ʻO KA ʻEPISETOLE A PAULO KA LUNAʻŌLELO I KO ROMA 13:4 - Ka Baibala Hemolele

⁴ No ka mea, he kauā ia na ke Akua e pono ai ʻoe. Akā, inā e hana ʻoe i ka hewa, e makaʻu nō ʻoe; no ka mea, ʻaʻole he mea ʻole kona lawe ʻana i ka pahi kaua; no ka mea, ʻo ke kauā ia na ke Akua, he ilāmuku e hoʻopaʻi ana i ka mea hana hewa.

ʻO KA ʻEPISETOLE A PAULO KA LUNAʻŌLELO I KO ROMA 13:4 Iomraidhean Croise

KA BUKE MUA NO NĀ ALIʻI 10:9

“E hoʻomaikaʻi ʻia aku ʻo Iēhova kou Akua, ka mea i ʻoliʻoli mai iā ʻoe e hoʻonoho iho iā ʻoe ma ka noho aliʻi o kā ʻIseraʻela; no ko Iēhova aloha mau ʻana i kā ʻIseraʻela, no laila i hoʻolilo ai ʻo ia iā ʻoe i aliʻi e hoʻoponopono, a e hana ma ka maikaʻi.”

KA BUKE ʻALUA O KA ʻOIHANA ALIʻI 19:6

ʻŌlelo akula ʻo ia i nā luna kānāwai, “E noʻonoʻo ʻoukou i nā mea a ʻoukou e hana ai; no ka mea, ʻaʻole no nā kānaka ʻoukou e hoʻoponopono ai, no Iēhova nō, a ʻo ia pū kekahi me ʻoukou i ka hoʻoponopono ʻana.

NĀ ʻŌLELO AKAMAI A SOLOMONA 16:14

ʻO ka huhū o ke aliʻi, ʻo nā ʻelele ia no ka make; ʻO ke kanaka akamai, ʻo ia ke hoʻomaʻalili aku.

NĀ ʻŌLELO AKAMAI A SOLOMONA 20:2

He uō ʻana me he liona lā, ka weliweli i ke aliʻi; ʻO ka mea hoʻonāukiuki iā ia, hōʻeha nō ʻo ia i kona ʻuhane iho.

NĀ ʻŌLELO AKAMAI A SOLOMONA 20:26

Hoʻopuehu aʻe ke aliʻi akamai i ka poʻe hewa, Hoʻokaʻa ʻo ia i ke kaʻa ma luna o lākou.

NĀ ʻŌLELO AKAMAI A SOLOMONA 20:8

ʻO ke aliʻi e noho ana ma ka noho hoʻokolokolo, Hoʻoʻauheʻe ʻo ia i nā hewa a pau me kona mau maka.

KA WĀNANA A ʻISAIA 1:17

“E aʻo i ka hana maikaʻi, E ʻimi i ka hoʻopono, E alakaʻi pololei i ka mea i hoʻokaumaha ʻia; E hoʻopono i nā keiki makua ʻole, E kōkua i ka wahine kāne make.

KA WĀNANA A IEREMIA 5:28

‘Ua momona aʻe nei lākou, ua hinuhinu hoʻi; ʻO ia, ua hele lākou, a ua pākela ma mua o ka hana ʻana a ka poʻe hewa; ʻAʻole lākou i kōkua i ka pono, I ka pono hoʻi o nā keiki makua ʻole, Ua pōmaikaʻi naʻe lākou; ʻAʻole lākou i hoʻopono ma ka hoʻopiʻi ʻana o ka poʻe kaumaha.

KA WĀNANA A ʻEZEKIʻELA 22:27

“ʻO kona mau aliʻi, i waenakonu ona, ua like me nā ʻīlio hihiu hae e haehae ana i ka mea pio, e hoʻokahe i ke koko, a e luku hoʻi i nā ʻuhane e loaʻa iā lākou ka waiwai ʻālunu.

KA WĀNANA A ʻEZEKIʻELA 25:14

“A e kau aku au i kuʻu hoʻopaʻi ʻana ma luna o ʻEdoma ma ka lima o kuʻu poʻe kānaka o ʻIseraʻela; a e hana aku lākou iā ʻEdoma ma muli o koʻu huhū, a ma muli o koʻu ukiuki; a e ʻike lākou i koʻu hoʻopaʻi ʻana,” wahi a Iēhova ka Haku.

MIKA 3:9

Ke noi aku nei au iā ʻoukou, e hoʻolohe i kēia, e nā luna o kā Iakoba, A me nā luna kānāwai o kā ʻIseraʻela, Ka poʻe e hoʻowahāwahā ana i ka pono, A e hoʻololi ana i ka pololei a pau.

ʻO KA ʻEPISETOLE A PAULO KA LUNAʻŌLELO I KO ROMA 12:19

Mai hoʻopaʻi ʻoukou no ʻoukou iho, e ka poʻe i aloha ʻia; akā, e hoʻokaʻawale aku no ka inaina; no ka mea, ua palapala ʻia, “«Noʻu nō ka hoʻopaʻi ʻana, naʻu nō e uku aku»,” wahi a ka Haku.

ʻO KA ʻEPISETOLE A PAULO KA LUNAʻŌLELO I KO ROMA 13:6

No laila hoʻi, he pono no ʻoukou e hoʻokupu aku kekahi; no ka mea, he poʻe lawehana lākou na ke Akua, e mālama ana ia mea.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:6

ʻAʻole make hoʻopohō kekahi, ʻaʻole ka hoʻomakehewa i kā kona hoahānau i kekahi mea; no ka mea, ʻo ka Haku ka Mea nāna ia poʻe e hoʻopaʻi mai, ʻo ia kā mākou i haʻi mua aku ai me ka hōʻike ʻē aku iā ʻoukou.

KA BUKE A IOSUA 20:5

‘A inā hahai ka mea hoʻopaʻi koko iā ia, ʻaʻole lākou e hāʻawi i ka mea pepehi kanaka i kona lima; no ka mea, ua pepehi ʻo ia i kona hoa noho me ka ʻike ʻole; ʻaʻole inaina ʻo ia iā ia ma mua.

KA BUKE A IOSUA 20:9

E lilo nō kēia mau kūlanakauhale i puʻuhonua no nā mamo a ʻIseraʻela a pau, a me ka malihini e noho pū ana ma waena o lākou, i peʻe aku ai i laila kēlā mea kēia mea i pepehi kanaka me ka manaʻo ʻole, i make ʻole ʻo ia i ka lima o ka mea hoʻopaʻi koko, a hiki i ka wā o kona kū ʻana i mua o ke anaina kanaka.

ʻO KA ʻEPISETOLE HOʻOLAHA MUA A PETERO 2:14

inā ma kā nā kiaʻāina, e like ia me nā mea i hoʻouna ʻia e ia no ka hoʻopaʻi ʻana i ka poʻe hana hewa, a no ka hoʻomaikaʻi ʻana aku i ka poʻe hana maikaʻi.