ʻO KA ʻEPISETOLE A PAULO KA LUNAʻŌLELO I KO ROMA 11:3 - Ka Baibala Hemolele

³ “E ka Haku, «ua pepehi lākou i kāu poʻe kāula, ua wāwahi lākou i kou mau kuahu, ʻo wau wale nō koe, a ke ʻimi nei lākou e kāʻili i kuʻu ola»?”

ʻO KA ʻEPISETOLE A PAULO KA LUNAʻŌLELO I KO ROMA 11:3 Iomraidhean Croise

KA BUKE MUA NO NĀ ALIʻI 18:13

“ʻAʻole anei i haʻi ʻia i koʻu haku ka mea aʻu i hana aku ai i ka wā i pepehi ai ʻo Iezebela i nā kāula o Iēhova, ʻo koʻu hūnā ʻana aʻe i hoʻokahi haneri kānaka o ko Iēhova poʻe kāula, pāpākanalima ma ke ana, a hānai aku iā lākou me ka berena a me ka wai?

KA BUKE MUA NO NĀ ALIʻI 18:4

A ʻo kēia hoʻi, i ka pepehi ʻana o Iezebela i nā kāula o Iēhova, lawe aʻela ʻo ʻObadia i nā kāula hoʻokahi haneri, a hūnā pāpākanalima aʻe iā lākou i loko o ke ana, a hānai aʻela iā lākou me ka berena a me ka wai.)

KA BUKE A NEHEMIA 9:26

¶ “Akā, kūʻē akula lākou A kipi aku iā ʻoe, A kāpae hoʻi i kou kānāwai ma ko lākou kua, Luku ihola lākou i kāu poʻe kāula, ka poʻe i aʻo pinepine aku iā lākou E hoʻohuli iā lākou i ou lā, A hana ihola lākou i nā mea hoʻonāukiuki loa.

KA WĀNANA A IEREMIA 2:30

“Ua makehewa koʻu paʻipaʻi ʻana i kā ʻoukou poʻe keiki; ʻAʻole i loaʻa iā lākou ka naʻauao. Na kā ʻoukou pahi kaua nō i hoʻopau i ko ʻoukou poʻe kāula, E like me ka liona luku.