 3:11

“ʻAʻole nō he mea i ʻike, ʻAʻole hoʻi he mea i ʻimi i ke Akua.

ʻO KA ʻEPISETOLE A PAULO KA LUNAʻŌLELO I KO ROMA 3:23

no ka mea, ua lawehala nā mea a pau, ua nele hoʻi i ka nani o ke Akua,

ʻO KA ʻEPISETOLE A PAULO KA LUNAʻŌLELO I KO ROMA 3:4

ʻAʻole loa ia; akā, e hōʻoiaʻiʻo ʻia aku ke Akua ke hoʻopunipuni nā kānaka a pau: me ka mea i palapala ʻia, “«I hoʻāpono ʻia ai ʻoe i kāu ʻōlelo ʻana mai, A i lanakila hoʻi ʻoe i kou hoʻāhewa ʻana mai».”

ʻO KA ʻEPISETOLE A PAULO IĀ TITO 3:3

No ka mea, ʻo kākou kekahi i naʻaupō i kekahi manawa, i hoʻokuli hoʻi, i ʻauana hoʻi, e hoʻokauā ana ma muli o kēlā kuko a ʻo kēia kuko, ʻo kēlā leʻaleʻa a ʻo kēia leʻaleʻa, e noho ana me ka huhū, a me ka huā, i hoʻowahāwahā ʻia, a e hoʻowahāwahā ana kekahi i kekahi.

ʻO KA ʻEPISETOLE HOʻOLAHA MUA A PETERO 1:16

no ka mea, ua palapala ʻia mai, “«E hemolele ʻoukou; no ka mea, ʻo wau ka hemolele».”

KA HŌʻIKE ʻANA A IOANE KA HAIPULE 21:8

“Akā, ʻo ka poʻe hopohopo, a me ka poʻe hoʻomaloka, a me ka poʻe i hoʻopailua ʻia, a me ka poʻe pepehi kanaka, a me ka poʻe moekolohe, a me ka poʻe hoʻopiʻopiʻo, a me ka poʻe hoʻomana kiʻi, a me ka poʻe hoʻopunipuni a pau, e loaʻa iā lākou ko lākou puʻu ma ka loko e ʻaʻā mau loa ana i ke ahi a me ka luaʻi pele; ʻo ia ka make ʻalua.”

KA HŌʻIKE ʻANA A IOANE KA HAIPULE 22:15

Aia ma waho, nā ʻīlio, a me nā mea hoʻopiʻopiʻo, a me nā moekolohe, a me nā pepehi kanaka, a me ka poʻe hoʻomana kiʻi, a me ka poʻe a pau i makemake a hana aku hoʻi ma ka wahaheʻe.