ʻO KA ʻEPISETOLE A PAULO KA LUNAʻŌLELO I KO ROMA 10:5 - Ka Baibala Hemolele

⁵ No ka mea, ua hoʻākāka mai ʻo Mose i ka hoʻāpono ʻana ma ke kānāwai, ʻo ke kanaka e hana ana ia mau mea, e ola ia i laila.

ʻO KA ʻEPISETOLE A PAULO KA LUNAʻŌLELO I KO ROMA 10:5 Iomraidhean Croise

KA BUKE A NEHEMIA 9:29

“A aʻo pinepine aku nō hoʻi ʻoe iā lākou E hoʻohuli iā lākou ma kou kānāwai; Akā, hana hoʻokiʻekiʻe lākou, ʻAʻole hoʻi i hoʻolohe i kāu mau kauoha; Hana ʻino nō lākou i kāu mau ʻōlelo kūpaʻa, (‘Nā mea e ola ai ke kanaka ke hana ʻia’), Hāʻawi lākou i ka poʻohiwi kipi, A hōʻoʻoleʻa i ko lākou ʻāʻī, ʻAʻole hoʻi i hoʻolohe.

KA WĀNANA A ʻISAIA 55:3

“E hāliu mai i ko ʻoukou pepeiao, a e hele mai iaʻu; A hoʻolohe mai, a e ola nō ko ʻoukou ʻuhane; A e hana nō au me ʻoukou i berita mau loa, I ka lokomaikaʻi ʻoiaʻiʻo hoʻi o Dāvida.

KA WĀNANA A ʻEZEKIʻELA 20:11

“Hāʻawi akula hoʻi au i kaʻu mau kauoha iā lākou, a hōʻike akula hoʻi au i koʻu mau kānāwai iā lākou, ʻo nā mea ke mālama ʻia e ke kanaka, e ola ia i laila.

KA WĀNANA A ʻEZEKIʻELA 20:13

“Akā, kipi maila ka ʻohana a ʻIseraʻela iaʻu ma ka wao nahele, ʻaʻole lākou i hele ma kaʻu mau kauoha, ua hoʻowahāwahā hoʻi lākou i koʻu mau kānāwai, ‘ʻo nā mea ke mālama ʻia e ke kanaka, e ola ia i laila’; a ua hoʻohaumia nui lākou i koʻu mau Sābati. A laila ʻōlelo akula au, E ninini aku au i koʻu ukiuki ma luna o lākou ma ka wao nahele, e hoʻopau ai iā lākou.

KA WĀNANA A ʻEZEKIʻELA 20:21

“Kipi maila naʻe nā keiki iaʻu; ʻaʻole lākou i hele ma kaʻu mau kauoha, ʻaʻole hoʻi lākou i mālama i koʻu mau kānāwai e hana ma laila, ʻo nā mea ke mālama ʻia e ke kanaka, e ola ia i laila; ua hoʻohaumia lākou i koʻu mau Sābati; a laila ʻōlelo ihola au, e ninini aku au i koʻu ukiuki ma luna o lākou, e hoʻokō ai i koʻu huhū iā lākou ma ka wao nahele.

KA BUKE ʻAKOLU A MOSE, I KAPA ʻIA ʻOIHANA KAHUNA 18:5

‘No laila, e mālama ʻoukou i kaʻu mau kauoha, a me koʻu mau kānāwai; inā e hana ke kanaka ia, e ola nō ʻo ia ia mau mea; ʻo wau nō Iēhova.

ʻO KA ʻEPISETOLE A PAULO KA LUNAʻŌLELO I KO ROMA 7:10

ʻO ia, ʻo ke kauoha e ola ai, ua loaʻa iaʻu he mea ia e make ai.

ʻO KA ʻEPISETOLE A PAULO KA LUNAʻŌLELO I KO GALATIA 3:12

A ʻo ke Kānāwai, ʻaʻole ia ma ka manaʻoʻiʻo; akā, “ʻO ke kanaka e hana ana ia mau mea, e ola ia i laila».”

KA BUKE ʻALIMA A MOSE, I KAPA ʻIA KĀNĀWAI LUA 4:1

¶ “ʻĀnō hoʻi, e hoʻolohe, e kā ʻIseraʻela, i nā kānāwai a me nā ʻōlelo kūpaʻa aʻu e aʻo aku nei iā ʻoukou, e mālama, i ola ʻoukou, i komo hoʻi ʻoukou, a noho ma ka ʻāina a Iēhova ke Akua o ko ʻoukou poʻe kūpuna e hāʻawi mai ai no ʻoukou.

ʻO KA ʻEPISETOLE A PAULO KA LUNAʻŌLELO I KO PILIPI 3:9

i loaʻa hoʻi au i loko ona, ʻaʻole e paʻa ana i kaʻu pono ma ke Kānāwai; akā, i ka pono ma ka manaʻoʻiʻo iā Kristo, ʻo ia ka pono mai ke Akua mai ma ka manaʻoʻiʻo;