ʻO KA ʻEPISETOLE A PAULO KA LUNAʻŌLELO I KO ROMA 2:10 - Ka Baibala Hemolele

¹⁰ akā, ʻo ka nani, a me ka mahalo, a me ka pōmaikaʻi, no nā mea a pau e hana ana i ka pono; no kā Iudaio mua a no kā Helene hoʻi.

ʻO KA ʻEPISETOLE A PAULO KA LUNAʻŌLELO I KO ROMA 2:10 Iomraidhean Croise

KA BUKE NO IOBA 22:21

¶ “E hoʻokuʻikahi aʻe me ia ʻānō, a e pōmaikaʻi; Pēlā nō e hiki mai ai ka pōmaikaʻi iā ʻoe.

KA BUKE O NĀ HALELŪ 15:2

ʻO ka mea i hele ma ka pololei a i hana ma ka pono; A i ʻōlelo hoʻi ma ka ʻoiaʻiʻo i loko o kona naʻau;

KA BUKE O NĀ HALELŪ 29:11

E hāʻawi mai nō hoʻi ʻo Iēhova i ka ikaika i kona poʻe kānaka; E hoʻopōmaikaʻi mai nō hoʻi ʻo Iēhova i kona poʻe ʻōhua me ka maluhia.

KA BUKE O NĀ HALELŪ 37:37

E noʻonoʻo i ke kanaka hemolele, E nānā hoʻi i ka mea kūpono; No ka mea, ʻo ka hope o ua kanaka lā, he pōmaikaʻi nō ia.

NĀ ʻŌLELO AKAMAI A SOLOMONA 11:18

ʻO ka mea hewa, he hana ʻīnea kāna; ʻO ka mea lūlū i ka pono, he uku ʻoiaʻiʻo kona.

NĀ ʻŌLELO AKAMAI A SOLOMONA 8:18

“Me aʻu ka waiwai a me ka hanohano; ʻO ka waiwai e mau ana hoʻi a me ka pono.

KA WĀNANA A ʻISAIA 26:12

E Iēhova, e hāʻawi mai ana nō ʻoe i ka malu no mākou; No ka mea, ua hana nō ʻoe i kā mākou hana a pau no mākou.

KA WĀNANA A ʻISAIA 32:17

E lilo nō ka hana pono ʻana i mea e malu ai, A ʻo ka hope o ka maikaʻi, he kuapapa nui mau loa, a me ka malu.

KA WĀNANA A ʻISAIA 48:18

“Inā i hoʻolohe mai ʻoe i kaʻu mau kauoha, Inā ua like kou malu me ka muliwai, A ʻo kou pono hoʻi, me nā ʻaui o ka moana;

KA WĀNANA A ʻISAIA 48:22

“ʻAʻole malu no ka poʻe hewa,” wahi a Iēhova.

KA WĀNANA A ʻISAIA 55:12

“No ka mea, e puka aku auaneʻi ʻoukou me ka ʻoliʻoli, A e alakaʻi ʻia aku ʻoukou me ka malu; E hoʻokani i ke ʻoli nā kuahiwi, a me nā mauna i mua o ʻoukou, A e paʻipaʻi lima hoʻi nā lāʻau a pau o ke kula.

KA WĀNANA A ʻISAIA 57:19

“Naʻu nō e hana i ka hua o nā lehelehe; Ua malu, ua malu ka mea mamao aku, a me ka mea kokoke mai,” Wahi a Iēhova, “a naʻu nō ia e hoʻōla aku.”

KA WĀNANA A IEREMIA 33:6

‘Aia hoʻi, e lawe mai nō au i ona lā i ka wahī, a me ka mea e ola ai, a e hoʻōla nō wau iā lākou, a e hōʻike aku au iā lākou i ka maluhia nui, me ka ʻoiaʻiʻo.

KA BUKE ʻAHĀ A MOSE, I KAPA ʻIA NĀ HELU 6:26

¶ “Na Iēhova e maliu mai iā ʻoe, A e hāʻawi mai i malu nou.”’

KA ʻEUANELIO I KĀKAU ʻIA AI E MATAIO 10:13

“A i pono ko ka hale, e kau ko ʻoukou aloha ma luna ona; akā, i pono ʻole, e hoʻi hou mai nō ko ʻoukou aloha i o ʻoukou lā.

KA ʻEUANELIO I KĀKAU ʻIA AI E LUKA 1:79

«E hoʻomālamalama i ka poʻe e noho ana i ka pouli, a i loko hoʻi o ka malu o ka make», A e alakaʻi hoʻi i ko kākou mau wāwae ma ka ʻaoʻao e maluhia ai.”

KA ʻEUANELIO I KĀKAU ʻIA AI E LUKA 12:37

“Pōmaikaʻi ka poʻe kauā a ka haku e ʻike ai e kiaʻi ana i kona wā e hiki mai ai. He ʻoiaʻiʻo kaʻu e ʻōlelo aku nei iā ʻoukou, e kākoʻo nō ʻo ia iā ia iho, a e hoʻonoho ʻo ia iā lākou e ʻai; a e hele mai ia e lawelawe na lākou.

KA ʻEUANELIO I KĀKAU ʻIA AI E LUKA 19:42

ʻī ihola, “Inā ʻoe i hoʻomanaʻo, ʻo ʻoe, i kēia lā ou, i kāu mau mea e malu ai! Akā ʻānō hūnā ʻia nō ia i kou mau maka.

KA ʻEUANELIO I KĀKAU ʻIA AI E LUKA 22:14

¶ A hiki mai ka hora, noho ihola ia e ʻai, a me ka poʻe lunaʻōlelo he ʻumikumamālua me ia.

KA ʻEUANELIO I KĀKAU ʻIA AI E LUKA 9:48

a ʻōlelo maila iā lākou, “ʻO ka mea e mālama i kēia keiki no koʻu inoa, ʻo ia ke mālama mai iaʻu; a ʻo ka mea e mālama mai iaʻu, ʻo ia ke mālama i ka Mea nāna au i hoʻouna mai; no ka mea, ʻo ka mea ʻuʻuku loa i waena o ʻoukou a pau loa, ʻo ia ke ʻoi aku ana.”

KA ʻEUANELIO I KĀKAU ʻIA AI E IOANE 12:26

“Inā e hoʻokauā mai kekahi naʻu, e hahai mai ia iaʻu; a ma koʻu wahi e noho ai, ma laila pū nō hoʻi kaʻu kauā; inā e hoʻokauā mai kekahi naʻu, e hoʻomaikaʻi ka Makua iā ia.

KA ʻEUANELIO I KĀKAU ʻIA AI E IOANE 14:27

“He aloha kaʻu e waiho aku ai iā ʻoukou, ʻo kuʻu aloha kaʻu e hāʻawi aku ai iā ʻoukou; ʻaʻole like me ka hāʻawi ʻana o ko ke ao nei, kaʻu hāʻawi ʻana aku iā ʻoukou. Mai hoʻokaumaha ʻia ko ʻoukou naʻau, a mai makaʻu hoʻi.

KA ʻEUANELIO I KĀKAU ʻIA AI E IOANE 16:33

“Ua ʻōlelo aku au iā ʻoukou i kēia mau mea, i loaʻa ai iā ʻoukou ka maluhia i loko oʻu. I loko o ke ao nei e loaʻa iā ʻoukou ka pōpilikia; akā, e hoʻolana ʻoukou; ua lanakila wau ma luna o ke ao nei.”

NĀ ʻOIHANA A KA POʻE LUNAʻŌLELO 10:35

akā, ma nā lāhui a pau, ua ʻoluʻolu ia i nā mea i makaʻu iā ia, a me ka hana pono.

ʻO KA ʻEPISETOLE A PAULO KA LUNAʻŌLELO I KO ROMA 14:17

No ka mea, ʻaʻole ka ʻai a me ka mea inu ke aupuni o ke Akua; akā, ʻo ka pono, a me ke kuʻikahi, a me ka ʻoliʻoli i ka ʻUhane Hemolele.

ʻO KA ʻEPISETOLE A PAULO KA LUNAʻŌLELO I KO ROMA 15:13

Na ke Akua nona mai ka manaʻolana e hoʻopiha iā ʻoukou me ka ʻoliʻoli, a me ka malu i ka manaʻoʻiʻo ʻana, i nui ai hoʻi ko ʻoukou manaʻolana ʻana ma ka mana o ka ʻUhane Hemolele.

ʻO KA ʻEPISETOLE A PAULO KA LUNAʻŌLELO I KO ROMA 2:7

i ka poʻe e ʻimi ana i ka nani, a me ka mahalo, a me ka make ʻole, ma ka hoʻoikaika mau ʻana i ka hana maikaʻi, i ke ola loa;

ʻO KA ʻEPISETOLE A PAULO KA LUNAʻŌLELO I KO ROMA 2:9

ʻO ka pōʻino, a me ka ʻehaʻeha ma luna o ka ʻuhane o kēlā kanaka o kēia kanaka e hana ana i ka hewa; ʻo kā Iudaio mua, a ʻo kā Helene hoʻi;

ʻO KA ʻEPISETOLE A PAULO KA LUNAʻŌLELO I KO ROMA 5:1

¶ No ia mea, i hoʻāpono ʻia mai kākou ma ka manaʻoʻiʻo, he malu ko kākou me ke Akua, ma ko kākou Haku ʻo Iesū Kristo;

ʻO KA ʻEPISETOLE A PAULO KA LUNAʻŌLELO I KO ROMA 8:6

No ka mea, ʻo ka manaʻo ma ke kino, he make ia; akā, ʻo ka manaʻo ma ka ʻUhane, he ola ia, a me ka pōmaikaʻi.

ʻO KA ʻEPISETOLE A PAULO KA LUNAʻŌLELO I KO ROMA 9:21

ʻAʻole anei e hiki i ka potera ke hana iho no loko o ka pōpō lepo hoʻokahi i kekahi ipu no ka mahalo ʻia, a i kekahi no ka mahalo ʻole ʻia?

ʻO KA ʻEPISETOLE A PAULO KA LUNAʻŌLELO I KO ROMA 9:23

A e hōʻike mai hoʻi i ka nui o kona lokomaikaʻi mai i nā ipu e aloha ʻia āna i hoʻomākaukau mua ai no ka nani,

ʻO KA ʻEPISETOLE A PAULO KA LUNAʻŌLELO I KO GALATIA 5:22

Akā, ʻo ka hua na ka ʻUhane, ʻo ia ke aloha, ka ʻoliʻoli, ke kuʻikahi, ke ahonui, ka lokomaikaʻi, ka maikaʻi, ka manaʻoʻiʻo,

ʻO KA ʻEPISETOLE A PAULO KA LUNAʻŌLELO I KO GALATIA 5:6

No ka mea, i loko o Kristo Iesū, ʻaʻole ke ʻoki poepoe ka mea e pono ai, ʻaʻole hoʻi ke ʻoki poepoe ʻole; akā, ʻo ka manaʻoʻiʻo e hana ana ma ke aloha.

ʻO KA ʻEPISETOLE A PAULO KA LUNAʻŌLELO I KO PILIPI 4:7

A ʻo ka maluhia o ke Akua, ka mea i ʻoi aku i ko ke kanaka manaʻo a pau, e hoʻomalu mai i ko ʻoukou naʻau a me ko ʻoukou manaʻo ma o Kristo Iesū lā.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:17

I ke Aliʻi mau loa, make ʻole, ʻike maka ʻole ʻia, ke Akua akamai hoʻokahi wale nō, ka mahalo, a me ka hoʻonani ʻia, a mau loa aku. ʻĀmene.

ʻO KA ʻEPISETOLE A PAULO KA LUNAʻŌLELO I KO HEBERA 2:7

“Ua hana iho ʻoe iā ia ma lalo iki iho o ka poʻe ʻānela; Ua kau mai ʻoe ma luna ona i ka nani a me ka mahalo i lei nona; Ua hoʻolilo ʻoe iā ia i haku no nā mea a kou lima i hana ai.

ʻO KA ʻEPISETOLE HOʻOLAHA A IAKOBO 2:22

Ke ʻike nei ʻoe, i hoʻoikaika pū ka manaʻoʻiʻo me kāna hana ʻana, a ma ka hana ʻana i pono ai ka manaʻoʻiʻo.

ʻO KA ʻEPISETOLE HOʻOLAHA A IAKOBO 3:13

¶ ʻO wai lā ka mea akamai a me ka naʻauao i waena o ʻoukou? E hōʻike mai nō ia ma ka noho maikaʻi ʻana, i kāna hana ʻana me ke akahai o ka naʻauao.

ʻO KA ʻEPISETOLE HOʻOLAHA MUA A PETERO 1:7

i lilo hoʻi ka hoʻāʻo ʻana o ko ʻoukou manaʻoʻiʻo, ka mea i ʻoi aku ka maikaʻi ma mua o ke gula pau wale, i hoʻāʻo ʻia i ke ahi, i mea e mahalo ʻia ai, a e hoʻomaikaʻi ʻia ai, a e hoʻonani ʻia ai i ka wā e ʻikea mai ai ʻo Iesū Kristo.

ʻO KA ʻEPISETOLE HOʻOLAHA MUA A PETERO 5:4

A hiki i ka wā e hōʻike ʻia mai ai ke Kahu Hipa Nui, a laila e loaʻa iā ʻoukou ka lei nani loa, ʻaʻole loa e mae.

KA BUKE MUA A SAMUʻELA 2:30

“No ia mea, ke ʻōlelo mai nei ʻo Iēhova ke Akua o kā ʻIseraʻela, ‘ʻĪ ihola au, ʻo ko ka hale ou, a me ko ka hale o kou makua kāne, e hele mau loa lākou i mua oʻu’; akā ʻānō, ke ʻī mai nei ʻo Iēhova, ‘Hōʻole akula au ia; no ka mea, ʻo nā mea e hoʻomaikaʻi mai iaʻu, naʻu lākou e hoʻomaikaʻi aku; a ʻo nā mea e hoʻowahāwahā mai iaʻu, e hoʻowahāwahā ʻia lākou.