ʻO KA ʻEPISETOLE A PAULO KA LUNAʻŌLELO I KO ROMA 2:12 - Ka Baibala Hemolele

¹² No ka mea, ʻo nā mea Kānāwai ʻole a pau i hana hewa, e make Kānāwai ʻole lākou; a ʻo nā mea a pau i hana hewa ma lalo o ke Kānāwai, e hoʻāhewa ʻia lākou ma ke Kānāwai;

ʻO KA ʻEPISETOLE A PAULO KA LUNAʻŌLELO I KO ROMA 2:12 Iomraidhean Croise

KA ʻEUANELIO I KĀKAU ʻIA AI E MATAIO 11:22

“Ke ʻōlelo aku nei au iā ʻoukou, e aho nō ka hewa ʻana o Turo a me Sidona i ko ʻolua, i ka lā e hoʻokolokolo ai.

KA ʻEUANELIO I KĀKAU ʻIA AI E MATAIO 11:24

“Akā hoʻi, ke ʻōlelo aku nei au iā ʻoukou, e aho nō ka hewa ʻana o Sodoma i kou i ka lā e hoʻokolokolo ai.”

KA ʻEUANELIO I KĀKAU ʻIA AI E IOANE 19:11

ʻŌlelo maila ʻo Iesū, “ʻAʻohe ou mana iki e kūʻē iaʻu, ke ʻole i hāʻawi ʻia mai ia nou mai luna mai; no ia mea, ua ʻoi aku ka hewa o ka mea nāna au i hāʻawi aku iā ʻoe.”

NĀ ʻOIHANA A KA POʻE LUNAʻŌLELO 2:23

ua hāʻawi ʻia mai ia ma muli o ka manaʻo kūpaʻa a me ka ʻike mua o ke Akua, na ʻoukou ia i hopu, a, me nā lima hewa, i kau ai i ke keʻa a make ia.

ʻO KA ʻEPISETOLE A PAULO KA LUNAʻŌLELO I KO ROMA 1:32

ua ʻike lākou i ke kānāwai o ke Akua, ʻo ka poʻe e hana pēlā, he pono lākou e make, a ke hana nei nō lākou ia mau mea, a ua mahalo nō hoʻi i ka poʻe e hana ana ma laila.

ʻO KA ʻEPISETOLE A PAULO KA LUNAʻŌLELO I KO ROMA 4:15

no ka mea, ʻo ke Kānāwai ke kumu o ka inaina; no ka mea, ma kahi kānāwai ʻole, ʻaʻole he ʻae ʻana ma luna.

ʻO KA ʻEPISETOLE A PAULO KA LUNAʻŌLELO I KO ROMA 8:3

No ka mea, no ka hiki ʻole i ke Kānāwai, no kona nāwaliwali ma ke kino, ʻo ke Akua, i kona hoʻouna ʻana mai i kāna Keiki ponoʻī ma ke ʻano o ke kino hewa, a ma ka mōhai no ka hala, ua hoʻāhewa maila nō ia i ka hewa i loko o ke kino;

ʻO KA ʻEPISETOLE MUA A PAULO KA LUNAʻŌLELO I KO KORINETO 9:21

A i waena au o ka poʻe kānāwai ʻole, ua like hoʻi au me ka mea kānāwai ʻole, i loaʻa ai iaʻu ka poʻe kānāwai ʻole. (ʻAʻole hoʻi au i haʻalele i ko ke Akua kānāwai, ma ke kānāwai o Kristo wau.)

ʻO KA ʻEPISETOLE A PAULO KA LUNAʻŌLELO I KO GALATIA 3:10

No ka mea, ʻo ka poʻe a pau ma nā hana o ke Kānāwai, aia nō lākou ma lalo o ka hoʻāhewa ʻia; penei i palapala ʻia ai, “«E hoʻāhewa ʻia aku nā mea a pau i hoʻomau ʻole e hana i nā mea a pau i kākau ʻia ma loko o ka buke o ke kānāwai.”

ʻO KA ʻEPISETOLE A PAULO KA LUNAʻŌLELO I KO GALATIA 3:22

Akā, ua papapau pū nā mea a pau i ka Palapala Hemolele ma lalo o ka hewa, i hāʻawi ʻia mai ai ka ʻōlelo ma ka manaʻoʻiʻo iā Iesū Kristo na ka poʻe manaʻoʻiʻo aku.

KA BUKE ʻALIMA A MOSE, I KAPA ʻIA KĀNĀWAI LUA 27:26

¶ ‘E pōʻino ke kanaka ke hoʻopaʻa ʻole i nā hua ʻōlelo a pau o kēia kānāwai, e mālama aku ia mau mea.’ A ʻo nā kānaka a pau e ʻōlelo mai, ‘Pēlā ʻiʻo nō!’

ʻO KA ʻEPISETOLE HOʻOLAHA A IAKOBO 2:10

ʻO ka mea mālama i ke kānāwai a pau, a i hāʻule naʻe ia ma ka mea hoʻokahi, ua hewa nō ia i ke kānāwai a pau.