ʻO KA ʻEPISETOLE A PAULO KA LUNAʻŌLELO I KO ROMA 11:1 - Ka Baibala Hemolele

¹ ¶ No ia hoʻi, ke nīnau aku nei au, “Ua kiola anei ke Akua i kona poʻe kānaka ponoʻī?” ʻAʻole loa; no ka mea, he mamo na ʻIseraʻela au, no nā hua o ʻAberahama, no ka ʻohana hoʻi a Beniamina.

ʻO KA ʻEPISETOLE A PAULO KA LUNAʻŌLELO I KO ROMA 11:1 Iomraidhean Croise

KA BUKE ʻALUA NO NĀ ALIʻI 23:27

A ʻī maila ʻo Iēhova, “E lawe aku hoʻi au i kā Iuda mai koʻu alo aku, e like me kaʻu i lawe aku ai i kā ʻIseraʻela, a e hoʻowahāwahā aku au i kēia kūlanakauhale ʻo Ierusalema, kahi aʻu i wae ai, a me ka hale aʻu i ʻōlelo ai, ‘Ma laila koʻu inoa.’”

KA BUKE O NĀ HALELŪ 77:7

¶ E kipaku anei ka Haku i ka manawa pau ʻole? ʻAʻole anei ia e maliu hou mai?

KA BUKE O NĀ HALELŪ 94:14

ʻAʻole haʻalele ʻo Iēhova i kona poʻe kānaka, ʻAʻole hoʻi e kuʻu wale aku i kona hoʻoilina iho.

HOSEA 9:17

E kipaku auaneʻi kuʻu Akua iā lākou, No ka mea, ʻaʻole lākou i hoʻolohe iā ia; A e lilo lākou i poʻe ʻaeʻa ma waena o nā lāhui kanaka.

KA ʻEUANELIO I KĀKAU ʻIA AI E LUKA 20:16

“E hele mai nō ia a luku mai ia poʻe hoaʻāina, a e hāʻawi aku i ka māla waina i kekahi poʻe ʻē.” ʻŌlelo ihola ka poʻe e hoʻolohe ana, “ʻAʻole loa ia!”

NĀ ʻOIHANA A KA POʻE LUNAʻŌLELO 22:3

¶ “He kanaka Iudaio nō wau i hānau ʻia ma Tareso i Kilikia, ma kēia kūlanakauhale naʻe au i hānai ʻia ai, ma nā wāwae o Gamaliʻela, ua aʻo ʻia au ma muli o ke kānāwai ikaika o nā mākua; ikaika loa nō hoʻi au i ke Akua, e like me ʻoukou i kēia lā.

NĀ ʻOIHANA A KA POʻE LUNAʻŌLELO 26:4

“ʻO koʻu noho ʻana, mai koʻu wā ʻuʻuku mai, aia nō ia, mai kinohi mai ma Ierusalema i waena o kou lāhui ʻāina iho, ua ʻike nā Iudaio a pau;

ʻO KA ʻEPISETOLE A PAULO KA LUNAʻŌLELO I KO ROMA 11:11

¶ Ke nīnau aku nei hoʻi au, “Ua ʻōkupe anei lākou i hina loa ai?” ʻAʻole loa; akā, ʻo ko lākou hina ʻana, he mea ia e ola ai ko nā ʻāina ʻē, i mea e hoʻoikaika hou ai iā lākou.

ʻO KA ʻEPISETOLE A PAULO KA LUNAʻŌLELO I KO ROMA 3:4

ʻAʻole loa ia; akā, e hōʻoiaʻiʻo ʻia aku ke Akua ke hoʻopunipuni nā kānaka a pau: me ka mea i palapala ʻia, “«I hoʻāpono ʻia ai ʻoe i kāu ʻōlelo ʻana mai, A i lanakila hoʻi ʻoe i kou hoʻāhewa ʻana mai».”

ʻO KA ʻEPISETOLE A PAULO KA LUNAʻŌLELO I KO ROMA 9:3

No ka mea, he pono i kuʻu manaʻo e ʻoki ʻia mai au, mai o Kristo mai, no kuʻu poʻe hoahānau, nā hanauna oʻu ma ke kino.

ʻO KA ʻEPISETOLE LUA A PAULO KA LUNAʻŌLELO I KO KORINETO 11:22

He poʻe Hebera anei lākou? Pēlā nō hoʻi au; no kā ʻIseraʻela anei lākou? ʻO wau nō hoʻi; he mamo anei lākou na ʻAberahama? Pēlā hoʻi au.

ʻO KA ʻEPISETOLE A PAULO KA LUNAʻŌLELO I KO PILIPI 3:5

Ua ʻoki poepoe ʻia au i ka pō ʻawalu, no ka lāhui kanaka o ʻIseraʻela, no ka ʻohana o Beniamina, he Hebera hoʻi no nā Hebera, a he Parisaio ma ke Kānāwai.

KA BUKE MUA A SAMUʻELA 12:22

“No ka mea, ʻaʻole e haʻalele mai ʻo Iēhova i kona poʻe kānaka no kona inoa nui; no ka mea, ua ʻoluʻolu ʻo Iēhova e hoʻolilo iā ʻoukou i poʻe kānaka nona.